وش ذا الطير ( ((صورة)) )

[أبو_خالد]

هذا طير لقيته ومسكته ولا أدري وش اسمه

لكن باين عليه بليد

فهو لا يقاوم ، ما غير نقرة بمنقاره الحاد

ولو تركته يوم كامل ما يتحرك عن مكانه إلا قليلا


http://www.mekshat.com/pix/upload02/images81/mk33437_11092008004.jpg





http://www.mekshat.com/pix/upload02/images81/mk33437_11092008002.jpg





ودمتم بود

[أبـو عــزام]

هذي نسميها ببريدة بطة عشا الله يسلمك

بس تراه شينه لاطعم ولا لون ولا رائحه

ومثل ما قلت بليدة جدا وغبيه بنفس الوقت

[عاشق المساري]

هذه تسمى بطة عشاء وانتبه لعيونك

[أبو_خالد]

هذي نسميها ببريدة بطة عشا الله يسلمك

بس تراه شينه لاطعم ولا لون ولا رائحه

ومثل ما قلت بليدة جدا وغبيه بنفس الوقت





شاكر مرورك الطيب وردك السريع

وسمعت إن اسمه

( أبو عود )

وله اسم

( صمّق )



دمت بود

[أبو_خالد]

هذه تسمى بطة عشاء وانتبه لعيونك




والله إنه خطير الماخوذ هو ومنقاره


شاكر ردك الجميل

[أبو طلال-نقوه]

السلام عليكم,
هذا نسميه بو الخصيف و دير بالك ترى بظرب بالعين....

[aljthab]

هذي بطة عشاء الله يسلمك
وزي ماقالوا الشباب سواء هي او كل طيور الماء انتبة من منقارة
ماتنحر الا العين
وفعلا طير بليد وقليل استيعاب مايدري وين الله حاطة
اخر مرة صدتة الله يكرم ضيوف الموضوع صدتة بالنعلة :)

[الخضور]

السلام عليكم
هذي الله يسلمك يسما بطه عشااااااااااااااااااااااااااااااااااااااااااا

[.. الشلاحي ..]

هذي الله يسلمك عندنا نسميها الصمق ولو لقيت جول منها كان تذبحه بام صمه كلها واذكر ان احد من الشباب لقى جول منهاوقام بها ذبح ويقول كل ماذبحت وحدة قامت الثانية تطالها بشكل بارد وشوي الا طاحت وحدة مارميتا من الدلاخة وبشكل عام اغبى طير يمر علي وعدوة الرئسي اسمع انه الثعلب
واسف على الاطالة

[crydays]

غرنوق غبيسي

[برق الحيا 55]

كل عام والجميع بخير

[متهبد الوجم]

بط قلوب هذا هو الاسم المتعارف عليه

[طير رفحاء]

السلام عليكم ورحمة الله وبركاته
هذا يسمى (أباعود)وهذا لإسم متداول بمنطقة القصيم وذلك لأنه يشبه العود أي الغصن ويسمى (رهوة ليل)من الفصائل الصغيره ويطير غالباً في الليل والله أعلم
له عيوب:0
1ـ لايؤكل وذلك لطعمه المر جداً0
2ـ منقاره الحاد خطير والذي يراقب تحرك العيون وبلحظة تجده إنقضى عليها0
فإحرص على الأطفال من هذا البليد لا يغرك بالبلادة
والسلامة للجميع

[أبوقزاز]

قالوهااا الشباب انتبه لعيونك!!

[zajeel2005]

بطة عساء والاسم العلمي بلشون القصب

[رامي التراب]

في قطر نسمية (عداد النجوم) ودمتم سالمين

[أبو_خالد]

جزاكم الله خير على ردودكم الطيبة

كلاً بإسمه

شاكر لكم مروركم العذب



دمتم بود

[سلايل كحيلان]

انتبه من ابا العود


لا يغرك هدوءه تراه ينتهز الفرصة الله يحفظ كل مسلم


وفقك الله أبا خالد

[أبو_خالد]

مشكور على ردك العذب أخ "سلايل كحيلان"

[الحركساب]

السلام عليكم وكل عام وانتم بالف خير
والله يالربع اكلنا منه (بط عشا) هالموسم على كيف كيفكم
بس له طريقه..
ياخوانى فيه شحم انا اجزم ماهيب بالطيور الثانيه..
خذو من شحم هالبطن وحمس ثم احمسوهم صح..
ثم البصل ثم البهار والطماط ان حصل افضل..
وسبع دقايق بالكاتم..واكبسوا..
وبالعااااااااااااااااااااااافيه.