الشتاء على الابواب والدهناء تنااااادي الفزعه بالفراش الطيب ,,,,

[عاشق المطر]

السلام عليكم
ماطول بالموضوع ...
بما ان الجو بداء يعتدل ويميل للبروده هذه الايام ومثل ماتعرفون الطلعات
وشبة الضو في الدهناء من الحين وهي تدغدغ المشاعر الله يرزقنا المطر المبارك ويزين البر للمسلمين..
نويت اشتري فراش للنوم ولي فتره وانا متردد هل افصل تفصيل او اشتري جاهز؟
انا اغلب طلعاتي للنفود والصمان يعني معشاي قريب ههههههه يومين ثلاثه
وجاي للديره..
وش تنصحوني بالنوعيه الممتازه الي تخليك تحس بالحر وانت في عز المربعانيه؟؟
وعلى حسب تجاربكم استفيد منكم بارك الله في الجميع..

تحياتي

[بواسامه]

اثنين فقط
القاضي البرتقالي المقاس الكبير 280 ريال وعيبه انه يلجمع الرمل من داخل بس دافي
والدريويش بنفس القيمه وبوليستر من الداخل وميزته انه سهل تنظيفه ونفضه

وفقك الله

[سليمان 10]

ياعاشق البر خذنصيحتي وتبي تدعيلي 0اشتر بطانيه نفرين غاطين افضل صناعه تقريبا قيمتها 500 ريال ثم رح الى محل خياطه طرابيل وقله يخيط عليه طربال تنزاني ضد المطر مع سحابات اوخراطات وحط رجلك الى اي مكان وهذه طريقه مجربها واحد من الشباب قبل تقريبا 18 سنه الى يومك وهو يستعمله 0وعند طوي الفراس اسهل واصغر حجم 0وبالنسبه للفرش الي في المحطات وبعض محلات الرحلات فانا اقول لاتوهق نفسك البرد وجه ذيب 0انا معي فراش الدريويش شاريه 260 ريال لكن لازم يصير معي بطانيه في وسط الفراش والا ماتذوق عيني النوم 000

[دغيم1]

هلا فيك أخوي
مثل ماقال أخوي ابو أسامه وسليمان
لكن خذ لك بطانبة كوري غاطين ثقيل ورخيص
وفصل عليها شراع تنزلني أو باكستاني أخضر ثقيل دافي وجيد
ولاتنسى مخباة للجوال والمفاتيح والنظارات
ونوعية السحاب ، وحط له كيس لحفظه عند التحميل
تمنياتي لك بأحلام دافئة

[ردن]

ياعاشق البر خذنصيحتي وتبي تدعيلي 0اشتر بطانيه نفرين غاطين افضل صناعه تقريبا قيمتها 500 ريال ثم رح الى محل خياطه طرابيل وقله يخيط عليه طربال تنزاني ضد المطر مع سحابات اوخراطات وحط رجلك الى اي مكان وهذه طريقه مجربها واحد من الشباب قبل تقريبا 18 سنه الى يومك وهو يستعمله 0وعند طوي الفراس اسهل واصغر حجم 0وبالنسبه للفرش الي في المحطات وبعض محلات الرحلات فانا اقول لاتوهق نفسك البرد وجه ذيب 0انا معي فراش الدريويش شاريه 260 ريال لكن لازم يصير معي بطانيه في وسط الفراش والا ماتذوق عيني النوم 000




هلا فيك أخوي

مثل ماقال أخوي ابو أسامه وسليمان
لكن خذ لك بطانبة كوري غاطين ثقيل ورخيص
وفصل عليها شراع تنزلني أو باكستاني أخضر ثقيل دافي وجيد
ولاتنسى مخباة للجوال والمفاتيح والنظارات
ونوعية السحاب ، وحط له كيس لحفظه عند التحميل

تمنياتي لك بأحلام دافئة


هذا الكلام وصدقني ماراح تندم

لان كل شي تحت اختيارك ونظرك

موفق

[عاشق المطر]

اشكر جميع الاخوان على التكرم بالمشاركه وتقديم نصائحهم المفيده عن تسائلاتي..
بالنسبه لفراش القاضي انا ما جربته اما الدريويش فسبق ان جربته وكان
ميزته انه يعمر معك فتره طويله وسهل تنظيفه وطويه لكن التدفئه مو بذاك الزود في عز البرد..
كلام اخوي سليمان جيد واعتقد ان الطريقه الي ذكرها هي الافضل رغم ان عيب البطانيه في التنظيف بيكون زي الفرو بيقبل الرمل وصعب تنظيفه
على ما اظن,,!
ابسئل الاخوان عن معلومه سمعتها من ولد عمي وامتدح التجربه الي عملها.
وهي انه فصل فراش حيث احضر قطعة تباع في محلات ايكيا من ريش النعام
على ما اذكر وقام بتلبيسها بقماش ليسهل تنظيفها ثم خاط الطربال عليها
مدري اذا احد مجرب الطريقه هذي ام لا؟؟

تحياتي للجميع

[عاشق السيل]

عليكم السلام ورحمة الله وبركاته ،،

أنا معي فراش الدريويش من عشر سنوات تقريبا وشاريه ذاك الوقت بـ 200 ريال ،، وكاده كد بالبران وماشاء الله عليه خفيف وسهل التنظيف ودافي وسحاباته قوية ،، صحيح إنه مهب ذاك الدفى إذا نزلت الحرارة عن الصفر المئوي لكن المعروف إن الواحد بيكون لابس صح ومع الفراش بيكون الدفى على أصوله وتقدر تنام نومة هنية !!!!

واله يوفقك للي فيه الخير ....

[القاصي1]

انا اخذت فراش من المقناص قبل 9 سنوات تقريبا
فراش صغير ودافئ ...

بس اذا لقيته نفس القماش اللي تنزاني اصلي هو المهم

والسحابات الماني وغيره لا تاخذ

ولا مانع انك تخلي معك في داخل الفراش بطانية حقت العسكريه اللي لونها اخضر غامق ترا حجمها صغير و تدفي .

.

[سرهيد]

السلام عليكم

ركز على التنزاني اللي لك وللزمن

وترى الامر مزاح وتجربة

فيه ناس كثير يمدحون الدريويش

وعلى العموم بتشوف موضوع قريبا عن ما لدى القاضي من فرش وكل نوع وسعره

تقبل احترامي

[أفق]

جربت كثير غير القاضي لاتدور (البرتقالي الكبير) من جوا كأنه بطانية وشكلها خيالي وتدفي ومريحة بعد

[سرهيد]

انا كنت عند القاضي امس وصورت جميع الانواع وسعرها

وبينزل فيها موضوع قريبا

تقبل احترامي

اخوك

ابو عبدالله

[فهد-بوعبدالله]

مرحبا اخوي بالنسبه لي استعمل فراش الدرويش لاكن شفت الافضل القاضي الاخضر والبرتقالي دافىء ومريح .......
اما التفصيل التنزاني بكلفك اكثر قيمه البطانيه + قماش تنزاني الاصلي ترى زادت قيمه المتر فيه عن العام الماضي .............. اشوف القاضي افضل من 250 الى 350 ريال
وتقبل احترامي

[عاشق المطر]

الله يعطيكم العافيه على المشاركه وابداء الملاحظات القيمه هذي..
واتمنى من اخوي سرهيد يستعجل علينا بالموضوع الي ذكره عشان تتم الفائده للجميع...
لكم تحياتي وتقديري

[برنس الهدد]

جربت كثير غير القاضي لاتدور (البرتقالي الكبير) من جوا كأنه بطانية وشكلها خيالي وتدفي ومريحة بعد


اتوقع انه هو الافضل

[عاشق المطر]

مشكور اخوي برنس الهدد على الرد والمشاركه بوجهة نظرك..
الاحظ ان فراش القاضي هو الانسب على حسب اراء الاخوان الكرام,
تحياتي

[العراك]

انا مجرب فراش القاضي البرتقالي ولا احسن منه شي مجرب بجو قاسي جدا

[عاشق المطر]

الله يعافيكم جميع على النصيحه والارشاد بالفراش المطلوب,,
وهذي من بركات المنتدى الغالي علينا فهو من ترك لنا الفرصه للبحث والتحري مع الاخوان عن افضل السلع واجودها فقد اختصر علينا الكثير من الوقت والمال,,,

وبما ان اغلب الاراء تنصح بفراش القاضي البرتقالي اتمنى اعرف اقرب الاماكن الي يتواجد فيها ومعروض للبيع....
تحياتي

[رياض الصمان]

أخوي عاشق المطر حياك الله

سويت استفتاء على افضل فراش في الشتاء الماضي

واليك النتيجة على هذا الرابط

http://www.mekshat.com/vb/showthread.php?t=107489


طبعاً تبين لي ان فراش الدريويش من نوع البولستر
افضل شئ وانتبه من الصوف لا يقربك ترا الرمل ما يتعداه
وقيمته قريب من 300 ريال بس فراش لك وللزمن

لك مني اجمل تحيه أخوك رياض الصمان

[أبو مها]

انا مجرب فراش القاضي البرتقالي ولا احسن منه شي مجرب بجو قاسي جدا
هذا فراش الصمان وهوممتاز ودافىء وكأنة الفراش الامريكي
وهناك نوع اخر افضل منه وهو من منتجات القاضي ايظاَ واسمة( الفصول الاربعة) وقيمتة 340ريال

تحياتي

[باترول98]

السلام عليكم ورحمه الله وبركاته
نصيحه لوجه الله اخوي عاشق المطر غير الامريكي لاتاخذ :no2: وفصل عليه طربال تنزاني عشان يحفضه بس وراح تدعي لي

ووالله الوتجلس في فريزار ماتدري عن البرد

[كهلان]

اذا تبى االفراش الدافي عليك بكولمان الامريكي
ويجي مقاسات اختر اعرض شي تقريبا 120 سم
ولبسه طربال تنزانى وسوف تحس بالدفاء لو الحراره تحت الصفر
ومن مميزاته خفيف ودافي وفيه سحاب ثابت اذا كان الجو معتدل ما تحتاج الطربال
وبالتوفيق

[راعي الطلعات]

اذا تبي النصيحه خذ الي غطاه من برا تنزاني اصلي

ومن الداخل فرو ممتاز مايتفتت مع الزمن وتقدر تفصلك حسب طولك ومقاسك

وبالتوفيق

[بالون]

سلام عليكم
اخوي انا جربت كثير من الفرش ونا دايم اطلع البروراعي مقناص حباري يعني اجلس بعز المربعانيه .
اخوي فيه عند الهدف فراش بس غالي قيمته 500وقيمته غاليه ويتحمل 20 تحت الصفر مجرب واثبت التجربه ودافي بس كبيرمقاسه ويغثل شيله وحطه.
واذا كنت بتفصل بطانيه ويكلف خمس ميه اشتره من الهدف الي ببريده او الرياض لاكن فيه فراش عند السنيدي يتحمل 15 تحت الصفر ونا مجربه اسمه فراش الخليج الشبابي قيمته225ريال ممتاز ويدفي وخفيف مررررره تقبل مروري .. واقبل النقدووجهات النظر.

[مخاوى ابوه]

لا تعدي فراش القاضى البرتقالي ان طعتني
وماقصرو الشباب

وسلام ياللى تبسم

[عاشق المطر]

جزاكم الله خير جميعا على نصائحكم وارائكم التي لازلت استفيد منها مع كل رد اتشرف به,,
وامر طبيعي ان يكون هناك اختلاف بين الاخوان حول الفراش المناسب فلولا اختلاف الاراء لبارت السلع كما يقولون..
واتمنى ان الموضوع قد افاد الزائر الكريم وان يكون حوار الاخوان هنا قد خرج بفوائد يبحث عنها زائر المنتدى...
اما بالنسبة لي اعتقد انني سوف اقتني فراش القاضي لو من باب التجربه
حيث سبق لي ان جربت فراش الدريويش قبل 10 سنوات ولا ابخسه حقه في الجوده والقوه حيث استمر معي تقريبا 8 سنوات ماشاء الله عليه
لكن من باب التجيد سوف نتوكل على الله ونجرب فراش القاضي البرتقالي او الفصول الاربعه.
تحياتي للجميع

[أبوتوتو]

بالتوفيق يالغالي

[أبوعمر1]

بالنسبة لي جربت أكثر من فراش وأفضل فراش عندي

(فراش الخليج) صراحة دفاية والله افتح السحابات من الحر وميزته

كأنك نايم على حرير من نعومته ولا يمسك رمل وسهل التنظيف .

[سيف الظفير]

رح لبرق الحيا عندهم انواع ممتازة مرة ولكن غالية توصل الى 400 والله اعلم

[أبوسلطان1]

يااخوان الي يبي يجرب فراشه يجربه في عز البرد مثل وقت العام في عيد الأظحى ناس جالسة في بيوتها عند الدفايات وتتراجف من البرد أذكر أكلم ناس لهم في طلعات البر ويقلون ياحبيبي عند الدفايات ورايحين فيها وأنت تبي تودينا نهلك وألقى شباب ونتوكل على الله ونمشي ونبات في عروق الدهناء والله لابسين وشراريب جبره وعند النار ونتراجف ومعنى فراش الدريوش والقاضي الجسم دافي لاكن أطراف الرجلين بتتكسر من البرد اي نوم يجيك قمنا الفجر نبي نصلي المويه مثلجة ماتصب والطعوس تلمع من الثلج في الوقت هذااختبر فراشك كنك في فريز لاحك البرد لاحك،أتوقع مالك الاترجع وتشوف البهايم الي في البر وشلون صابره وخل فراشك يحتوي على فروطفيلي اي (صغير الخروف النعيمي وريش يباع في ايكيا وتخيط تنزاني) ممكن ينفعك كانت درجة البروده خمسة تحت الصفر وبردنا لاحظو جااااااف مو أجواء الدول الثانيه بردهم رطب.

[عاشق المطر]

يااخوان الي يبي يجرب فراشه يجربه في عز البرد مثل وقت العام في عيد الأظحى ناس جالسة في بيوتها عند الدفايات وتتراجف من البرد أذكر أكلم ناس لهم في طلعات البر ويقلون ياحبيبي عند الدفايات ورايحين فيها وأنت تبي تودينا نهلك وألقى شباب ونتوكل على الله ونمشي ونبات في عروق الدهناء والله لابسين وشراريب جبره وعند النار ونتراجف ومعنى فراش الدريوش والقاضي الجسم دافي لاكن أطراف الرجلين بتتكسر من البرد اي نوم يجيك قمنا الفجر نبي نصلي المويه مثلجة ماتصب والطعوس تلمع من الثلج في الوقت هذااختبر فراشك كنك في فريز لاحك البرد لاحك،أتوقع مالك الاترجع وتشوف البهايم الي في البر وشلون صابره وخل فراشك يحتوي على فروطفيلي اي (صغير الخروف النعيمي وريش يباع في ايكيا وتخيط تنزاني) ممكن ينفعك كانت درجة البروده خمسة تحت الصفر وبردنا لاحظو جااااااف مو أجواء الدول الثانيه بردهم رطب.
هلابك اخوي
انا سبق ان سمعت عن الريش الي ذكرته يباع في ايكيا واعتقد انه ريش نعام او شبيه له
والي كلمني عنه قال تشتريه وتلبسه شرشف قماش عشان مايمسك الرمل والاتربه وتغطيه بطربال تنزاني وشف الدفاء على اصوله...
اتمنى اذا احد مجرب العمليه هذي يوضح لنا وضع الفراش وكم تكلفته لاني سمعت ان الريش يصل قيمته 300 ريال..

تحياتي

[حجيku]

السلام عليكم ورحمه الله وبركاته

نصيحه لوجه الله اخوي عاشق المطر غير الامريكي لاتاخذ :no2: وفصل عليه طربال تنزاني عشان يحفضه بس وراح تدعي لي



ووالله الوتجلس في فريزار ماتدري عن البرد



اخوي بترول

انا متابع مواضيع الفرش البريه وابحث عن الفراش الامريكي

واخوك من الكويت

وانا متابع ردودك وكثير ما تمدح الفراش الامريكي

واخوك يبحث عنه من شهر تقريبا

ممكن تدلني وترشدني علي النوعيه الممتازه

وبانتظار ردك لي

[الرهدن]

سلام عليكم
اخوي انا جربت كثير من الفرش ونا دايم اطلع البروراعي مقناص حباري يعني اجلس بعز المربعانيه .
اخوي فيه عند الهدف فراش بس غالي قيمته 500وقيمته غاليه ويتحمل 20 تحت الصفر مجرب واثبت التجربه ودافي بس كبيرمقاسه ويغثل شيله وحطه.
وعليكم السلام ورحمة الله وبركاته:


أخوي بالون
عندي هذا الفراش وأتعجب من قولك ثقيل وغثيث شيله ,,
عند طويه إضغط ويجي على كيفك0
حلال عليه ال 550 ريال ولاتدوخون روسكم بالتوليف وفيه لون جميل وهو الجيشي المموه


ولعل هذا اللي يسأل عنه أخوي حجي من الكويت ,, لكنه تصميم محلي والدليل السحاب مع جميع الجهات حتى مع الرأس ويستحيل تجد فراش أمريكي أو أوروبي فيه سحاب من جهة الرأس علشان مايصير كفنك :confused:




0