ياهل الحدود الشماليه تعينت عندكم لاتقصرون معنا

[قناص ضريه]

السلام عليكم وكل عام وانتم بخير الحمد لله تعينت في الحدود الشمالييه ومطلوب منكم ياهل عرعر معلومات عن المدن والقرى التابعه للعرعر وخاصه الي جنوب عرعر وشكرا

[القطاوي 2008]

وانت بخير وصحة وسلامة يالغالي
الف الف الف الف الف مبــــروك ( التعيين )
اذا ما وسعتك عـــرعــــر توسعك عيـــيون أهل عــــرعـــــر

[طحنون]

عزالله انك طحت بديره اجاويد
ولا يهونون باقي المناطق
ان بغيت صحبه رجاجيل والا كرم
فهم لها اسئلني عنهم عايشتهم 8 سنوات بالشمال
لاكن عندهم برد يكسر العظام

[أبو_خالد]

تعينت هناك .. وطبعا كنت عزوبي

وطبيعي لازم نزور المعارف وأقارب الوالد هناك فليس لي أقارب (أقارب الوالد هم أقاربي) لكن من بعيد شوي ..

الحاصل ، إنهم أكرموني كرم الأمراء مع أنهم كلهم شيبان .. ذبايح وعزايم وفي رمضان فطور وكلش مفاطيح .. مع العلم إني ألزم وأحلف عليهم إلا إنهم -بيض الله وجيههم- ما ينفع الحلف معهم الذبيحة مذبوحة مذبوحة.

والناس هناك لمجرد أنه يعرف أبوك ولم لم يراك في حياته او يسمع عنك يكرمك ويحشمك .. ووالله أن بعضهم لمجرد أنه يعرف جدي ولم يرا أبي ولم يراني!

وإذا ذهبت إلى مناسبة إحسب حساب أن كل الحضور سوف يعزمونك ويلزمون عليك "ويتداورونك" على ذبايح لو كان ما يعرفك ، فقط لأنه يعلم أنك ضيف وأنه دعي لمناسبة من أجلك.

هذا واحد ليس لي به قرابة وليس حتى من فخذنا لزم علي في أحد المناسبات على العشاء إلا أنني حلفت إنه مايصير غير ما صار وبعد الحلف "كسبت القضية" ولم أتـمم له على العشاء من بكرة.
وبعد أسبوع وأنا جاي من الدوام لقيت سيارته قدام الباب وأثره مصلي معنا الظهر ودخل معي بيت معزبي (له سالفة) وتغدا معنا .. وقال : تراي من هذيك الليلة ماني مرتاح .. أثره يلزم على العشاء وتممت له إكراما لهذا الكرم الفائق.

أما معزبي اللي سكنت عنده .. حلف أيمانا مغلظة ألا أسكن بالإيجار وبعد تداولات وزعل وإتصالات وواسطات رفض رفضا تااااااما إلا يجعل لي غرفتين مع المرفق بالدور الثاني .. وصرت كأنني عنده في فندق .. فبعد صلاة الفجر يذهب ويجيب خبز من الخباز من أجل الفطور (وإذا نهيته عن هذا يزعل عليك ، ولا يسمح لك تجيب أنت على حسابك وإلا سيارتك) وبعد صلاة الظهر يأتي الغداء ومعه ما لذ وطاب من اللبن والعصير .. وبعد صلاة العصر القهوة والشاي وبعد صلاة العشاء وجبة العشاء مع أنه والله من أصحاب الدخل المحدود جدا جدا فراتبه لا يمضي عليه أكثر من أسبوع ، وإذا أتيت بأغراض للبيت من باب أنني صرت منهم وفيهم يزعل ويقول مالها داعي تشتري (ما يبي يخسرني).. وفي أحيان كثيرة يسألني وش تشتهي .. عسى أكلنا معجبك .. ولم يكن على رأي الشاعر اللي يقول في شطر بيت "ترا المعازيب بالجدة" يعني دامك جديد وضيف بيكرمونك ويحشمونك وإذا مانوا عليك تغيروا او يقل كرمهم .. هذا الرجل وهو متقاعد من أول يوم طبيت بيته إلى ما مشيت من عنده بعد 10 أشهر لم يرخصني كضيف ولم يقلل من شأن الضيافة أبدا ، حتى إذا أردت شيء يقفز أمامي يقربه لي! مع أنني أصغر من إبنه ، حتى إذا غاب أولاده أو كانوا ذاهبين في مكان ما يجلس عندي (يخاف يضيق صدري) حتى لو كان مشغول ، هذا طرف من كرم وحشمة أهل الشمال لضيوفهم.

[صقر البحيرات]

ما عليكم زود ياجماعة
يقولون مداح نفسه كذاب
وأنا ما ابي امدح نفسي والا ربعي انا اتكلم على العموم جميع القبايل
الطيب وانا اخوك الواجد
والكرم ما يحتاج ووسع صدرك ولا يضيق
اعتبر نفسك عند اهلك
والرجل الزين كلن يهليبه ويرحبه وانشاء الله انك منهم
وألف مبروك التعيين ....
بالنسبه لطلبك
المنطقة اللإداريه عرعر
ومحافظاتها ... رفحاء .... طريف
وهناك قرى تابعات لها ... الغرب ..
طريف غرب مدينه تبعد حوالي 250 كيلو متر الخط سيدين واحيانا في تحويلات ويصبح الخط سيد واحد
هجرة ابن سعيد .. تبعد عن عرعر غربا 19 كيلو تقريبا ...
هجره ابن بكر .. مغلقه .. تبعد 45 كيلو على الخط الدولي ثم تحويله يسار 10 كيلو متر طبعا ازفلت (( واصل ))
,,,,,,,,,,,,,,,,,,,,,,,,,الشرق
................................
محافظة رفحاء
تبعد عن عرعر 300 كيلوا تقريبا
والهجر كثيره بين عرعر ورفحاء وبين رفحاء والحفر
والصحيح بعضهن ما أعرفهن
وانشاء الله يفيدونك الأخوان انشاء الله
عندك الديدب ... وام خنصر والعويقيله ام الضيان والسليمانيه .الهباس والتمياط والخشيبي والمركوز والزبالا.... الثنيان .. ... إلخ كثيره جدا
::::::::::::::::
ومن جهة الجنوب
العماريه حوالي 50 كيلو تقريبا
ومن الشمال
جديدة عرعر على الحدود العراقيه 66 كيلوا او ستين كيلو
وبغداد عنا
350 كيلو ههههههههههههههه
المسافه انا ما قستها لا كن على الكلام وتخبر بعض اللوحات
يا ليتك تعلمني وش تخصصك اني انا تعينت بالقويعيه
اسف على الإطاله
واي خدمه انشاء انا مانقصر
بالتوفيق يالغالي

[قناص ضريه]

السلام علبكم ونعم بالشمال اهل الكرم والجود وهذا شىء معروف ومشكور يالقطاوي 2800 ويا طحنون ومشكور يابو خالد وياصقر البحيرات والله ماقصرت كفيت ووفيت والحمد لله اني متعين عند اهل الكرم وشكرا