عمر الطيور

[ابو فهدالعجمي]

حبيت اشارك بشي يمكن يكون جديد او قديم بس حبيت اعرف هالشي
ابي اعرف منو من الصقاره الموجودين يخبر طير عمره كبير او كان عنده
لين للاسف كان عندي طير اقرنسه عندي من 1987الي2007
والطير مشتراه كان قرناس ومن بعض الصقاره كانو يعرفون الطير انه كان فرخ يا
1984او 1985
بس حبيت اعرف منو وصل عنده بالعمر هذا طير او يخبر احد كان عنده طير كبير بالعمر
وسلامتك واسف علي الاطاله ياليت تفدوني وانشالله بس اتعلم علي تنزيل الصور احطها
للطير مو اول طير يوصل عمره عندي فوق 17سنه


http://www.mekshat.com/vb/images/misc/progress.gif

[العمراني]

الي اعرفه انه فيه حر عند سلمان الرشيدي عمره عشرين سنه وعقبهاامات

[ابو فهدالعجمي]

مشكور علي المرور وابداء الراي اخ العمراني
والطير هذا كان عندي ومقرنسه 20 مره ومات 26\10\2007
وسمعت بعد كان عندي عازمي طير وصل 25سنه

[جارح العين]

مشاء الله
الله يعطي طيوركم الصحه والعافيه
وطولت العمر

[قناص شمير]

طلعتوا شيبان
لا تفضحون انفسكم ههههههههههه
عسى لكم طولة العمر

[قلب ذيب]

صحيح هناك طيور تعمر لاكثر من 15 سنه خاصه الحرار منها , قبل ظهور الامراض الحديثه ,
------ انا استغرب ! كيف يعتبر البعض الكبر (فضيحه ) ؟ مصير كل شاب يكبر ويشيّب اذا عطاه الله طولة العمر ! والشياب هم قواميس المعرفه بالحياه , ومنهم نتعلم من تجاربهم العمليه الصادقه .------ تحياتي .

[ابو فهدالعجمي]

مكشورين للمرور بس مو كبار ترا عمر بس معاصرين الطيور من الصغر وكنت مرافق الوالد الله يرحمه وكان طيره عندي لين مات الطير بس حبيت ابين ان الطير يعطيك عمر بالقناصه بس استغرب من ناس لاقلتلهم الطير عمره سادس قالو عرود يعني كبير عمر وحبيت بس اثير هالموضوع الشيق وانتعرف علي هالوجيه الطيبه

[سمنز]

مشاء الله الله يعطي طيوركم الصحه والعافيه

[محمد الفهيد]

يامرحبا يابوفهد

والله انا سمعت بطير عندي مري من أهل قطر قرنس عنده 21 مره وقالوا انه اطول مده والله اعلم
ويوم مات الطير قبره قبر رجال وحلف ماينقل عقبه طير

حتى نظره خف ويطلع على الأكياس والشمع

[راعي شلهوب]

اشكرك يابوفهد على الموضوع
انا جدي كان عنده طير باكستاني شاريه الله العالم اما ثنو او ثالث
وعنده عشرين سنه وعليك الحساب بس اخر سنتين
جاه عمى الطير جاته مثل الوضحه في عينه بس في العين كامله
ومات سنه 93 وبعدها قنص سنه ولاهوب وده بدون نفس ضايق صدره
على ذا الطير مع ان عنده طيور غيره لكن بالخص ذا مايبغي الى هو

[بوخالد الكعبي]

انا اكثر طير قرنس عندي ثنوي --لااني احب اشتري واجدد في الطيور

ولي يجيب قيمه يروح بها

ولكن تحسفت على ثنو كنت اعزه معزة صديق مب طير بس للاسف مات

بارك الله فيكم

[شنوان]

نعم فيه طير عند رجال توفى
الله يرحمه ويسكنه الجنه في الجبيل
يدعى/علي بن محمد الخاطر
علمي في الطير قبل سنتين قرناس 18
يقنص فيه ولده فواز
ولا ادري الطير حي ولا لحق راعيه

[ابو فهدالعجمي]

مشكورين علي المرور والمشاركه الحلوه وذكر الطيور الكبيره بالعمر
وهذا يدل علي ان الطير لا كان طيب ماينباع وانا واحد من النوع الي اصبر علي الطير
مابيعه غير بسعر قصب ينباع فيه اول يقعد عندي لين اشتري اطيب منه ولع الطير مشكله كبيره
ومشكورين مره ثانيه للمشاركه بالموضوع وننطر علوم طيبه عن هالطيور والله يوفق الجيمع بالطيور الطيبه والصيد الوافي يارب