شباب مسكت جربوع وش اوكلة ؟؟؟؟؟

[الاكستريما 2]

السلام عليكم ورحمة الله وبركاته
انا مسكت جربوع وش احط له وياكلة عشان يعيش عندي بربيه؟؟؟؟

[جرة عقرب]

والله وانا اخوووك - عطه اعشاب و وريقات صغااار . والله اعلم

[الاكستريما 2]

مشكور اخوي جرة عقرب على المشاركة الطيبة

[روووح]

عطه خبز وخس وشابوره

[الاكستريما 2]

مشكور اخوي روووح على المشاركة

[بدوي الرياض]

اذا نجحت معك تربيته رد لي خبر

[abnbtota]

يمكن تربيته وذلك من خلال ماشاهدناه في حدائق حيوان بالخليج وعني شخصياً شفته في الكويت بحديقة ( مركز العلوم ) وبالعين بالامارات في حديقة الحيوانات ..
عاد اطعام الجرابيع من النباتات المتوفره خصوصا الاعشاب ، لكن اذا مالك فيه اتركه بحال سبيله

[اسير الغضا]

وشوله تربيه ذتسه وبالعافيه لاتنسا تكثر التوميتوز

[ابوالجازي]

اول شي قبل الاكل اذا تبي الجربوع يعيش عندك بأذن الله
لايشوف ضؤ الشمس لمده طويله يعني بالنهار غط الشبك حقه ببطانيه او اي شي يحجب النور القوي عند
ترا هذي عن تجربه كنت اروح للصمان واصيد بالخميس والجمعه اكثر من 100 جربوع حيات واعلف الطيور منها باقي الاسبوع طبعا بالربطه
اما الاكل حاول تجيب من الشجر اللي يكثر بالمكان اللي صدته فيه يعني اذا الارض رمث جب له هدب الرمث او اي نبته مثل العرفج والعاذر وغيرها
وجرب الورقيات مثل الخس والكراث والجرجير والبقدونس
ملااحظه اذا هن اكثر من واحد انتبه لاتصير كلها ذكور تتذابح ولا يصير بالمجموعه اكثر من ذكر تتذابح
ارجو ان اكون افدتك

[المونديال]

مشكور ابو الجازي

[الصقري2000]

والله تذكرني باخوي
ما فيه حيوان في البر الى ومسكه ورباه
من جرابيع ودعلج ما بقا الا الحصاني
ههههههه
تقبل مروري

[الوهاج]

اول شي قبل الاكل اذا تبي الجربوع يعيش عندك بأذن الله

لايشوف ضؤ الشمس لمده طويله يعني بالنهار غط الشبك حقه ببطانيه او اي شي يحجب النور القوي عند
ترا هذي عن تجربه كنت اروح للصمان واصيد بالخميس والجمعه اكثر من 100 جربوع حيات واعلف الطيور منها باقي الاسبوع طبعا بالربطه
اما الاكل حاول تجيب من الشجر اللي يكثر بالمكان اللي صدته فيه يعني اذا الارض رمث جب له هدب الرمث او اي نبته مثل العرفج والعاذر وغيرها
وجرب الورقيات مثل الخس والكراث والجرجير والبقدونس
ملااحظه اذا هن اكثر من واحد انتبه لاتصير كلها ذكور تتذابح ولا يصير بالمجموعه اكثر من ذكر تتذابح

ارجو ان اكون افدتك


الله يسامحك يا اخي اكثر من 100 جربوع على كذا راح تفنى الجرابيع

[Abu Saad]

السلام عليكم .
من خلال تجربتي مع تربية الجرابيع ايام ربطة الطيور (الصقور) وذالك لتعليفها بهن بحكم جودة القوارض في قرنسة الطير .
كنت اعطيهن شعير ... وياكلن حبة الشعير مثل ماياكل الادمي التفاحة!
واهم شي يكونن بمكان مافيه نور وانتبه لازم يكون شبك الحماية قوي والا بيقرضنه وبيهربن ، وايضا لازم تراعي اذا انت حاجرهن بصندوق ان سقفه يصير نازل مرررره حوالي 15 سم لكي لايتاذن من كثر المطامر.
لانهن مع المطامر تصقع روسهن بالشبك لاكن اذا صار الشبك نازل مرة معاد جالهن مجال للنقز والمطامر _ ان شاء الصورة اتضحت .
وبالتوفيق.
اخوك
ابوسعد

[أبو رداد]

وعليكم السلام ورحمة الله وبركاته
خبز يابس , حنطه , شعير , النباتات والاعشاب البريه
حطله رمل او تراب في القفص
ولاتعرضه لضوء الشمس تراه حساس

[ناصر التميمي]

عطه برستد او همبرجر
:D :D
اشكرك اخوي خوي الطير
اعطه اعشاب ووريقات الاشجار البريه عموما
ولايتعرض للشمس حاول تحجبه عنها
وحطه برمل وخله يحفر له جحر
تقبل مروري
محبك
خشوم السحاب

[ابوالجازي]

الله يسامحك يا اخي اكثر من 100 جربوع على كذا راح تفنى الجرابيع

الكلام هذا تراه قبل عام 1405 ولا انقرظة الجرابيع
وتراي استفيد منها سبوع كامل وانا اعلف الطيور منها
اشكرك على تعقيبك وحرصك واهتمامك على البيئه يالوهاج

[gayed]

معليك من كثر الكلام عطه شعير وعلى مسئوليتي

[الكرتون]

ونا أخوك أنا ربيت الجرابيع عندي
وكنت اوكلها شعير الغنم
وعاشت عندي وتكاثرت
وكنت أبل الشعير وبعد كل يومين
وأول مأجيب كم جربوع أحطه بكرتون
لمدت يومين وبعدين أحطها مع الجرابيع الثانيه
وشكرا
تقبل مروري

[ابونايف الروقي]

اخواني انا قد ربيته جلس عندي 5 شهور وصارت حاله ولادة 3 جرابيع صغيره عندي ..
كنت حاط جيك حق لبن او 2 لتر وكنت منوم الجيك على جنبه وموسع فتحته شوي ودافنه في التراب وحاط جواته تراب شوي ومغطيه تحت الارض . طبعا هذي كلها في شبك تقريبا 2 متر في 2 متر . وبالنسبه للاكل شعير وورقيات البيت (( خس بقدونس ))

[سكّين]

إذا تبي تستمتع وأنت تشوفه يآكل عطه بسكوت ..

يصير واقف وهو ياكله ، وتشوفه طالع نازل .. تقل منشار

[برنس الهدد]

إذا تبي تستمتع وأنت تشوفه يآكل عطه بسكوت ..

يصير واقف وهو ياكله ، وتشوفه طالع نازل .. تقل منشار


خخخخخخخخخخخخخ

شوقتنا نبي نصيده ونجرب

[مروووق]

ههههههههههههههههههههههههههههههههههه اما بسكوت

يبي لها تجربه

[جاري تغير المعرف]

تبغى الحل وان كنت رجال من ظهر رجال

رجعه الى المكان اللي صدته منه و اعتقه لوجه الله عز و جل

[Stoned]

ترى الجربوع من الحيوانات اللي توالف وتربى بسرعه