مطلووووووب ترامس (زمزميه) قدييييييمه

[عاشق المطر]

السلام عليكم
بعد ما دخلت الساحه وشفت بعض المواضيع عن الاباريق القديمه (طنت)في راسي الترامس القديمه(زمزميه)حقت الشاهي كان تذكرونها..والله اني كل ما
اشوفها في المسلسلات السوريه اتذكر ايام زمان يوم كانت متوفره عندنا,,
يا حلو الشاهي فيها خاصة لما تفتح الغطا حقها وتميله على جمب:d,,
اعتقد بعضكم يتذكرها والماريه شكلها يجي كنها البطريق والوانها كاروهات مشكله ههههههه تكفووووووووون من الذيب الي يقدر يدبر لي هذاك النوع؟؟
ياليت احد يعرف هل هي موجوده عندنا في المملكه او احد يقدر يجيبها من برا يفيدنا تكفون
تحياتي.

[عجزت القا اسم]

كانها الي في بالي انشا الله اني لقيتها راجع الخاص

[عاشق المطر]

الله يبشرك بالخير اخوي الغالي..
واعتذر عن التأخير في الرد لعدم دخولي للمنتدى لضروف السفر..
ان شاء الله اتصل عليك نهار الثلاثاء للتفاهم..
تحياتي

[راعي الطلعات]

الحراج وتلقها منطلات في الارض

[Abu Saad]

اذا كنت تقصد ام كاروهات اللي تجي خظر وبرتقاليات وحمر ، وغطاهن سدة فلين طبيعي .
فموجوده طال عمرك في الرياض .
وانت على الدائري الشرقي وجهك شمال وجاك مخرج جامع الراجحي على اليمين لف يمين يطلع وجهك شرق( مخرج 15 )
وخلك مع الخدمة بيجيك مديور ناظر يسار قدام شوي فيه محل رحلات ( نسيت اسمه ) سبق ان شريتهن من عنده قبل 3 شهور تقريبا .
وترى لازم تروح قدام وتديور مع الاشارة وترجع له .. وماريته قبله لفه في الحارة واللي يبيع فيه سعودي .
اول ماتدخل مع الباب خذ للوراء در وناضر الرف اللي فوق الباب بتشوفهن معروضات :)
وبالتوفيق .

[عاشق المطر]

الف شكر على التوضيح اخي ابو سعد وبارك الله فيك وفي جميع الاخوان

[يا لبيه]

أسمه المقناص يا بو سعد

[Abu Saad]

حياك الله اخوي عاشق المطر وحنا في الخدمة .
اخي العزيز (يالبيه) صدقت الظاهر اسمه المقناص.
وبالتوفيق للجميع.

[sale22]

اخوي عند الصانع للأواني المنزلية في بريدة وبكثرة وبسعر رخيص جدا
محلهم الجديد بشارع الشاحنات