هل انتم تأيدون مثل هاذا

[متعب العساف]

بسم الله الرحمن الرحيم


السلام عليكم ورحمة الله وبركاته
وكل عام وانتم بخير وصحه وسلامه
عندي سؤال للاخوه الصقارين ولايهنون الباقين بخصوص هدد الطير الحرار :

وهو هدد الحرار على البوم بنوعيها الكندره والحويمه ويفضلون الحويمه ويسمونها القطره

حبيت اعرضها عليكم واشوف آرائكم فيها
وهل انتم تأيدون مثل هاذا الهدد

ولكم كل محبه وتقدير

[الحركساب]

وعليكم السلام ورحمه الله وبركاته
انا غير مؤيد لهدد الطيور على البومه
وشكرا.

[العمراني]

البووم شرس انتبه منه على طيرك موو اي طير الي يهد على البوم

[فتى باريس نجد]

اخوي حرااااااااااااااااااااااااااااااااااااااااااااام تهد على شي مايوكل

[شواش9]

احلى هددهههه ياروحي ياشبك الهمل ياكثرهن

[@قرناص@]

اولآ مايجوز الهدد على البومه لانها ماتوكل منت مستفيد يعني ،،

والشيئ الثاني ماهو اي طير يهد ..

ولاهنت على الموضوع

[صقار الأسياح]

خطا في خطا ما يصلح تهد على البومه وهذي مثل اللي يهدون على الغربان والبواشق يستوحش الطير ممكن ياكل طير ثاني وحدثت كثييييييير

[رقاب الضرابين]

صحيح ما قالو الاخوان اول شيء هوا حرام وهذا اهم شيء والشيء الثاني ممكن يضيع الطير اذا كان ما فيه جهاز لان هذه جرت عليه كانت عندي شيهانه فرخ توني اصقرها ما شافت الحباري لقيت الي كبر ابو حقب النوع الوسط وهديت عليها وكان الجو فيه هواء شوي المهم حاومتها وغطت هي وياها في السماء وما بها جهاز وانا ماعاد اشوفهن ولاكن اخوي
يشوفهن مثل نقطت القلم المهم صادتها وحولت بعد ما ايست وقلت بعد ما اهد على قطره ابد ومع ذالك لماذا تقتل
وهي لاتاكل ولم يحلل الله قتلها

[راعي الدويمع]

الهد على البوم والبواشق والغربان يزرع في الطير ان ياكل طير ثاني

[مشبر البران]

خطأ ×خطأ×خطأ
وحرام تهد عليها لأنها ما توكل
ومو أي طير يهد عليها

[مغــادر]

انا اقول الحر من الطيور اللي تنحن من الهدد على الحويمه او على اي شي غير الصيده ( حبارى , كروان , ارنب ) اما الشاهين من الطيور اللي تهد على اي شي يطير حتى لو ماتهدها وتشوف حولها شي فيه جناح ويطير لحقته و دايما تصير معنا في المقناص ,,,

اخوك مغـــادر ,,,

[متعب العساف]

ألسلام عليكم ورحمة الله وبركاته

مسائكم الله بالخير والصحه والسلامه دووووم

انشاء الله تعالى ...


والله مادري وش بقولكم بعد طول الغيبه بس المهم اني شفت الي ردو وعطوني وجهات نظرهم وردودهم بالموضوع مميزه واشكرهم .

والله انا غبت بالعضويه لاني فقدة الايميل حقي والرقم السري والحمد لله حصلته صدفه وحبيت ارجع ولا كن يكون رجوع بقووووه انشاء الله تعالى ..

والموضوع يعتبر لي جديد يعني بنجدده لانه موضوع مفيد لكل من يجهل عواقب الهدد على مثل هذا الانواع من الطيور ..

تحياااااااااااااااااااااااتي .

[صاحب نوماس]

لا اؤيد

لانها خطيرة ممكن تذبح الطير

[متعب العساف]

يسلمو على المرور المميز

تحياااتي لك يااغااالي

[ابو امنه]

الله يعطيك العافية على الموضوع انا لااؤيد
والحمد لله على السلامة

[متعب العساف]

الله يسلمك اليوم ودووم اخي العزيز

مرور متميز تحاااتي لك .........

http://www.mekshat.com/vb/images/misc/progress.gif

[333]

حراااااااااااااام
شي مايوكل ليه تهد عليه
تقبل مروري
اخوك:333

[ابـــًًو تركـــًي]

حرام الهد على البوم والله منت مستفيد منه شي وانا لا اؤيد هذاا الفعل
\\\\\\مواي طير يهد على البوم\\\\\\\\

[متعب العساف]

333

صقار الوجه


تسلمون على مروركم

وعلى ابدء ارئكم

تحياااااتي لكم ..

[Lance-501]

حرام لانها لا تؤكل

[الكايد 123]

اخوي عندس سؤال انت بتاكلها اكيـــــد الجواب لا اجل ليه تصيده وهي حرام

[جو الشيخ]

اما بالنسبه لي والله ماعمري تركتها واي شي القاه ويطلبه الطير اهد عليه
ومن قل الحبارى نهد على اي شي يرف جناحه والطير يبيه ملينا من الحمام
وابشر بالوناسه كان الطير ظفر به ولا يهون الطير الوحش اقسم بالله متعه الهدد على الحوامه
اما البومه(الكندره)تظر الطير ويمكن تذبحه لان مخالبه اكبر من مخالب الطير
اسف على الاطاله

[متعب العساف]

اما بالنسبه لي والله ماعمري تركتها واي شي القاه ويطلبه الطير اهد عليه
ومن قل الحبارى نهد على اي شي يرف جناحه والطير يبيه ملينا من الحمام
وابشر بالوناسه كان الطير ظفر به ولا يهون الطير الوحش اقسم بالله متعه الهدد على الحوامه
اما البومه(الكندره)تظر الطير ويمكن تذبحه لان مخالبه اكبر من مخالب الطير
اسف على الاطاله



كلام سليم انت الوحيد الي اعترفت


انا تابعت كلام الاخوان كلهم مايأيدون الهدد على الحويمه ويقولون حرام .


بس انت تستانس بالهدد صح وأغلب الصقارين مو كلهم اغلابيه منهم يموتون على الحويمه الصغيره بس الحويمه الكبيره تغدي علوم اكثرهم لانهم يخافون على طيورهم يقولون اذا الطير صادها ابشر انه بيصيد الحباره لانها تشبه الحباره الى حدن ماء ولا كن انا والله ماعمري هديت على الحويمه واحرجوني خوياي على الهدد بس رفضت لان اذكر فيه وحد يسولف لنا عن قصه (( لطيره مع الحويمه )) يقول قبل سنوات كنت بالمقناص والارض حلوه وعلى حروة حباري وشوي الا والطير يطلع طلع بعيد وهده وطلعت حويمه واستمر الطير يحاومها لين تعلها وورد عليها وعلقها ولاكن اشبطه واوجعته والكل منا سبق انه شاف مخالب الحويمه شر .
الوكاد فكها الطير ومن عقبها الطير مايهد عليها ابدأ والمشكله كان يذبح الحباري ومن ذيك الحويمه لقى حباره بعد فتره ولاكن الطير منع عن الحباره لان فيها شبه من الحويمه


هذا ماسمعته منه والله اعلم


وتحياااتي لككم

[صقر القصيم 16]

حرام وانا اخوك تهد على شي وهو مايوكل ويمكن تذبح طيرك البومه

[قرناس شماالي]

اخوي حرام تهد على بومه وثانين

شوف البومه وش تسوي بطيرك

البومه تصرخ تخلي طيرك يخاف مو من البومه

الى يخاف من الحمامه

[ابوناهض]

والله انا ماايد... ويمكن ياخي هالبوم يصير عنده فروخ والله يهدي بعض الناس خلصنا من الحبارى والكروان راحو للبوم ههه

[a1Ruwais]

هذا حرام الله يهديك