ارجو المساعده

[333]

السلام عليكم ورحمت الله وبركاته وبعد
انا يا الربع عندي سلقه جتني هديه والسلقه ذي ودي اعلمها على الركوب والنزول
هي تعرف تركب وتنزل بس المشكله انها متعوده على سياره وحده بس وذا قربتها
من سياره ثانيه تعيي تمشي وش الحل تكفون يا اعضاء مكشات

[خياله الجدعا]

وعليكم السلام ورحمة الله وبركاته
حي الله اخوي 333 اطلعبها انت وربعك واربطها عند المواتر وهي شغاله لين تتعود ولو تكرر عليها الموضوع يصير شي عادي او جب معها سلق كم مره وبتتعود انشاءالله شكرا الله يوفقك0

[333]

مشكور اخوي خياله الجدعا على ردك السريع بس مافيه حل غير هل حلين

[خياله الجدعا]

ماسويت شي اخوي 333 لكن انت جرب وبتلقاالحل صدقني لاتشيل هم كل مشكله لاحظ ولها حل وهذي مو مشكله0 سهله جرب وربك يسهلها بس لا تشبعها جوعها واطردبها مع المواتر انشاءالله مع التكرار بتصير عادي شكرا0

[نفاج]

دايم أكلها في الموتر ومسح عليها أذاطلعت البر أربطها عند الموتر أذا جريت أو طلعت تصيد ورتاحت شربها ماءفي الموتر وأنشاء الله بتضبط وأذا مفاد اللين العصا لمن عصى ولزم الصبر ماهي في يوم وليله تقبل مروري

[راعي سبحة]

ماقصروا ربعنا وبالتوفيق لك

[دواس الضلما]

ما قصرو الربع ؛؛ الله يعطيهم العافية

[دنيا بلا معنى]

اخوي333 الرجال ما قصرت لكن انا مجرب الجوع يعلم السلق بسرعه

[صلهآم]

وأذا مفاد اللين العصا لمن عصى ولزم الصبر ماهي في يوم وليله تقبل مروري

والله ياطويل العمر انا ضد العصى الصبر زين وكل مطرود ملحوق

[صلهآم]

أذا مفاد اللين العصا لمن عصى ولزم الصبر ماهي في يوم وليله تقبل مروري

والله يا طويل العمر انا ضد العصى الصبر زين وكل مطرود ملحوق

احترامي وتقديري

[عبد الله راشد]

يسعد مساك اخوي شف لا جيت تعطيها الاكل ولا تشربها خل اكلها وشربها في الموتر وصوت لها عشان تجيك صوت لها بعلامة تعرفها بحيث انها لا سمعت هالعلامة تركب الموتر يعني لو قلنا ... فوق او كلمه زي كذا والجوع مثل ما يقولون كافر ما يرحم والله ان تجيك وشوي شوي وبتركب هذي طريقة من الطرق واللي قالوا عليه الاخوان نعم الراي