يا قومنا جهازي خبط ....... وسط السواة ....

[بن نويشر]

مساكم الله بالخير يالربع ، اليوم ظهرت للبر وجهازي معي 276 العربي ، ويوم شغلته صار ما يطلع أبراج ، علماً بأن الجهاز من شهرين ما شغلته وما فيه شر أبداً . حاولت كذا مره ولكن عبث ما فيه فائدة .

أفيدوني يا ربعي وش السبب ؟

لا تقولون وده للوكيل !!!

هذا المشكلة صارت لي في البر ، والحمداً لله أني ما غزيت داخل كان رحت في خرايطها .

بس سؤال جداً مهم ومن باب التجربة والفائدة والعلم ، وخصوصاً لأهل الأختصاص ما هو السبب لعدم ظهور الأبراج ؟

أرجو الإهتمام بطلبي يالربع ..

[turki9]

خله لمدة 45 دقيقة في مكان مفتوح و هو بيلقط الاشارة ان شاء الله

[بن نويشر]

تسلم أخوي الكريم (turki9) وما قصرت وأنت الوحيد اللي علق على موضعي فا شكراً جزيلاً على أهتمامك ومرورك .

وأبشرك تعبثت فيه محاولاً إصلاحه هذه الليلة وتوفقت بفضل الله . حيث كانت المشكلة في ذاكرة الجهاز وتمت برمجة الجهاز تلقائياً والحمد لله الآن تمام التمام ....

وتقبل تقديري يالذيب ،،،،،

[سيف الناصر]

هناك مشكلتين في عدم التقاط الجهاز لاقمار
الاولى اما انك تركت الجهاز فترة طويلة من غير ماتشغله
او انك تحركت من اخر موقع كان الجهاز شغال فيه الى منطقه تزيد عن 250 كيلو يعني لو انك كنت في الرياض والجهاز شغال ومعطيك الموقع في الرياض جيت انت طفيته وبعدين مشيت وطلعت منطقه تزيد عن 250 كيلو من الرياض مثلا رحت الدمام ، في هذي الحالة اذا شغلت الجهاز معطيك الموقع في الرياض وانت في الدمام فتختلف البرمجة للجهاز .

بس الحل جدا جدا بسيط
بعد ماتشغل الجهاز وانت في الصفحة الرئيسية حق الاقمار اضغط رز قائمة ومن ثم موقع جديد ومن ثم اختر تلقائياً .