لاحول ولاقوة إلأبالله......مابها نصيب

[راع حداء]

السلام عليكم
إنا لله وإنا إليه راجعون

بصراحه السلقه حداء ماتت وانا للحين ماني مصدق جيت المخيم الفجر ولقيتها غازه كراعاها وهي ماهي في محلها والظاهر انها مو مكتوب لها تقنص معنى هالسنه لكن ماقول إلا لاحول ولاقوة إلا بالله..والحمد لله على اللي الله كاتبه..:( <<< والله يالربع ان العبره خانقتني لكن الحمد لله وقلت للعامل شلها ولاتعلمني وين وديتها
والظاهر المرض مأثر عليها او قارصها شي .


وكتبت الموضوع لكم ماقصدي إلأان افضفض لكم لانكم اخواني وتحملوني
والعوض على الله

[صلهآم]

لاتزعل يا الغالي جعل راسك سالم

والله ماعندي سلقه طيبه ولاكان هديتك

لكن تو اخوي بعيد الشوح مهديني ذيخ ولا بعد جربته ما ادري كانه طيب ولا لا

كانك تامر عليه ابشر به ولا يصير خاطرك الا طيب

وعسى الله يعوضك بأخير من حداء

[راع حداء]

تعوض وتسلم اخوي
وتستاهل عطى اخوي بعيد الشوح وتأكل من صيده

[نفاج]

الله يعينك ويعوضك بل أحسن

[راع حداء]

اللهم امين شاكر لكـ اخوي نفااج

[عاشق الوافي]

كل عام ونت بخير

[راع حداء]

وانت بخير اخوي

[A . J . A]

هذي الدنيا وانا اخوك
تختبر بعدين تدرس عكس المدرسه الي تتعلم وتدرس وبعدين تختبر
اتمني انك استفدة من هل اختبار ..
الله يعوضك بالي اطيب منه يالغالي ..
انا ماودي ازيد الي فيك بس وانا اخوك اتمني انك تستفيد من الي صار
ولا عاد تهد سلقك الا علي شي يستاهل

معوض يالغالي ....

[الأكيدر]

00 ياهلا ياخوي وكل عام وانت بخير وصحه وسلامه 00

00 ماقول الا الله يعوضك بالاطيب انشاء الله 00

[الطرقي 950]

الله يعوضك بالاطيب

وراااحو ريجيل مو سلق بس والله ان بعض السلق اطيب من بعض الناس

والله يعوضك

[راع حداء]

aja صدقت الدنيا تجارب لكن والله هي مالها كبد على الحصني
واذا شافته تفلت عليه الظاهر بينهم ثار قديم <<<محلل :) <<ابطلع اللي فيني لاحد يلومني :o

الله لايهينكـ اخوي على المرور


___________

اخوي الاكيدر: وانت بخير وصحه وسلامه
اللهم امين


___________

اخوي الطرقي اللهم امين

هاهاهاهاهاهاها <<< والله انكـ صادق انها تسوى بعض الرجال

[أبو هنطش]

اخوي راعي حداء والله لاعندك سلقه ميته ولا سلقه تعبانه

كلااامك كله خرابيط في خرابيط

انت كاتب الموضوعين الاول وهاذا كذا بس استهبال ورجعت تكتب الموضوع هاذا عشان يقولك

احد ابشر بالعوض ويهديك بس بطريقه محترمه ماتبي تشحذ تقول ابي سلقه تكفووون

ياراعي حداء هههههههههههههه اجل ماتت هاه ههههههههههههههههههه

[اخوك يالذيب]

السلام عليكم لا تزعل يا خوي ان شاء الله ربي يعوضك احسن منها

[راع حداء]

ابو هنطش
ياخي كلن يرى الناس بعين طبعه
بعدين انا راح انزل صورة علشان اثبتلكـ ذالكـ وهي جتني هديه
واذا على منت تقول انا اشحذ على الاقل احسن من اللي يبون يشررون واذا جت العطيه محد يرده
بس انت طلع عقلكـ صغير وتحسب كل الناس مثل تفكيركـ << ماقول إلأا الله يهديكـ

[راع حداء]

هلا اخوي يالذيب شاكر لكـ مروركـ الكريم ولاهنت

[أبو هنطش]

راعي حداء اذا نزلت صوره السلقه الي تقول انها ماتت

ترا لك مني جروه

[راع حداء]

تم اخوي ان بنزلها لكن مابي منكـ شي

[خياله الجدعا]

لاحول ولا قوة الا بالله الحمد لله على كل حال وسع صدرك وابشر باالعوض اخوي راعي حداء0

[غرقان في شعيب]

كل الفلم هذا علشان تبي سلقه
ابوك يا العقل الداج -

[روح الوله]

الله يعوضك خير منها

[راع حداء]

اخوي هذي صورة لحداء قبل لاتموت يوم كانت مريضه

http://www.jeeran.com/photos/2013693/حدة/?lang=a

[راع حداء]

http://www.almlf.com/get-10-2008-so83b84x.jpg (http://www.almlf.com)

[راع حداء]

http://www.almlf.com/s_thumbnailer-10-2008/so83b84x.jpg

[راع حداء]

وذي صورة مصغره لها نفس اللي فوق وهي مريضه
وياليت اخوانا المشرفين يعدلون الصورة السابقه

http://www.almlf.com/s_thumbnailer-10-2008/so83b84x.jpg

[راعي الرديسى]

ابشر بالعوض وانا اخوك تدلل كل سلقي لك طب وتخير ولا يردك غير لسانك
والله اتكلم جد قلي واين انت وانا اجيك او تجيني

[A . J . A]

راعي حداء

بيض الله وجهك

[A . J . A]

راعي الرديسي
بيض الله وجهك انا اشهد انك ماقصرت

[أبو هنطش]

اخوي مابعد شفنا صوره السلقه وهي ميته؟؟؟


راعي الرديسي

هههههههههه حلوه ذي شدلي واقطعلك شكلكم تعرفون بعض والكل يرد على الثاني هاذا اذا كانتم شخص واحد

هههههه

[أبو هنطش]

اخوي مابعد شفنا صوره السلقه وهي ميته؟؟؟


راعي الرديسي

هههههههههه حلوه ذي شدلي واقطعلك شكلكم تعرفون بعض والكل يرد على الثاني هاذا اذا ما كانتم شخص واحد

هههههه

[صلهآم]

أبو هنطش الله يصلح حالك بس
ههههههههههههههههههههههههههههههههههههههههه

[راعي الرديسى]

ابو هنطش والله انا ماني محتاج اشد لاحد ولا ابي احد يقطعلي
انا اشد لنفسي وصيدي بمخلابي ما ني من الي يحتاج للخداع لكي يصل
افتخر بصداقتك واتمنى انك تغير من اسلوب الشك لديك
وامشي عدل يحتار 000000000000000
في النهايه انا ما اقول كلام مهايط واعيد واقول لاخوي راعي حده ابشر بالعوض واذا مسموح بنزل رقمي حتى تتصل بي ونتفق تجي تختار وابشرك سحمى مو مطوله وتلد واذا بعد تبي زود ابشر

[صياد تكريت]

ما يروح الى الي مابي نصيب الله ايعوضك

[صياد تكريت]

ابو هنطش والله انا ماني محتاج اشد لاحد ولا ابي احد يقطعلي
انا اشد لنفسي وصيدي بمخلابي ما ني من الي يحتاج للخداع لكي يصل
افتخر بصداقتك واتمنى انك تغير من اسلوب الشك لديك
وامشي عدل يحتار 000000000000000
في النهايه انا ما اقول كلام مهايط واعيد واقول لاخوي راعي حده ابشر بالعوض واذا مسموح بنزل رقمي حتى تتصل بي ونتفق تجي تختار وابشرك سحمى مو مطوله وتلد واذا بعد تبي زود ابشر
كفو ونعم منك

[عبد الله راشد]

يقول الرسول صلى الله عليه وسلم احبب من شئت فانك مفارقه ... الله يعوضك باطيب منها ... وياليت عندي سلق والله كان قلتلك طب وتخير ... بس العين بصيرة واليد قصيرة يا حبيبي

[راع حداء]

مشكورين جميعا وشاكر لكم مروركم الكريم وكفو اخوي راعي الرديسي
وابو هنطش الله يهديكم ماخليت احد وماشكيت فيه
لكن ماقول إلا كلن يرى الناس بعين طبعه
وثاني شي والله ماني مصورها وهي ميته علشان تصدقني عمركـ ماصدقتني
يكفي عكفان الشوارب تصدق وإلا انت ماهميتني

[g 4 m 5 c 4]

لا يضيق صدرك اللي خلقها خلق غيرها وازين منها وابشر بالعوض يالذيب

[راع حداء]

تعوض وتسلم يالذيب وماتقصر ومايقصر اخوي راعي الرديسي