حبا للفلوس ولا حبا للطيور

[قناص البردويل]

السلام عليكم كيف حالكم انشالله بأحسن حال ياجماعة الخير صار لي يومين مايجيني النوم من القهر قبل يومين كان اول يوم اطلع فيه للمقناص انا وخوين لي الوكاد انها فاتحة خير شفنا طير وقلنا هذا عقاب الوكاد وحطينا قطعة لحم والشبك المهم بعدنا شوي عنه ورجعنا الى هو بالشبك الوكاد اول ماقربنا هو ينطلق ولا هو قادر يرتفع الوكاد ونطارده ونطارده يما تعب شوي قام يحوم فوق سيارتنا يوم شفناه طلع قرناس حر بني بأبيض وساعة وعليها وحنا نطاردهالوكاد كسرنا السيارة مابقى بها شي ماتكسر واشوف جيبين ربع وجيب سفاري جايين ورانا من بعيد المهم ولما قربولنا ويطلع السكتون ويرمي كفر السيارة والسيارة بمكانها من قرادة الحظ حتى سبير مافي اصلا حنا ع الاساس طالعين نعس المنطقة ونشوف وش وضعها المهم حنا بنشرنا وهم طاردو الطير وطارت الطيور بأرزاقها بالله مو شي يقهر ياجماعة وخاصة انك اول مرة تقنص يعني معقولة اسوي بواحد بالخلا الخالي زي كذا اعوذ بالله هالنوعيات مو شايفة خير ولا تشبع عطونا رأيكم

[يامدور الهين]

حركه غريبه ماتصدر عن عاقل ...
وهل لاجل طير تقوم برمي انسان ... هذا اقرب مايكون شروع بالقتل ...
ياليت لو اخذت رقم اللوحة بتقدمت بشكوى رسمية للشرطة يتأدب كل جاهل ..
لو انكم انقطعتوا بهالبرر وصابكم العطش وش يكون مصيركم .. لاحول ولا قوه الابالله ..
الله يعوضكم خيررر وحمدا لله على السلامة ..

[gayed]

لا تطلع للبر دائما إلا معك سلاح

[قناص البردويل]

من جد عاد من طيبنا حنا قبل يرمون الكفر نقولهم ففتي ففتي النص بالنص ولا حياة لمن تنادي مشكور يامدور الهين والله يسلمك وهالنوعيات الرخيصة والنفوس الضعيفة لاتستغرب منها شي
شاكر لك مرورك

[القيعه]

لا حول ولا قوه إلا بالله العلي العظيم
اكيد هذولى سكارا مهوب في الفورمه يعني (مهوب في عقله )
بس الحمد لله على السلامه
ودامك سالم كلشي ينعاد لا يهمك الارزاق بيد الله

[987]

لا حول ولا قوه إلا بالله العلي العظيم

[أبو_خالد]

شكلك تمزح ...

[قناص البردويل]

اما امزح لا والله عيب علي

[أبو_خالد]

عداك العيب .. وحاشاك

[جوبا]

ياخوي وش هالطير الي يهد على قطعه لحم كان قلت حمامه سمانه تنبلع يمكن شايف ابو الحصين

[طير علوان]

موضوع غريب
قطعة لحمة
رم الكفر إلحقهم لو بالجنظ

[ناصر الحمد]

أعوذ بالله والله مشكله

[قناص البردويل]

اقولكم والله ياجماعة مادري بالظبط لحم ام غيره لاكن الشبك مربوط عليه ولا هو قادر يرتفع وكل ماشف زريعة يبي يريح وراها

[مشبر البران]

انت متأكد انه ابيض

[اسير الغضا]

قولو امين الله يجعل الطير الي اخذوه بهالاسلوب يسويبهم مصايب
اكيد ذولا اوادم

[ذيب العرمه5]

اخوي اعذرني احس السالفه (!!!)
ولا وش هالي يرمي كفرك وتتركه وتخليه يروح!!!

[شنوان]

الله يكتب الي فيه صلاح للجميع
ويستر على كل مسلم

[abu naif]

مرحبا اخوي سؤالي وشي الحمة ؟؟؟؟؟ ورميتو له شبك وخليتوها بدون ربط الشبكة ؟؟؟؟؟
؟؟؟؟؟؟؟؟؟؟!!!!!!!!!!!!!!

[هواوي مروق]

توصل الى هذه الدرجه رمي هذا بل العلالي الله اعلم

لاكن الله يعوظك اطيب منه

[القبقب]

أحنا السبب خلينا أسعار الطيور ترتفع أرتفاع جنوني
ومعاه أنجنت العالم وصادها جشع وهذه أخرة المواصيل
شىء مخجل وعمل نذل مالك غير تدعي عليه عسى الله يستجيب .

[مشبر البران]

الصيد فيها واحد بس يبغون الشكل الزين والنادر

[مشبر البران]

ارفق على الرجال

[قناص البردويل]

طيب ياجماعة اعتبروني كذاب وخذوني على قد عقلي وقولو رايكم في الموضوع لو حصل صدق ؟ احسن ماتكذبني قدام الرجاجيل الله يهديكم

[مشبر البران]

ضالمينك الجماعة لأنهم لا يعرفون النية

[أبو أمين]

الله يستر عليك (لله في خلقه شؤون)

[أبو رداد]

وعليكم السلام ورحمة الله وبركاته
يرمون الكفر فعل غير مقبول اكيد ...
لكن ياخوي باين من كلامك انك رجال بعيد عن الطيور (ياليت توضح لنا)
يمكن يكون انكم رميتوا حمامه لطير الرجال وهو هاده او يدعاه ؟؟؟
ويمكن يكون الشباب رموا قرب الطير علشان يرتبك ويهدالحمامه
ولايقدر يشرد فيها (بعض صيادين الصقور الي مايملكون شباك يستخدمون هذه الطريقه)
والاطار بنشر صدفه مع الرمي بنفس الوقت
الله اعلم
لكن الوكاد (الرمي على الكفر) غير صحيح ولايسويها الانسان السوي
سواء كان صقار او غير صقار
والحمد لله على السلامه

[ghufrani]

بالنسبه لي وأعذرني على كلامي هذا وأنت طلبت راينا
في الموضوع

أنت طبعا ماعرفت ويش الزريق إللي رميتوه للطير يعني أنت جيت الشباب وهم يطردون الطير وضايقتهم فكان منهم هذا التصرف كردة فعل للي صار منك
والدليل إن هم كانوا مجموعة سيارات والشي الثاني ماعرفت وشهو مع الطير لللللللللللللللللحم ولا حمامه

[قناص البردويل]

عليك نور يا غفراني الشبك اللي على الطير مااهو لنا حنا وضعنا قدامه الحمامه وجينا من وراه الى هو مشبوك ولا هو لنا ولاكن ماحوله احد وش بتسوون ومالهم حق بعد مطارده ساعة ونص وبعد يجون ع البارد يسون الحركة الخبيثة واقسم بالله بالحرف الواحد يقول روحو طاردو ابوحقبي احسن لكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مشبر البران]

غلطت عليهم ذي المره ذا حقهم يخلونه لك مستحيل وخصوصا لونه أبيض أو حر

[مشبر البران]

هم شبكوه أول

[قناص شمير]

شوف يابن العم سالفة انهم يرمون توايرك
هذا مو مقبول بالمرة
ولكن ياخي خذني على قد عقلي
هل معقول الساكتون يبط تواير سيارة
انا ما اكذبك بس يمكن سلاح ثاني مو ساكتون

[العمراني]

ياا ابن الحلال وشلوون لحمه وبعدين حماامه ابي افهم وانتو ماا تعرضتم النااس ولا طيرهم موو معقوول كلامك وماا تصير هل العلووم ووشلوون عرفت انه قرنااس حر ؟وانت عليمي من كلامك وضح جزاك الله خير ولا تحووم حوول طيوور الرجاال لا يرمووك انت بعدين

[أبو رداد]

عليك نور يا غفراني الشبك اللي على الطير مااهو لنا حنا وضعنا قدامه الحمامه وجينا من وراه الى هو مشبوك ولا هو لنا ولاكن ماحوله احد وش بتسوون ومالهم حق بعد مطارده ساعة ونص وبعد يجون ع البارد يسون الحركة الخبيثة واقسم بالله بالحرف الواحد يقول روحو طاردو ابوحقبي احسن لكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياخوي الصقاره وطرح الطيور لها سلوم وعادات وقوانين
وشكلك انت وخويك خربتم على الناس (من غير علم)
الطير طيرهم وفيه شبكتهم ويمكن ضاع منهم لفتره بسيطه او ابتعد عنهم والله اعلم
انصحك بخوة الصقاقير علشان تعرف سلومها صح ولاتطيح في مشاكل مستقبلا

[مشبر البران]

تعلم من أبو رداد

[جوبا]

يمكن الطير باشق والشبكه اللي فيه نقل وانت جاي ترمي حمامه وتطارده ساعه عشان كذا يقولك طارد ابو حقب

[مشبر البران]

يرمي كفر السيارة عشان شبوط

[ابو لارا]

اخوي حبيت أسأل :


لحمتكـ لحمة حاشي أو خرووف ؟؟

[الشمالي0]

يا قناص شكلك ركبنجي سكتون تفقع كفر السياره