العتيبي
28/01/2004, 02:33 AM
قلنا السلام عليكم ورحمة الله وبركاته
وصباح الخيرااات للجميع
كيفكم يااهل السيارات ،، هذي اول مشاركه لي بهالقسم وانسالله القى تجاوب من الجميع
انا صممت لي سياره ولله الحمد والمنه (هيكلها الخارجي) وفي امكانها تمشى في وسط منقع ماء وكذالك تسحب اي شي مهما كان بسبب تصميم هيكلها واذا غرزت حالف يمين اني لشب فيها النار ..===> واثق بزياده
المهم السياره مصممها لكتي تتناسب مع الجروف والشعبان القويه بالحيل (إلى مايدخلها الموتر) والجبال الوعدره الي الموتر ينشب فيها وكذالك للطين والهلاش لان الهلاش هو ام شي وهو الي دفعني اصمم هالسياره لان مره في الخراره كنت اطعس ونزلت من الجهه الشرقيه مادريت لاني اول مره اجيها ويوم نزلت واستوى الخط يعني يميني المنقع حق الماء ويسارى طعس لو تمناظر في راسه طاح عقالك من ارتفاعه المهم امشى احسب فيه درب وكان موتري جيب لاندكروزر ومعي واحد من اخوياي معه ربع ابو شنب تويوتا ونمشي شوي الا ونلقى في هالطريق صالون مغرز للدفرنس ولا فيه خط الا الي مغرز فيه ولا فيه امكانيه من يسار لان مافيه ين الصالون والماء الا مترين إلى ثلاث امتار تقريباً الربع حق خويي مشى وطلع لانه خفيف وانا امشى وكنت شاد عزم االا وهكس الكفره الي ورى اليسرى مابقى الا ربع متر وتطيح بالماء والموتر برفعه يعني ما تتوقع اش كبر الكارثه :eek: وانزل لك من السياره واتعوذ من الشيطان واكضم شوي غيض لاني ناصيح خويي راعي الربع لا ينزل تحت لاني شاك ان الوضع مو تمام ..
المهم انا احسب اني مشغل الدبل لان دفرنسي مركب له فرارات وصار الدبل ماشغل واشغله واعطيه الثقيل واشد :mad: لا والله انه قام يتياسر يم المنقع شوي افااااا :eek: وش الحل وفكرنا :what:
وقلنا مافيه الا انك يا راعي الربع الي هو خويي تنتل الجمس بالي تقدر (المساحي والكريكات ماقصرن ) ونربط الواير وحنا من قدام والجيب يسحب والحمدلله نطلعه بعد شق الانفس ، جا دوري الحين ويربط الواير ويتجهز وانا اعشق الثقيل وهو كذالك عقب ما شقيت طريق بالمسحاه علشان الجيب يمسك جره ويسلك لاني كنت في نزله مو زي راعي الجمس والمهم ينتلني وانا معه بالثقيل لاوالله ماتحرك الا قليل لاننا كنا بالعصريه والرمل حار تقول بودره نااااعم ولاعبة فيه السيارات ويحاول مره ثانيه وانا جالس اقول في نفسي مالي الا العن ام الموتر ولا جلست بلا رحمه بلا هم والله يوم رجيته اني مااصك الا باخر الشاص وهو معي واحد اثنين ثلاثه الا والله يوم ظهر :o وانزل اسجد شكر لربي :p وافك االواير بس صار فيه مشكله
خويي راعي الربع مزعجني يقول موتري اقوى واحسن من موترك ورافعن ضغطي صارت كل جلساتي معه سوالف بالموقف وقروشني شوي واحلف له ان لو اغرز ولا يصير شي اني لاشب بالموتر ولا تسحبني :mad:
ويسكت اشوى .
المهم الشاهد من هالقصه انه لو صار لك مثلاً نفس موقفي والله يبعده عن كل غالي واخو ولا كان عنده احد بيساعده وش كان بيسوي ؟؟
يبنتظر اسابيع الين المنقع يجف ولا ايش يسوي ؟؟
واذا بالمغرب صار نفس هالموقف لراعي شروكي سبورت الجديد القوي الله يستر عليه طاح بنفس مكاني بس مدري وش طرحه وماقدر يطلع الا بكبسوله تقريباً موديله 2002 وشروكي ثاني كلهم يسحبونه ويالله يالله طلع بس عقب ما تفقعت كفراته الي قدام لانه طاح في القشعه الي قدامي الي فكني الله منها . والشاهد على هالموقف الاخ العزيز جارود لانه كان واحد من الي فزعو لراعي الشروكي :p
وهذا الشي الي دفعني اني اصمم شي شبيه بالهمر العسكري والتوفيق بيد الله سبحانه وتعالى .. وانتظرو الصور بس مو بالقريب لان الوظع مطول شوي .
والي ابيه منكم يالنشامي ابدا رايكم باقوى مكينه للصحرى بالذات يعني عزمها من تحت الطعس طبعاً مع الطقم والي هو( الدفرنسات والقير) وانا اتوقع ان الشروكي ممتاز وفيه ناس يقولون ان الجمس511 رهيب بس خطير يخبط عليه بالطعوس وابغي رايكم ياهل الخبره بغض النظر عن صرفية النبزين لان تانكي السياره الي مصممه يكفي لأمة محمد مساحته2م ×1م ارتفاع نص متر مربع .
ولا تنسى انك ساهمت في تصميم سياره يبسجلها التاريخ
وما توفيقي الا بيد الله سبحانه وتعالى
صلى الله عليه وسلم
اخوكم / العتيبــــي
وصباح الخيرااات للجميع
كيفكم يااهل السيارات ،، هذي اول مشاركه لي بهالقسم وانسالله القى تجاوب من الجميع
انا صممت لي سياره ولله الحمد والمنه (هيكلها الخارجي) وفي امكانها تمشى في وسط منقع ماء وكذالك تسحب اي شي مهما كان بسبب تصميم هيكلها واذا غرزت حالف يمين اني لشب فيها النار ..===> واثق بزياده
المهم السياره مصممها لكتي تتناسب مع الجروف والشعبان القويه بالحيل (إلى مايدخلها الموتر) والجبال الوعدره الي الموتر ينشب فيها وكذالك للطين والهلاش لان الهلاش هو ام شي وهو الي دفعني اصمم هالسياره لان مره في الخراره كنت اطعس ونزلت من الجهه الشرقيه مادريت لاني اول مره اجيها ويوم نزلت واستوى الخط يعني يميني المنقع حق الماء ويسارى طعس لو تمناظر في راسه طاح عقالك من ارتفاعه المهم امشى احسب فيه درب وكان موتري جيب لاندكروزر ومعي واحد من اخوياي معه ربع ابو شنب تويوتا ونمشي شوي الا ونلقى في هالطريق صالون مغرز للدفرنس ولا فيه خط الا الي مغرز فيه ولا فيه امكانيه من يسار لان مافيه ين الصالون والماء الا مترين إلى ثلاث امتار تقريباً الربع حق خويي مشى وطلع لانه خفيف وانا امشى وكنت شاد عزم االا وهكس الكفره الي ورى اليسرى مابقى الا ربع متر وتطيح بالماء والموتر برفعه يعني ما تتوقع اش كبر الكارثه :eek: وانزل لك من السياره واتعوذ من الشيطان واكضم شوي غيض لاني ناصيح خويي راعي الربع لا ينزل تحت لاني شاك ان الوضع مو تمام ..
المهم انا احسب اني مشغل الدبل لان دفرنسي مركب له فرارات وصار الدبل ماشغل واشغله واعطيه الثقيل واشد :mad: لا والله انه قام يتياسر يم المنقع شوي افااااا :eek: وش الحل وفكرنا :what:
وقلنا مافيه الا انك يا راعي الربع الي هو خويي تنتل الجمس بالي تقدر (المساحي والكريكات ماقصرن ) ونربط الواير وحنا من قدام والجيب يسحب والحمدلله نطلعه بعد شق الانفس ، جا دوري الحين ويربط الواير ويتجهز وانا اعشق الثقيل وهو كذالك عقب ما شقيت طريق بالمسحاه علشان الجيب يمسك جره ويسلك لاني كنت في نزله مو زي راعي الجمس والمهم ينتلني وانا معه بالثقيل لاوالله ماتحرك الا قليل لاننا كنا بالعصريه والرمل حار تقول بودره نااااعم ولاعبة فيه السيارات ويحاول مره ثانيه وانا جالس اقول في نفسي مالي الا العن ام الموتر ولا جلست بلا رحمه بلا هم والله يوم رجيته اني مااصك الا باخر الشاص وهو معي واحد اثنين ثلاثه الا والله يوم ظهر :o وانزل اسجد شكر لربي :p وافك االواير بس صار فيه مشكله
خويي راعي الربع مزعجني يقول موتري اقوى واحسن من موترك ورافعن ضغطي صارت كل جلساتي معه سوالف بالموقف وقروشني شوي واحلف له ان لو اغرز ولا يصير شي اني لاشب بالموتر ولا تسحبني :mad:
ويسكت اشوى .
المهم الشاهد من هالقصه انه لو صار لك مثلاً نفس موقفي والله يبعده عن كل غالي واخو ولا كان عنده احد بيساعده وش كان بيسوي ؟؟
يبنتظر اسابيع الين المنقع يجف ولا ايش يسوي ؟؟
واذا بالمغرب صار نفس هالموقف لراعي شروكي سبورت الجديد القوي الله يستر عليه طاح بنفس مكاني بس مدري وش طرحه وماقدر يطلع الا بكبسوله تقريباً موديله 2002 وشروكي ثاني كلهم يسحبونه ويالله يالله طلع بس عقب ما تفقعت كفراته الي قدام لانه طاح في القشعه الي قدامي الي فكني الله منها . والشاهد على هالموقف الاخ العزيز جارود لانه كان واحد من الي فزعو لراعي الشروكي :p
وهذا الشي الي دفعني اني اصمم شي شبيه بالهمر العسكري والتوفيق بيد الله سبحانه وتعالى .. وانتظرو الصور بس مو بالقريب لان الوظع مطول شوي .
والي ابيه منكم يالنشامي ابدا رايكم باقوى مكينه للصحرى بالذات يعني عزمها من تحت الطعس طبعاً مع الطقم والي هو( الدفرنسات والقير) وانا اتوقع ان الشروكي ممتاز وفيه ناس يقولون ان الجمس511 رهيب بس خطير يخبط عليه بالطعوس وابغي رايكم ياهل الخبره بغض النظر عن صرفية النبزين لان تانكي السياره الي مصممه يكفي لأمة محمد مساحته2م ×1م ارتفاع نص متر مربع .
ولا تنسى انك ساهمت في تصميم سياره يبسجلها التاريخ
وما توفيقي الا بيد الله سبحانه وتعالى
صلى الله عليه وسلم
اخوكم / العتيبــــي