مدفون طيور الدخل " مجرب "

[997]

السلام عليكم جميعا


اذا ربي وربك اكرمك بطويرات وشفت انه مايسوى النتف
جرب هالطريقة


برح الارض 2سم عمق وحط طويراتك بريشهن وبدون اي اضافات ورد التراب عليهن ويستحسن من تراب الشعيب لأن اغلبة حصى صغار ولع نار خفيفة " عويدات " واتركهن مدة 10 دقايق" واجد عليهن " بعدها احفر من جهة واحده واسحب لك وحدة وشف عنها ان كانها مستوية طلع الباقي
هالحين جا دور النتف
سحبه وحده تجيك مصلوخة بجلدها وترتاح من النتف وطعمها يبي يطق براسك من زينة
وبالهنا والعافية

[هدير الموج]

يعطيك العافيه

كل عام وانت بخير

[محمد الصرير]

يعطيك العافية أخوي ، طريقة حلوة ولذيذة ، بس أبعرف أول من فكر فيها وش طراها عليه . ودمتم سالمين

[أمير الصيد]

طريقه تستحق الواحد يجربها بالفعل
خاصه أن احب هالاشياء .
مشكور وماقصرت .

[997]

شاكرللجميع مرورهم وردودهم
محمد الصرير

فيه شي يقال له الحاجه ام الاختراع

[دهران]

الأخ الغالي / محمد الصرير


:good: :good: :good:


الله يعطيك ألف عافية يا طويل العمر .


وهذي الطريقة نسميها (( ملّة )) وهي تصلح للحجل لأنه ما فيه شحم وكذلك للعصافير .... أما للطيور المهاجرة مثل الدخل والقميري فأعتقد إنه ما تصلح لأنك إذا صلخت الجلد في النهاية بيروح الشحم اللي يميز طعم هذه الطيور .


وتقبل أعذب وأرق تحية .

[النمرالأليف]

والله يازين الدخيخيلات للتكشين شيءوالله شيء ومشكورعلى هالمدفون

[tome141]

مشكور وما قصرت :good:

[رحال بقعاء]

الله عليك وعلى طريقتك