ادعولها تكفون ... والله محتاج لها هالايام...

[راع حداء]

السلام عليكم ...جميعاً اعضاء مكشات الاعزاء...

كيف حالكم اخواني انا عندي سلقه كامله ( فل اوبشن ) هاهاهاها
ماعليها كلام كل من شافها مدحها وصراحه تعلقت فيها وقنصت فيها اكثر من مره واعجبتني بصراحه ...
واللحين مادري وش صااار فيها حالها تردت من عقب ماطردة فيها حصني ولحقته حوالي 3 إلى 4 كيلو وبعدها ركبتها معي ..
ومن بعد ثاني يوم ماتبي تاكل مادري وش صاار فيها ودايماً مدنقه راسها وحالتها حالها وماقدرت انزل صورها لكن بحاول انزلها واوريكم اياه ان شاء الله في اقرب وقت ...
لكن اذا فيه احد مرت عليه هالحاله وعنده خبره ياليت يفيدني .. وتكفون انا ودي تشافا اليوم قبل بكره لاننا نبي نقنص خامس العيد والربع ينتظروني انا وحداء والله حالتها مهي عاجبتني :(

والله يعطيكم العافيه انا طولت عليكم ...



شاكر لكم...

[أبو أمين]

يالله انك تشفي سلقة راعي حداء

[راع حداء]

الله يعطيكـ العافيه ومنكـ لباب السماء يارب

وشاكر مروكركـ الكريم

[A . J . A]

اله يهيدك تعبتها وراء الحصني

لاكن الله يقومها لك بالسلامه وتهدينا من انتاجها

[راع حداء]

اي والله ادري اني تعبتها بس هي مالها كبد على الحصني ههههههههه
وابشر بسعدكـ بس الحين خلها تقوم بالسلامه ولاتشيل هم

شاكر لك مروركـ الكريم اخوي ...

[shaheenshah]

يمكن ان الحصني متجنّس :d

الله يشفيها

[نفاج]

الله يشفيه ويعافيه وحاول أنك تربطه فترة بدين فك لها جربوع والكلاب تنسى بسرعه الله يكرمك ويكرم قارين الرد تقبل مروري

[عبد الله راشد]

الله يشفيها ويطعمك من خيرها وانشاء الله ما يجي اول يوم في العيد الاوهي مثل اول واحسن

[الابتر]

أخوي الحصني عضها ولا لا .

[راع حداء]

اخوي shaheenshah (http://www.mekshat.com/vb/member.php?u=38135) الله يعطيكـ العافيه على مروركـ الكريم

______

اخوي نفاج انا بعد الكلام هذا بـ 3 ايام هديتها على جربوع ويوم صادته كلته اتوقع لان لها 3 ايام ماكلت
وحالتها كلمالها تردا ابي حل تكفون

______________
اخوي عبدالله راشد الله يسمع منكـ وابشر من انتاجها يالغلا اذا تعافت

_____________

اخوي الابتر هلا فيكـ اتوقع انه عضها لانه بعد ماوصلت للمخيم حصلت دم على يدها

[خياله الجدعا]

لا يصير فيها غلاث من الحصني انتبه شكرا0

[ولد عنيزة]

شي عادي لاتخاف أنا سلقتي قد جاها نفس الشي
مادر وش جاها صرت إذاجيت أطلع مع ربعي ضيقت صدري مخندره يالله يالله تطرد بديت ماخليها تطلع
أربع وعشرين ساعه بالشبك وإذا جيت افك جربوع للسلق أخذتها وربطتها ماخليها تطرد لين تحمست
ورجعت لطبعها الاول بالطرد والوناسه وانصحك تسويها ذي فتره وتعدي إنشاء الله وتلحق على المقناص
وجب لها أرنب وفكه عندها بس لاتطرده ناظر هي تطلبه وإلا لا لكن هل هي ظعيفه كانها ظعيفه أكرمها قبل
وأعذرنا على القصور

[مدامع الحر]

شوف اخوي السلقه لاتجوعها بعد القنص بساعتين كذا او اكثر عطها اكل مافيه مشكله عليك الحليب والتمر وفيه فيتامين قطاره عند البيطري قيمته عشرين اريال عطها منه زين حق كلاب وقطط

[راع حداء]

خياله الجدعا الله يستر اخوي ويعطيكـ الف عافيه على مروركـ


____________

ولد عنيزه مشكور على مروركـ الكريم لكن اخوي انا ماحولي سلق ثانيه علشان اطلعها معهم الربع كلهم بالشمال


____________

اخوي مدامع الحر مشكور على هالنصيح وماراح انساها وبنفذها على طول الله يعطيكـ الف عافيه

[ساطي العتيبي]

راعي حداء السلقه جايها نفس عطها احد اخوياك
هديه ماراح تستعز وهي عندك او تريحها من اليوم
الى خامس العيد صارت عندي الحاله وصرفت الذيخ
من واحد الى واحد وباقي فيه شوي من مواري المرض
اللي كان فيه يعني عين وماراح تروح على طول يمكن
تطول ارجو اني افدتك والله هذا اللي صار لاتقول اني
طولت والا اقول اي كلام هذا الجد والسلام عليكم

اخـــــــــــــــوك ساطي العتيبي

[راع حداء]

هلا بكـ اخوي ساطي العتيبي
تراني اضفتكـ على الايميل ابيكـ بكلمتين
ومنور الموضوع اخوي ولايهنون باقي الاعضاء

[خياله الجدعا]

بارك الله فيك ياالذيب رح للبيطري ولا تاخر لين تموت وتروح عليك السلقه وتتحسف لا تهملها افعل الاسباب والله بيشفيها انشاءالله شكرا

[راع حداء]

والله ياخوي البيطريه اللي بالاحساء ماسو له شي
وبصراحه اني متحزن عليها وهي من راس مالي وانا اخوكـ

[الروقي نت]

راعي حداء السلقه جايها نفس عطها احد اخوياك
هديه ماراح تستعز وهي عندك او تريحها من اليوم
الى خامس العيد صارت عندي الحاله وصرفت الذيخ
من واحد الى واحد وباقي فيه شوي من مواري المرض
اللي كان فيه يعني عين وماراح تروح على طول يمكن
تطول ارجو اني افدتك والله هذا اللي صار لاتقول اني
طولت والا اقول اي كلام هذا الجد والسلام عليكم

اخـــــــــــــــوك ساطي العتيبي
مثل ماقال الاخ ساطي
حاول تبخها وتروشها من الماء خصوصا انت يمكن قدحتها بعين انت ولا اخوياك الله يحمينا والعين حق لكن ليتها جت بالحصني ولا جت فيها
ونصيحه لكل من يقرأ الرد أن يذكر الله على ماله وولده وأهله فليقل ماشاء الله تبارك الله على كل شيء يعجبه

[راع حداء]

الله يعطيكـ العافيه اخوي الروقي وماقصرت
وفعلا العين حق وقبل لاتمرض يعني تقريبا قبل رمضان بسبوعين او ثلاثه
فيه راعي جيب لقطها وهي بالمحل وجاء واحد من الشباب وكن نفسه فيها لكن انا ماظلم احد والعين حق
وانا بعمل بنصايحكم اخواني الاعزاء ومشكورين يالغالين
والدعاء بظهر الغيب ينفع الله لايهينكم

[القـــناص]

اولا: مايجوز انك تذبح الحصني الا اذا كان مأذيك ..

ثانياً: 4 كم على حصني مااتوقع انه فيها خير لأن الحصني مايمشي ..

ثالثاً: يمكن يكون الحصني مغلوث ..

[راع حداء]

اولاً اخوي كل عام وانت بخير حداء باح ( ماتت )
ثانياً : الحصني معروف انه مأذي المسلمين وياكل حلالهم
ثالثاً : هي فعله وافي لكن الحصني معروف بالروغان وللمعلوميه اول هداد لها كان على ارنب مامداه يمد ظهره
إلا وهي نافجته نفج ولذالكـ راعيها اللي قبل مسميها نفجا وهي جتني هديه
ورابعاً : شاكر لك المرور الكريم

[ابو صقر992]

اخوي راعي حدا الله يعوضك بالي اطيب منها

[راع حداء]

الله يعطيكـ الف عافيع على مروركـ الكريم اخوي ابو صقر

والعوض على الله

[خالد_202]

ما أقوووووول الا الحمد لله على نعمة العقل !!

والله انا أشره على الاخوان اللي ردوا على موضوعك وقاموا يدعووون !!

أجل احد يدعي لكلب ؟؟؟؟

ادع لوالدينك ادع لنفسك ادع الله يشافي مرضى المسلمين ويرحمهم

أسمح لي انا اشوف انه أستهتار بالدعاء (( دعاء على شان كلب ))

لاحول ولا قوة الا بالله

اللهم لا تواخذنا بما فعل السفهاء منا

[خياله الجدعا]

يااخي خالد السلق نفس خالقها رب العالمين وشي مستفاد منه ومفيد للاادمي واسمحلي اقولك كلامك هذا(اللهم لاتواخذنا بما فعل السفهاء منا)0 ماله سنع ولي مالك فيه اترك الله يجزاك خير وبلا فلسفه على العالم وخلها في حالها الله يرضى عليك والكلام الي مو مستفاد منه خله علشان ماينقدون عليك الرجاجيل لاحول ولا قوة الا بالله نرجو من اخوانا المشرفين في هذا المنتدى الراقي الانتباه لتجريح في الردود شكرا0

[خالد_202]

يااخي خالد السلق نفس خالقها رب العالمين وشي مستفاد منه ومفيد للاادمي واسمحلي اقولك كلامك هذا(اللهم لاتواخذنا بما فعل السفهاء منا)0 ماله سنع ولي مالك فيه اترك الله يجزاك خير وبلا فلسفه على العالم وخلها في حالها الله يرضى عليك والكلام الي مو مستفاد منه خله علشان ماينقدون عليك الرجاجيل لاحول ولا قوة الا بالله نرجو من اخوانا المشرفين في هذا المنتدى الراقي الانتباه لتجريح في الردود شكرا0



اول شي ( اللهم لاتواخذنا بما فعل السفهاء منا ) مهو كلامي هذا دعاء

الشي الثاني انا قاعد ادعي وش فيك لحقتك الشكه ؟؟؟؟؟

بالنسبه لمنقود الرجال بقول لك شي

اذا اجتمعوا شيبانك بمجلس شايبك قل لهم كلبي مريض ادعوا له

وشف ذيك الساعه على من بينقدون

وقلي وش راح يكون جوابهم لك

.....................................

ارجع واقول لك انا ما جرحت احد بكلامي ولا اتعمد هالشي انا دعيت

لكن المشكله بفهمك حرفت الكلام عن وجهه وصابتك الشكه اني اقصد الاستهتار وقاعد اتفلسف

وهالشي هو اللي ماااااااله سنع

[طلو]

تم اقفال الموضوع