استفسار ..واثق ماراح يقصرن النشاما من ذوي الخبره

[افزعواله]

السلام عليكم اهل مكشات اسمحوا لي اسالكم هل الجبيليه التي لا تجاوز 13*13 قادره على صيد الحباري ولا لا وفي حالة نعم هل تحتاج الى مزيد من التدريب اكثر من الوافيات اعذروني فما غيركم لنا عزوة ومرجعيه في هذا المجال..حفظكم الله جميعاً ورزقكم بالصيد الطيب

[صقار البحرين]

هلا والله

والله ياخوي انا من وجهت نظري انه الجبليه سوى كانت وافيه او صغيره اهم حاجه تتوفر فيها القطاعه والظفاره
وان شاء الله انها تصيد الحباره

اما الدعو او الياقه لا بد منها لكل طير يكون مجهز من ناحية اللياقه سوى وافي او محقور

الصيد عديد وعدله

[فداع]

هلا والله



والله ياخوي انا من وجهت نظري انه الجبليه سوى كانت وافيه او صغيره اهم حاجه تتوفر فيها القطاعه والظفاره
وان شاء الله انها تصيد الحباره


اما الدعو او الياقه لا بد منها لكل طير يكون مجهز من ناحية اللياقه سوى وافي او محقور



الصيد عديد وعدله
مثل ماقال اخوي هي راجعه للقلب:good:

[..@القناص@..]

هلا والله



والله ياخوي انا من وجهت نظري انه الجبليه سوى كانت وافيه او صغيره اهم حاجه تتوفر فيها القطاعه والظفاره
وان شاء الله انها تصيد الحباره


اما الدعو او الياقه لا بد منها لكل طير يكون مجهز من ناحية اللياقه سوى وافي او محقور



الصيد عدي د وعدله

اخوي .. صقار البحرين افادك ..
جزاه الله واختصر لك الموضوع ..,,,

[افزعواله]

اخوي صقار البحرين ماقصرت بيض الله وجهك..
اخوي فداع شكرا لمرورك ويعطيك العافيه..
اخوي سلطان القناص كثر خيرك..

[@قرناص@]

,,

هلا..

آخوي من رئيي

ان الجبليه قآدرهـ على صيد الحبارى..

لاكن يجب ان تكون من موآريها السبق والجساره الشجاعه

وتعليمها على الحمام والدجاج والديوك ودجاج الحبشي..

ورآح تكون سم الحبارى!


,,

[سيل قطر]

الطيور فيها الشجاع وفيها الجبان بمعناه منها قلب قوي ومنها جبان ولاكن الحجم الوافي مطلوب لانه في حباري ماترحم الطير وادوسه الين يعض القاع00 وتقبل مروري

[أبو رداد]

وعليكم السلام ورحمة الله وبركاته

نعم بامكان الجبليه الصغيره صيد الحباري اذا توفرت الشجاعه عندها
وتحتاج تعلوم اكثر عن الوافيات من الشواهين البحريه ...

[qtr5]

تبطي وانت تعلمه
والى رفسته ولا طملته ماعادهو بقاربها
وبتخسر علايم عليها اكثر من الصيد اللي بتعينه

الله يرزقك بالوافي

[شنوان]

ما قصر اخي
صقا ر البحرين
كفى وفى
عطاك الزبده بختصار

[مدماك]

هلا اخووي تصيدها ونص وفي نااس مجربينها وصادتها تعليق والله يوفقك يالغالي.........مدماك

[بـلـيـهـان 1]

السلام عليكم و رحمه الله و بركاته

حياك الله أخوي

اشكرك على التطرق لهذا الموضوع و سأفيد بوجهة نظر فقط لا غير /

الشيهانه الصغير إلي مقاسها 13 * 13 .. بحسب إعتقادي قليل جدا ً صيدها للحباري ، لأنها أول شي صغيره و ما تصيد إلا إلي على قدها ( كروان ، دجاج ، .... إلخ ) ، كلن يمد رجليه على قد لحافه .. < :)
ولكن يوجد بعض التبوع و المحقورات خالفوا هذا المثل .. و صادوا الحبارى ، و لكن لم يدربها إلا مدرب خبير ، ( الخيل من خياله .. ) و الصقر من صقاره .. أكيد بتشوف صقاره ما هو هين ،.. تعلوم قوي و لياقه قويه في الطير و تدريب على الملواح واجد و تعليمه على الحبارى .. شوي شوي ..
في هذه الحاله لا تستغرب التبع يصيد أبرق الريش :)

[صقااارالدمام]

أفادوك الأخوان وتقبل مروري

[stewrd]

اخوي شقران كفيت ووفيت ومن راي هوه نفس رايك ودمتم سالمين

[قلب ذيب]

تصيد حبارى اللفو ! اذا هي معده ومجهزه وقاطعه ولياقتها فووووول .
والشباب ماقصروووووووا .

[جارح العين]

ماقصرو الاخوااااااان