منفاخ عملي ومجرب ... يوجد صور ..... سرهيد

[سرهيد]

السلام عليكم


نظرا لكثرة الاسئلة عن المنفاخ وحاجة راعي البر له


احب اعطي معلومة عن نوع استخدمته من ثلاث او اربع سنوات ، بعد ان تعبت من استخدام التجارية اللي تنباع في محلات الزينة اللي كرهتي للتجاري .


والى يومك وهو مدهر ومعقول وما فيه احد الا وياخذه مني


وشغال زي الحلاوة


http://www.mekshat.com/pix/upload02/images81/mk40450_dsc04407.jpg



http://www.mekshat.com/pix/upload02/images81/mk40450_dsc04408.jpg


http://www.mekshat.com/pix/upload02/images81/mk40450_dsc04409.jpg


http://www.mekshat.com/pix/upload02/images81/mk40450_dsc04410.jpg


طبعا من الاستكر اللي عليه تلاحظ انه من العليان


http://www.mekshat.com/pix/upload02/images81/mk40450_dsc04411.jpg


ومن الصورة التالية يلحظ انه مع ساعة لمعرفة كمية الهواء


http://www.mekshat.com/pix/upload02/images81/mk40450_dsc04412.jpg


وهذا لي الهواء المصاحب له


http://www.mekshat.com/pix/upload02/images81/mk40450_dsc04426.jpg


وهذي صورة لزر التشغيل والاغلاق


http://www.mekshat.com/pix/upload02/images81/mk40450_dsc04427.jpg


وهذي صورة تلحظ انه ينشبك على البطارية


http://www.mekshat.com/pix/upload02/images81/mk40450_dsc04415.jpg



طبعا وهو مشبوك على البطارية يلف على السيارة كامله لان سلكه طويل



والحقيقة من اشتريته ما لاحظت عليه اي شيء


طبعا يوم اشتريه وهو بسعر 290 او 320 تقريبا


ولا ادري كم سعره الآن


تحياتي لكم


اخوكم


ابو عبدالله

[دغيم1]

السلام عليكم ورحمة الله وبركاته
يعطيك العافية أخوي
ابو عبد الله
نعم منفاخ الهواء ضروري لكل مكشاتي
والأنواع كثيرة لكن القليل منها من يثبت وجوده
تحياتي لك

[سرهيد]

السلام عليكم ورحمة الله وبركاته



يعطيك العافية أخوي
ابو عبد الله
نعم منفاخ الهواء ضروري لكل مكشاتي
والأنواع كثيرة لكن القليل منها من يثبت وجوده


تحياتي لك


هلا بالعزيز دغيم

ويسعدني انت تكون اول من يشارك

انت من الخبراء في هذا المجل بحكم كثرة الطلعات لديك وبحكم خبرتك في الامر

تمنيت انك ادليت بدلوك في افضل منفاخ مر عليك انت ليستفيد الجميع

نعم مما لا شك فيه ان السوق مليء بكثير من الانواع اللي ما يكمل خمسة اشهر او اقل ، ولكن عليك باللي جربوه قبلك غيرك ويفيدينوك

انا عني هذا لا ما يقارب الاربع سنوات وما ينزل من السيارة ومنتقل معي في رحله وعملي وما لاحظته عليه شيء .

نعم يسخن ، بس ما يضره ، ولا يطفى ابدا .

تقبل احترامي

[عرق رملان]

يارك الله فيك يابو عبدالله
واذا كان هو ابو جمل ؟؟ كما هو واضح في الصور
فسعره من 250 الى 270
شارية من سنة تقريباً وهذا سعره
وشكراً لك

[سوبر VTC]

مشكور على الموضوع و الصور يابو عبدالله


عاد انا طال عمرك اذا تسمحلي ابحط صورة الماطور :D


http://www.mekshat.com/pix/upload02/images81/mk53291_bngibdo.jpg


((ابو جمل ما بعده كلام)):good: :good: :good:
من واقع تجربة
طبعا اهم شي الاستكر يكون موجود حق وكيله زي الصورة اللي على الماطور اللي تحت في الصورة احمر بازرق


انا اخبر ابو جمل الاصلي اول مانزل بالسوق ب380ريال


الان سعره عند حقين الرحلات ب260ريال


ميزته ان بستمه عن بستمين من المواطير الصغار


اعرف ناس واجد راعين تطعيس و راعين مرهمات و كذلك راعين صيد كلهم معهم ابو جمل حتى اغلب كبار السن الشيبان:D معهم ابو جمل
حتى احد الربع معه كورولا م2002
و الماطور له 3 سنوات معه
و هو راعي معنا و فلة حجاج :)
و دايم يطلع للنفود
و ينسم جميع الكفرات خصوصا الامامية
تحياتي

[أبومنصور]

ماء شاءالله عليك يابو عبدالله
دائماً مواضيعك بالصميم
والحقيقه انا احمل في سيارتي ماطورين اثنين
ودائماً معي .. والحاجه لهما لا تقدر بثمن
شكراَ يابو عبدالله

[ابونايف الروقي]

السلام عليكم

هذا ماركته تايجر من عند العليان يجي منه 100 سي سي ويجي منه 150 سي سي انا معي من 5 سنوات وماشي معي تمام بس عيبه انه يسخن شوي ..

وبالنسبه لابوجمل كيف اعرف الاصلي من التجاري؟

[جول قميري]

شريت ابو ناقة (ملينا من ابو جمل :d )

من برق الحيا بنص رمضان اللي عليه صورة شيروكي او همر وقيمته 265 وعليه ضمان سنة

وهو نفس اللي انت عارض بالصورة اخوي سرهيد بالضببببط 100%

وانا متاكد انه ابو بعير الاصلي

[سرهيد]

يارك الله فيك يابو عبدالله
واذا كان هو ابو جمل ؟؟ كما هو واضح في الصور
فسعره من 250 الى 270
شارية من سنة تقريباً وهذا سعره
وشكراً لك

هلا اخوي اول مشاركة

طبعا هو ليس ابو جمل لكن اجزم انه اخوووووووووه مرررررررررره

اسعدني تواجدك اخي الكريم

تقبل احترامي

اخوك

ابو عبدالله

[وسم 29]

من أفضل ما جربت من المواطير له معي أكثر من 4 سنوات
شكرا لك أبو عبد الله

[الحرفي..]

يعطيك العافية يا خوي سرهيد انا مجربة ها النوع ممتاز جدا أشتغل عندي 3 سنوات بعدها صار يشتغل ولايطلع هواء وديته للوكيل الشراع بالغرابي وصلحه بدون دراهم ،سألته عن الخراب وسببه قال الخراب :البستم فارط والسبب مايتحمل الماطور ضغط هواء عالي (اكثر من 25-30 لاتتفخ ) لان الجهد يكون كبير عى البستم *لاتثبته في الكبوت عشان حرارة المكينه تأثر علية 0 وصدق والله انا مجرب أول يفصل الماطور بعد مااتفخ كفرين يوقف بعد ما فكيته من الكبوت ضبط أتفخ 4 كفرات مافيه اي مشكلة

[سرهيد]

مشكور على الموضوع و الصور يابو عبدالله



عاد انا طال عمرك اذا تسمحلي ابحط صورة الماطور :D


http://www.mekshat.com/pix/upload02/images81/mk53291_bngibdo.jpg


((ابو جمل ما بعده كلام)):good: :good: :good:
من واقع تجربة
طبعا اهم شي الاستكر يكون موجود حق وكيله زي الصورة اللي على الماطور اللي تحت في الصورة احمر بازرق



انا اخبر ابو جمل الاصلي اول مانزل بالسوق ب380ريال



الان سعره عند حقين الرحلات ب260ريال



ميزته ان بستمه عن بستمين من المواطير الصغار



اعرف ناس واجد راعين تطعيس و راعين مرهمات و كذلك راعين صيد كلهم معهم ابو جمل حتى اغلب كبار السن الشيبان:D معهم ابو جمل

حتى احد الربع معه كورولا م2002
و الماطور له 3 سنوات معه
و هو راعي معنا و فلة حجاج :)
و دايم يطلع للنفود
و ينسم جميع الكفرات خصوصا الامامية
تحياتي




السلام عليكم

هلا وغلا بالعزيز على القلب سوبر VTC (http://www.mekshat.com/vb/member.php?u=53291)

بيض الله وجهك على تلك المعلومات الاضافية والتي تدعم الموضوع

سؤالي يا اخي الكريم

http://www.mekshat.com/pix/upload02/images81/mk53291_bngibdo.jpg

وش هالليات والقسامات وش الهدف منها

تقبل احترامي

اخوك

ابو عبدالله

[سوبر VTC]

و عليكم السلام و رحمة الله
لك الاحترام و التقدير ابو عبدالله
القسامات كتالي
قسام ثلاثي مثل حق الغاز لكنه اصغر قليلا
القسام الاول
يركب عليه لي الماطور الاول و الثاني ثم
القسام الثاني
نركب عليه لي الماطور الثالث
نضع لي صغير (توصيلة) بين القسام الاول و الثاني
اللي هو المخرج الثالث المتبقي من القسام الثلاثي
بعد ذلك
نركب لي في القسام الثاني اللي هو المخرج الثالث المتبقي طوله تقريبا 40 او 50 سم
و هو اللي ينفخ الكفر مباشرة+ساعة قياس الضغط حق البلد
***اهم نقطة***
ان اللي يكون ايطالي و اصلي عشان يتحمل الضغط و الحرارة خصوصا و لا يموع من الحرارة
طبعا يكون البار حقه عالي 70
طبعا اللي عندي ثلاث مواطير ماطورين
ابو جمل و ماطور صغير
اللي هم بالصورة السابقة
كان عندي خمس مواطير صغار و كنت دايم استخدمهن بشكل مستمر و خرب علي اربعة
ماعدا الخامس اللي هو بالصورة السابقة لانه و العلم عند الله اصلي
و قمت و ركبته مع الماطورين الكبار
قمت بالغاء سلك البلد و حطيت سلك عريض يتحمل الحرارة اللي هو 6ملي وضعت للكهرب سلكين و للماص سلكين
بحيث ان الكهرب يكون واصل مئة بالمئة
طبعا طول سلك الكهرب 5 متر
اما لي الهواء طوله نص متر
و بكذا ينفخ الكفر بسرعة لان اللي قصير
و ما ياخذ وقت
تخيل ينفخ الكفر خلال 30 او 35 ثانية
وقت قياسي
بعكس اللي الطويل الاصفر ===>يضيع عزم الماطور
لكن ربما ان طول اللي الاصفر يريح البستم بحكم انه ما فيه ضغط قوي زي اللي القصير
و وضعت قفيز صغير يمسك السلكين و اسلاك المواطير الثلاثة شاهد القفيز عليه شطرطون اصفر
==> سلكين ماص عريضين + اسلاك المواطير الثلاثة الماص بقفيز واحد
نفس الحركة تماما للكهرب
لان الاسلاك عريضة و لا يمسكهن صح الا القفيز الحديد حق ليات الماء
يعني السلكين الماص العريض مثلا اللي جاي من البطارية مع 3 اسلاك حقات المواطير الثلاثة يمسكهن القفيز السابق
كما قمت بالغاء الفيوز و الان المواطير تمام لهن ثلاث سنوات ودايم استخدم المواطير
و السلك بارد و لا يحتمي لانه عريض
لان الكهرب يكون واصل بقوة زي مثلا كتاوت نور السيارة
و هذه اسلاك المواطير مع الروس


http://www.mekshat.com/pix/upload02/images82/mk53291_gggogibjto.jpg



تحياتي

[الرسن]

شكرا سرهيد يعطيك العافية
للاسف انا اعاني من ماطور ابوجمل جلس عندي سنتين وبعدين بدا يفوت خيط وخيط وديته للشراع قال مانعرف المشكله فيه ويقول لي الشامي اللي مشرف عليهم احسن لك تشتري جديد يكفي خدمك سنتين.

طيب توكلنا على الله وشرينا جديد واول شي حصل فيه انكسر راس لي الهواء اللي يكبس على ابرة الهواء
رحنا للشراع قال مافيه قطع غيار الله لايوفقك ولايحللك ولايبيحك يالشامي

الان عندي ماطورين راميهم في البيت مالهم سنع واللي محتار الى الان مابعد ركبت له راس لاني مالقيت فاذا
احد من الشباب عنده حل يسعفني به لاهنتم.

اخوكم الرسن مجمع المواطير
معالسلامة

[escape_man]

الله يعطيك العافية يابو عبدالله على هالموضوع الي يهدف للفائدة اخوانا الاعضاء

انا جربت اكثر من ماطور وطبعا موتري جمس وعليه جنوط جنط 15 وعرضهن 10

وكفرات شاهي من اكبر مقاس

وماشاء الله ماصمل معي الا ابو جمل الاصلي

حتى انه يعبي الكفر ابتداء من الضغط Zero

تايقر جربته ولكن دائما يحتمي السلك ويحترق الفيوز

والي يسئل عن ابو جمل الاصلي فانا توني ماخذ لاخوي واحد بـ 255 ومن الوكيل مباشرة

ووكيله هو محل الشراع بالغرابي

تمشي مع شارع الغرابي متجه شمال لين تجيك الاشارة

تروح يمين ويجيك السليماني عل اليسار

ابتل لين تجيك حديقة على يسارك

طالع يمين تلاقي محل الشراع

[سرهيد]

و عليكم السلام و رحمة الله

لك الاحترام و التقدير ابو عبدالله
القسامات كتالي
قسام ثلاثي مثل حق الغاز لكنه اصغر قليلا
القسام الاول
يركب عليه لي الماطور الاول و الثاني ثم
القسام الثاني
نركب عليه لي الماطور الثالث
نضع لي صغير (توصيلة) بين القسام الاول و الثاني
اللي هو المخرج الثالث المتبقي من القسام الثلاثي
بعد ذلك
نركب لي في القسام الثاني اللي هو المخرج الثالث المتبقي طوله تقريبا 40 او 50 سم
و هو اللي ينفخ الكفر مباشرة+ساعة قياس الضغط حق البلد
***اهم نقطة***
ان اللي يكون ايطالي و اصلي عشان يتحمل الضغط و الحرارة خصوصا و لا يموع من الحرارة
طبعا يكون البار حقه عالي 70
طبعا اللي عندي ثلاث مواطير ماطورين
ابو جمل و ماطور صغير
اللي هم بالصورة السابقة
كان عندي خمس مواطير صغار و كنت دايم استخدمهن بشكل مستمر و خرب علي اربعة
ماعدا الخامس اللي هو بالصورة السابقة لانه و العلم عند الله اصلي
و قمت و ركبته مع الماطورين الكبار
قمت بالغاء سلك البلد و حطيت سلك عريض يتحمل الحرارة اللي هو 6ملي وضعت للكهرب سلكين و للماص سلكين
بحيث ان الكهرب يكون واصل مئة بالمئة
طبعا طول سلك الكهرب 5 متر
اما لي الهواء طوله نص متر
و بكذا ينفخ الكفر بسرعة لان اللي قصير
و ما ياخذ وقت
تخيل ينفخ الكفر خلال 30 او 35 ثانية
وقت قياسي
بعكس اللي الطويل الاصفر ===>يضيع عزم الماطور
لكن ربما ان طول اللي الاصفر يريح البستم بحكم انه ما فيه ضغط قوي زي اللي القصير
و وضعت قفيز صغير يمسك السلكين و اسلاك المواطير الثلاثة شاهد القفيز عليه شطرطون اصفر
==> سلكين ماص عريضين + اسلاك المواطير الثلاثة الماص بقفيز واحد
نفس الحركة تماما للكهرب
لان الاسلاك عريضة و لا يمسكهن صح الا القفيز الحديد حق ليات الماء
يعني السلكين الماص العريض مثلا اللي جاي من البطارية مع 3 اسلاك حقات المواطير الثلاثة يمسكهن القفيز السابق
كما قمت بالغاء الفيوز و الان المواطير تمام لهن ثلاث سنوات ودايم استخدم المواطير
و السلك بارد و لا يحتمي لانه عريض
لان الكهرب يكون واصل بقوة زي مثلا كتاوت نور السيارة
و هذه اسلاك المواطير مع الروس


http://www.mekshat.com/pix/upload02/images82/mk53291_gggogibjto.jpg




تحياتي


هلا وغلا بالسوبر

كفو والله ما شاء الله عليك

طبعا هذا كله من اجل

ينفخ الكفر بسرعة لان اللي قصير

فكرة روعة ما شاء الله ، طيب كيف الحجم يعني ماخذ مكان كبير

وياليت يكون هناك توضيح ولو بموضوع مستقل لي وللجميع

ومشكور منك هذا التوضيح الواضح والمفيد


تقبل احترامي

[سليمان 10]

نعم ماطور ابو جمل من افضل المواطير معي واحد اعبي فيه كفر الرشاش المحوري ولا عند خلاف وعبيت فيه مسبح بلاستيك مقاس مترين عرض وطول وواحد من دوائر المسبح انفجر من كثر الهواءوفيه مواطير جيده اخرى 000

[سرهيد]

ماء شاءالله عليك يابو عبدالله
دائماً مواضيعك بالصميم
والحقيقه انا احمل في سيارتي ماطورين اثنين
ودائماً معي .. والحاجه لهما لا تقدر بثمن
شكراَ يابو عبدالله


هلا بحبيب الألب ابو منصور

ويحيك ربي وعاش من سمع صوتك

ترانا نفقد شرواك في هالخيمة فبالك لا تتركنا جعلك تسلم




والحقيقه انا احمل في سيارتي ماطورين اثنين


ليش ماطورين يا ابو منصور

ياليت تفيدنا جعل تسلم اسباب حملك لماطورين

تقبل احترامي

محبك

ابو عبدالله

[راعي الجيوب 1]

مشاء الله تبارك الله
هلا بلغالي ابو / عبدالله
فعلا ماطور ما عليه كلام من حيث الصبر والقوه بس يحتر
شوي ولاكن يقضي الزوم بوقت الزنقات ,,,
تسلم لنا يامبدع الله لا يحرمني من ابداعك وجديدك
تقبل تحياتي

[سرهيد]

السلام عليكم

هذا ماركته تايجر من عند العليان يجي منه 100 سي سي ويجي منه 150 سي سي انا معي من 5 سنوات وماشي معي تمام بس عيبه انه يسخن شوي ..

وبالنسبه لابوجمل كيف اعرف الاصلي من التجاري؟

هلا باخوي p52

مثل ما قلت هو يسخن بس هالتسخين ما يأثر عليه ، يعني ما يطفي وعملي ما شفت منه اي خلاف

اسعدني ما ذكرت من معلومات اخوي الكريم

تسلم

[سرهيد]

شريت ابو ناقة (ملينا من ابو جمل :d )

من برق الحيا بنص رمضان اللي عليه صورة شيروكي او همر وقيمته 265 وعليه ضمان سنة

وهو نفس اللي انت عارض بالصورة اخوي سرهيد بالضببببط 100%

وانا متاكد انه ابو بعير الاصلي

هلا باخوي قرنس قميري

ما اخبر ان على هالماطور اللي انا عارض صوره صورة شيروكي ، طيب من وكيله ، لان وكيل اللي انا عارض هو العليان .

ياليت تضع لنا صورة وتعطينا تفاصيل اكثر عنه للفائدة

تقبل احترامي

[جبل خزة]

ما شاء الله عليك يا أبو عبدالله مبدع دائما
عندي لك سؤال عن قدرة المنفاخ ، كم يستغرق نفخ الكفر من ضغط 15 إلى ضغط 30 ؟

[أبومنصور]

هلا بحبيب الألب ابو منصور

ويحيك ربي وعاش من سمع صوتك

ترانا نفقد شرواك في هالخيمة فبالك لا تتركنا جعلك تسلم



ليش ماطورين يا ابو منصور

ياليت تفيدنا جعل تسلم اسباب حملك لماطورين

تقبل احترامي

محبك

ابو عبدالله



هلابك يابو عبدالله
واذا تركنا هالخيمه وين نكتب اجل :)
الماطورين جعلك تسلم
1- يمكن معك خوي محتاج ماطور
2- امكانيه نفخ كفرين بوقت واحد
3- يمكن يخرب واحد يصير الثاني احتياط
تقريباً هذي الأسباب الأساسيه يالغالي

[نمر بن حثلين]

يعطيك العافيه يا اخ سرهيد

دائما مواضيعك متميزه ورائعه :good:

وهذي مشاركه مقتبسه من موضوع سابق لي بخصوص المواطير الاصليه

والصور توضح كيفية معرفة ماطور ابو جمل الاصلي





هذي صورة الكرتون من قدام

http://www.mekshat.com/pix/upload02/images55/mk7373_20071217141.jpg

الكرتون من ورا ولاحظ لصقة احذرو التقليد ولصقه الاصلي

http://www.mekshat.com/pix/upload02/images55/mk7373_20071217139.jpg


http://www.mekshat.com/pix/upload02/images55/mk7373_20071217138.jpg


على الماطور اللصقه الدائريه احذروا التقليد الاصلي

http://www.mekshat.com/pix/upload02/images55/mk7373_20071217142.jpg

[دغيم1]

السلام عليكم ورحمة الله وبركاته
حياك الله حبيبنا
ابو عبد الله
تسلم والله ، وبالنسبة للمواطير فهناك العديد منها بخلاف التجاري أصحاب الشنط السوداء
والتي تعطيك معلومات وقدرات كثيرة ولكنها غير حقيقية ، مثل قوة البار ( قوة دفع الهواء ) والتحمل .. وغيرها
هناك مثلا نوع إيطالي لدى محلات التويجري ومحلات بيت العدد يتم توصيلة على البطارية وقيمته في حدود الفين ريال .
وكذلك يتم ترهيم ماطور لدى محلات السوافي بإضافة كمبرويسر مع قاعدة للسير .
وكذلك يتم ترهيم ماطور مشابهة للناقلات والتريلات مع إضافة الدبة ، إلا أنه لايصلح لأي سيارة شريطة أن يكون هناك مجال للكمبريسور والدبة ، وهذا يقوم به محل العياف في صناعية الموسى مقابل سوق الغنم .
كما يوجد في شارع الريل محلات لديها ماطور بدبه على البطارية .
كما يوجد ماطور مشابه لأبو جمل لونه أحمر صناعة إيطالية .
هذه تقريبا أشهر المواطير الهوائية .
إلا أنه تبقى مسألة الأفضل للتجربة لأنها خير برهان ، وتعتمد التجربة على كثرة الإستعمال في ظروف مختلفة .
تقبل تحياتي

[أبو الحارث 4]

جزاكم الله خيرا للجميع وفيتو الموضوع ، وزادت قناعتي بأبي جمل .

[اسير الغضا]

ياخوان انا شريت ماطور تجاري ب120
اعتقد انه كامل المواصفات وكرفته سنتين ابطح الكفرات خمسه واذا طلعت لزفلت اعبي اربعين (هانكوك)
والخربات الي واجتن
1\احتراق المقبس الي يشبك بالولاعه
2|احتراق السلك
3|تهريب باللي
والحين لازم قبل مااعبي اصبخه بالزفلت ولا مايشتغل

تحياتي وتقبل مروري

[سوبر VTC]

والصور توضح كيفية معرفة ماطور ابو جمل الاصلي
الكرتون من ورا ولاحظ لصقة احذرو التقليد ولصقه الاصلي
على الماطور اللصقه الدائريه احذروا التقليد الاصلي

جابك الله اخوي نمر بن حثلين :D
هذا ما قصدته انا في كلامي السابق الوكيل (الشراع)
و هو اللي عندي:)



وكذلك يتم ترهيم ماطور لدى محلات السوافي بإضافة كمبرويسر مع قاعدة للسير .
وكذلك يتم ترهيم ماطور مشابهة للناقلات والتريلات مع إضافة الدبة ، إلا أنه لايصلح لأي سيارة شريطة أن يكون هناك مجال للكمبريسور والدبة ، وهذا يقوم به محل العياف في صناعية الموسى مقابل سوق


هلا و غلا اخوي دغيم1
احد الربع معه باترول سوبر 99 و كان مرهم خزان هواء بشاصي الموتر و مسوي تمديد ليات من كمبرسور ثاني مرهم بجنب المكينة او حاط 3 مواطير ==> و الله اني ناسي
عجزت اتذكر :D
المهم انه بعد فتره الغاء الخزان و كان السبب على ما اعتقد ان الكمبرسور كان يستهلك زيت كثير

[سوبر VTC]

اخوي دغيم1
هذا النوع الايطالي و راعي الماطور شاريه من الرماية او الرميح قبل اكثر من 10 سنوات
و سعره سابقا تقريبا بحدود 1050ريال
لكن عيوبه كتالي
و هي وجهة نظر خاصة بي
انه اذا عبيت كفر واحد او اثنين يطفا الماطور و هذه تامين له و انا صعبة انتظر الى ان يبرد الماطور ثم يشتغل
ايضا دفع الهواء اضعف من ماطور ابو جمل
و انا اشوف ان سعره مبالغ فيه جدا مقارنة بسعر ابو جمل
و الذي اثبت جودته
ايضا عيب الايطالي انه ياخذ حيز كبير من السيارة
و هذه صورته


http://www.mekshat.com/pix/upload02/images82/mk53291_img_1359.jpg



http://www.mekshat.com/pix/upload02/images82/mk53291_img_1367.jpg


تحياتي

[سوبر VTC]

شكرا سرهيد يعطيك العافية
للاسف انا اعاني من ماطور ابوجمل جلس عندي سنتين وبعدين بدا يفوت خيط وخيط وديته للشراع قال مانعرف المشكله فيه ويقول لي الشامي اللي مشرف عليهم احسن لك تشتري جديد يكفي خدمك سنتين.

طيب توكلنا على الله وشرينا جديد واول شي حصل فيه انكسر راس لي الهواء اللي يكبس على ابرة الهواء
رحنا للشراع قال مافيه قطع غيار الله لايوفقك ولايحللك ولايبيحك يالشامي

الان عندي ماطورين راميهم في البيت مالهم سنع واللي محتار الى الان مابعد ركبت له راس لاني مالقيت فاذا
احد من الشباب عنده حل يسعفني به لاهنتم.

اخوكم الرسن مجمع المواطير
معالسلامة

اخوي الرسن
تقدر تركب راس ينفخ الكفر و تحصله عند حقين ادوات العدد بشارع الريل اذا كنت بالرياض
و ياليت تصور لي الماطور اللي عندك + اللي مع الراس المكسور عشان اقدر افيدك
لاني انا مرهم لي ايطالي شاهد ماطوري السابق
و باذن الله الشغلة سهلة و بسيطة
عاد انا ابصلحلك ماطورك
بس ترا بقروش مهنا شي ببلاش :D:)
تحياتي

[سرهيد]

اخوي الرسن

تقدر تركب راس ينفخ الكفر و تحصله عند حقين ادوات العدد بشارع الريل اذا كنت بالرياض
و ياليت تصور لي الماطور اللي عندك + اللي مع الراس المكسور عشان اقدر افيدك
لاني انا مرهم لي ايطالي شاهد ماطوري السابق
و باذن الله الشغلة سهلة و بسيطة
عاد انا ابصلحلك ماطورك
بس ترا بقروش مهنا شي ببلاش :D:)

تحياتي


رد متقدم للاخ العزيز الكريم سوبر فتك

عاجز عن الشكر لك اخوي سوبر فتك على تواصلك وما هذا الا دليل على طيبتك وحبك لخدمة اخوانك

لا اقول الا رحم الله شيبانك وغفر الله لك وجمعني الله بك في جنانه

مشكوووووووووووووور اقولها من اعماق قلبي على تواصلك

محبك

ابو عبدالله

[سرهيد]

هلابك يابو عبدالله

واذا تركنا هالخيمه وين نكتب اجل :)
الماطورين جعلك تسلم
1- يمكن معك خوي محتاج ماطور
2- امكانيه نفخ كفرين بوقت واحد
3- يمكن يخرب واحد يصير الثاني احتياط

تقريباً هذي الأسباب الأساسيه يالغالي


هلا باخوي العزيز ابو منصور

والله شف راعي البر وخاصة اللي بيطرق له محلات ما فيها محطات وبيطول في البر ، صحيح لا زم ياخذ احتياطه

لكن وسط الديرة او قريب من محطات اشوف واحد احتياط يكفي ، مثل الاستبنه يكفي وحده

ما عليك امر اذا تقدر تصور اللي عندك نشوفها وتستفيد من خبرتكم في الموضوع

تقبل احترامي

[سرهيد]

من أفضل ما جربت من المواطير له معي أكثر من 4 سنوات


شكرا لك أبو عبد الله


السلام عليكم

هلا والله بالعزيز على القلب اخوي عاج

يحيك ربي ويسعدني ويشرفني تواجد شرواك في موضوعي لا عدمتك

كلامك شهادة وخبره نستفيد منها جميعا بحكم خبرتك الطويلة في امور البر

اسعدني ما ذكرت

وترا لك رسالة على الخاص

تقبل احترامي

[سرهيد]

يعطيك العافية يا خوي سرهيد انا مجربة ها النوع ممتاز جدا أشتغل عندي 3 سنوات بعدها صار يشتغل ولايطلع هواء وديته للوكيل الشراع بالغرابي وصلحه بدون دراهم ،سألته عن الخراب وسببه قال الخراب :البستم فارط والسبب مايتحمل الماطور ضغط هواء عالي (اكثر من 25-30 لاتتفخ ) لان الجهد يكون كبير عى البستم *لاتثبته في الكبوت عشان حرارة المكينه تأثر علية 0 وصدق والله انا مجرب أول يفصل الماطور بعد مااتفخ كفرين يوقف بعد ما فكيته من الكبوت ضبط أتفخ 4 كفرات مافيه اي مشكلة

هلا بالحبيب الحرفي

يحيك ربي ويسعدني ويشرفني تواجد شرواك لا عدمتك


انا مجربة ها النوع ممتاز جدا أشتغل عندي 3 سنوات

مثل هالمعلومة مهمه وما طرح هالموضوع الا من اجل الاستفادة مما لدى الآخرين من خبرة في مثل هذه النوعيات من المواطير ونختصر الطريق لمن يريد اقتناء ماطور جديد

اسعدني ما ذكرت وبيض الله وجهك ومشكووووووووووووووووور

تقبل احترامي

[سيف نجد FJ]

ادري اني بتهزأ بس يمدحون الماطور الي يجي مع سيارات تويوتا حقت عبد الطيف جميل

لا جد احس انه زين بس عيبه انه بطيء شوي ومزعج جدا

ما ادري بس شكلي بروح ادور على ابو جمل

[دغيم1]

السلام عليكم ورحمة الله وبركاته
بعد إذن أخوي
أبو عبد الله
صاحب الموضوع
بالنسبة للماطور اللي بالصورة
أخوي
سوبر VTC
ليس الذي قصدته - اللي أقصد يجي أحمر بدون شنطة .
وهو غير مجرب لكن صاحب المحل يثني عليه
لكن التجربة خير برهان
تقبل تحياتي

[الرسن]

اخوي الرسن




تقدر تركب راس ينفخ الكفر و تحصله عند حقين ادوات العدد بشارع الريل اذا كنت بالرياض
و ياليت تصور لي الماطور اللي عندك + اللي مع الراس المكسور عشان اقدر افيدك
لاني انا مرهم لي ايطالي شاهد ماطوري السابق
و باذن الله الشغلة سهلة و بسيطة
عاد انا ابصلحلك ماطورك
بس ترا بقروش مهنا شي ببلاش :D:)


تحياتي



الله يهديك ياسوبر VTC
بس ابشر باللي تبيه ومايخدم بخيل وناخوك
طيب كيف اتواصل معك
كل الشكر والتقدير

[سرهيد]

شكرا سرهيد يعطيك العافية
للاسف انا اعاني من ماطور ابوجمل جلس عندي سنتين وبعدين بدا يفوت خيط وخيط وديته للشراع قال مانعرف المشكله فيه ويقول لي الشامي اللي مشرف عليهم احسن لك تشتري جديد يكفي خدمك سنتين.

طيب توكلنا على الله وشرينا جديد واول شي حصل فيه انكسر راس لي الهواء اللي يكبس على ابرة الهواء
رحنا للشراع قال مافيه قطع غيار الله لايوفقك ولايحللك ولايبيحك يالشامي

الان عندي ماطورين راميهم في البيت مالهم سنع واللي محتار الى الان مابعد ركبت له راس لاني مالقيت فاذا
احد من الشباب عنده حل يسعفني به لاهنتم.

اخوكم الرسن مجمع المواطير
معالسلامة

هلا بالغالي الرسن

والله الظاهر حضك ردي في ابو جمل

لان الجميع ما قط حصل معهم مثل اللي ذكرت

الظاهر انا اخونا فتك سوبر عنده العلم

تقبل احترامي

[- الكشات -]

ألف شكر لك يا سرهيد

والله لا يهينك

[حمد الأحمد]

ما يحتاج أبو جمل لك ولزمن بس مايغثك فيه إلا بلف الهوا صعب النعامل معه يفضل تغيرة وسعرة عند السنيدي الان 240 ريال وعند البرية بالرياض 250

[العاااازف]

احم احم ابوعبدالله عز الله لمست الجرررح
جالس ادور مااطور واحترت بكثرة الكلام((من ترهيم داخل الكبوت))
لكثرة الانواع في سوقنا الغررريب

[ابودعسان]

صراحه انا مالقيت مثل ابوبعير
اسم على مسمى اقرب شي قبل البارح بالنفود
نفخ كفرات الباث بربع ساعه ماشاء الله الى 35 بار
لا احد يبعد عنه

[.البدراني.]

اخواني انا عندي ابو جمل مثلكم وصار مره يفوت ومره يا الله يشتغل .
رحت وفكيت الفلتر حق الهوا حقه اللي لونه رصاصي المدور وصبيت زيت دركسون في الماطور كثر صبت القهوه في الفنجال ثم ركبت الفلتر وشغلته ووالله انه ولله الحمد ضبط
ودمتم لنا
اخوكم ابو عادل

للافاده

[سوبر VTC]

اخواني انا عندي ابو جمل مثلكم وصار مره يفوت ومره يا الله يشتغل .
رحت وفكيت الفلتر حق الهوا حقه اللي لونه رصاصي المدور وصبيت زيت دركسون في الماطور كثر صبت القهوه في الفنجال ثم ركبت الفلتر وشغلته ووالله انه ولله الحمد ضبط
ودمتم لنا
اخوكم ابو عادل

للافاده

هذا الله يسلمك الفلتر عندك موسخ من كثر الاستخدام و يصير فيه غبار و لازم تنظفه
طبعا تفك الغطيان اللي راكبه على بعض ثم بعد التنظيف تكبس الغطا مرة اخرى
غير كذا اذا اهملته يدخل للبستم غبار و يسكر عليك مخرج الهوا
عموما غطاء البستم عليه اربع مسامير فكهن و نظفه من الرمل ان كان يوجد و ايضا الغبار
و انا سبق اني فكيته و نظفته

[ridan]

هذا النوع انا بنفسي مستخدمه وايضا اخوي ولهم كم سنة مافيهم الا العافية ولله الحمد والمنه
وماخذينهم من العليان بالرياض وقيمته قبل حول سنة اخبره ب269 ريال وضمان 6شهور بعد

[سطام vip]

بسم الله الرحمن الرحيم

اخواني افيييييييدوني

سرهيد ماطورك هذا تايقر وانشهد انه ماطور وانا معي واحد ضغط150

ومعي من 3 سنوات زي العسل واعجبتني طريقة اخوي سوبر فتك في ترهيم المواطير

ورحت واشتريت ماطور ابو جمل من برق الحيا سعره 260 ريال واعطوني ضمان 6 شهور بس؟

ورهمتهم وشبكتهم سواء

وصارت مشكله وسئلت اخوي سوبر فتك وما قصر جاوبني بس المشكله ان ضغط الساعه في ابو جمل

وانا انفخ الكفر والكفر ما فيه الا هواء 15 يكون 100؟؟؟؟

وفي ماطور تايقر يبدا من 15 الى 35 توكلت على الله وفكيت الترهيم

ورجعت كل شي كما كان كل ماطور لحاله وصرت انفخ كل كفر بماطور

ونفس المشكله من اشبك ابو جمل واشغل االضغط 80 - 100

والكفر الثاني ماطور تايقر الضغط طبيعي 15- 35

وتصدقون مع ان التايقر اصغر في الحجم والقوه الا انه اسرع من ابو جمل

اشبك ابو جمل اول واشغل وبعدين اشبك التايقر واشغل واذا شفت الضغط في التايقر وصل 35

افصله واروح لابو جمل وافصله وافحص ضغط الاطار بساعه خارجيه معي الاقيه 30 مو قهر

علموني هل ماطوري فيه شي؟؟ والا كل ابو جمل كذا واذا كان فيه عيب

هل الوكاله تتحمله مع العلم اني قاطع اللي يوم ارهم ورجعت وركبت وصله

واسف على الاطاله

[سوبر VTC]

وانا انفخ الكفر والكفر ما فيه الا هواء 15 يكون 100؟؟؟؟




ونفس المشكله من اشبك ابو جمل واشغل االضغط 80 - 100



اخوي سطام الله يسلمك
انا اذا شغلت المواطير الثلاثة يطلع الضغط عندي تقريبا 25
ثم اذا ركبت اللي على الكفر و جلس ينفخ يصل الضغط الى 80 و هذا طبيعي جدا بحكم ان عندي 3 مواطير يشتغلن جميع في نفس اللحظة ايضا
(ساعد على ذلك ان اللي عندي قصير نص متر فقط) و بالتالي (شي طبيعي) ان الانبير يضرب 80 او حتى 100 و لاتنسى ان العيار او الساعة ليست دقيقة جدا بحكم ان الماطور صيني لذلك انا احسب للمواطر و هو ينفخ الكفر تقريبا نص دقيقة ثم اعاير الكفر بعيار خارجي و احصل الهوا واصل 25
و انت مادام انك رهمت ماطورين بمخرج لي واحد فقط طبيعي يضرب الانبير عندك 100 لان الضغط عالي جدا للبساتم ===> بستمين

[سطام vip]

اخوي سوبر فتك شاكر لك سرعة تفاعلك وردك

بس يالغالي انا رجعت كل ماطور لحاله ونفس الشي الضغط 80-10

والي فهمته من كلامك ان الساعه اصلا ما هي دقيقه

وللعلم انا الماطور الي عندي ساعته وجهها فوق ماهي مثل الي عندك على جنب وليش اعطوني 6 شهور ضمان؟؟ واشوف الاخوان يقولون ضمان سنه؟؟ مع اني سئلته عن جميع الموديلات من ابو جمل وقال

كلها 6 شهور ما عدا الموديل الاخير عليه سنه ماطور كبير وحجمه كبير

انتظر ردك

[سوبر VTC]

يعني يا بعدي الماطور اللي عندك ساعته فوق مثل ساعة ماطور اخونا سرهيد هذا اللي انا فهمت منك
عموما ماطوري ساعته خارجية بنفس اللي شد البلد لكن انا
و ماطوري 150 بار
لكن يحتمل ان العيب بشكل اكبر من الساعة مثل ماطوري تماما بحكم ان ماطوري موديله قديم شوي
و مادام ان الهوا خروجه قوي قبل شبك اللي بالكفر معنى كذا ان ماطورك سليم لكن العيب بالساعة مهب دقيقة او تجارية
عموما مع اخوي ماطور ساعته من فوق براس الماطور ابتاكد من نوع الماطور و كم ضغط الساعة
و الليلة ارد لك ان شاء الله
تحياتي

[سرهيد]

الله يعطيك العافية يابو عبدالله على هالموضوع الي يهدف للفائدة اخوانا الاعضاء



انا جربت اكثر من ماطور وطبعا موتري جمس وعليه جنوط جنط 15 وعرضهن 10


وكفرات شاهي من اكبر مقاس


وماشاء الله ماصمل معي الا ابو جمل الاصلي


حتى انه يعبي الكفر ابتداء من الضغط Zero


تايقر جربته ولكن دائما يحتمي السلك ويحترق الفيوز


والي يسئل عن ابو جمل الاصلي فانا توني ماخذ لاخوي واحد بـ 255 ومن الوكيل مباشرة


ووكيله هو محل الشراع بالغرابي


تمشي مع شارع الغرابي متجه شمال لين تجيك الاشارة


تروح يمين ويجيك السليماني عل اليسار


ابتل لين تجيك حديقة على يسارك



طالع يمين تلاقي محل الشراع


اخوي الكريم ابن غيثان

كفو والله على هالمعلومات وبيض الله وجهك

ومعلوماتك دعمت الموضوع لا عدمتك

تسلم والله

[برق الجبل]

راح عمري بالمواطير وشغلات التجهيز وهالماطور شفته قبل 4 سنوات مع واحد من الشباب وكان توه مشتريه من العليان واول مابدا ينفخ وجلست اكبس له شوي وشفت انه ما احتر بسرعة قلت انا طالبك اياوه طلبة وبالقيمة اللي تبي , المهم اخذته وليومكم يالربع مابه الا العافية واشهد بالله انه الجيد

عشت سرهيد

[مطلاع]

مشكور(سرهيد)
والله يعطيك العافيه
على هالمعلومات عن هالجهاز الطيب
والله يطيب اعمالك .
والقيمه تهون يا اخوك
المهم النوعيه والجوده وهذا ما لاحظته
فيما قلته عن هذا الجهاز المصور.

[القاصي1]

مشكورين على ها المعلومات

يعني الان ابو جمل الافضل

كنت ناوي اشترى الاسترالي arb

لكن شكل الشباب ما يمدحونه .

تحياتي للجميع

[وسيع البنايد]

الله بجزاكم خبر ياشباب على المعلومات الطيبه
وين محل العليان الي يبيع المطور تايقر اذا فبه بجنوب الرياض

[سرهيد]

نعم ماطور ابو جمل من افضل المواطير معي واحد اعبي فيه كفر الرشاش المحوري ولا عند خلاف وعبيت فيه مسبح بلاستيك مقاس مترين عرض وطول وواحد من دوائر المسبح انفجر من كثر الهواءوفيه مواطير جيده اخرى 000

حياك الله اخوي سليمان

كلامك زاد الموضوع اهمية لانه يدعمه

ما شاء الله تبارك الله هذي مدحه للمنفاخ

شكرا لك على المشاركة

تقبل احترامي

[ابو عنقا]

مساء الخير يا ابو عبدالله

هذا الجهاز استخدمه من سنتين ومعاي ممتاز للغاية إلا انه يحتر

أما جهازك فصغر حجمة يدل على انه جهاز عليه الكلاااااااام







http://up3.m5zn.com/thumbnailer/10-2008/idzv5eg1n4y.jpg (http://up3.m5zn.com/showimage-10-2008-idzv5eg1n4y.jpg)

تقبل تحياااااااااااتي

[ابو عنقا]

http://up3.m5zn.com/File/10-2008/idzv5eg1n4y.jpg

[سرهيد]

مساء الخير يا ابو عبدالله

هذا الجهاز استخدمه من سنتين ومعاي ممتاز للغاية إلا انه يحتر

أما جهازك فصغر حجمة يدل على انه جهاز عليه الكلاااااااام







http://up3.m5zn.com/thumbnailer/10-2008/idzv5eg1n4y.jpg (http://up3.m5zn.com/showimage-10-2008-idzv5eg1n4y.jpg)

تقبل تحياااااااااااتي


هلا والله بالعزيز على القلب ابو عنقا

ماش يا اخوك ما عادك زي اول متواجد معنا شبه يومي

اتمنى ان نجدك كما كنت

المهم بخصوص الجهاز اللي عرضت كم سعره وش نوعه ومن وكيله

واسعدني تواجدك

محبك

ابو عبدالله

[ابو عنقا]

اهلا وسهلا بأخوي العزيز ابو عبدالله

شاريه قبل سنتين بـ 390 ريال من عند الجمعان اللي في صناعية النسيم

وكيله ما اعرف شئ عنه

تسلم لي يا ابو عبدالله والتواجد لك عليه مرتبط والله يعين

تقبل تحيااااااااااااتي

[قاصد الصمان]

مشكور وما قصرت بس ما اظن انه افضل من ما طور البيوك من ناحية قوة التحمل

[سرهيد]

اهلا وسهلا بأخوي العزيز ابو عبدالله



شاريه قبل سنتين بـ 390 ريال من عند الجمعان اللي في صناعية النسيم


وكيله ما اعرف شئ عنه


تسلم لي يا ابو عبدالله والتواجد لك عليه مرتبط والله يعين



تقبل تحيااااااااااااتي



هلا وغلا بابو عنقا

تسلم على المعلومات وبيض الله وجهك

اخوك

ابو عبدالله

[رجاس]

بارك الله فيك اخوي

[أمير الخيال]

و الله انه فله ذا و الله موجود عندنا من خمس سنوات تقرباً و بعد شرينوه من العليان

ولين الحين زي الحلوة مشاء الله و مشكور ابو عبد الله على الصور و التوضيح

الله يرحم ولديك و يحرم و جيهم عن النار يدخلهم الجنه ويفقكم و جميع المسلمين

[ssk2227]

الله يعطيكم العافيه على الشرح الوافي

[عبدالرحمن305]

مرحبا اخوي السرهيد ابو عبداللة
دائما متحفنا ومبدعنا في أشياء تهم{ القارئ} وتختصر الوقت
بيض الله وجهك

[دهران]

الأخ الغالي / أبو عبد الله .


http://www.mekshat.com/pix/upload02/images92/mk17809_klaping.gif http://www.mekshat.com/pix/upload02/images92/mk17809_klaping.gif http://www.mekshat.com/pix/upload02/images92/mk17809_klaping.gif http://www.mekshat.com/pix/upload02/images92/mk17809_klaping.gif


مبدع
مبدع مبدع
مبدع مبدع مبدع
مبدع مبدع مبدع مبدع
مبدع مبدع مبدع مبدع مبدع
مبدع مبدع مبدع مبدع
مبدع مبدع مبدع
مبدع مبدع
مبدع


http://www.mekshat.com/pix/upload02/images91/mk17809_mosharakahmomaizah.gif



http://www.mekshat.com/pix/upload02/images92/mk17809_5staares.jpg

تقييم خمس نجوم وتستاهل أكثر بعد ....



ننتظر المزيد من هذه التقارير الجميلة .


وتقبل أعذب وأرق تحية .

[سرهيد]

الله لا يهينكم يا اخوان

ومشكورين كل(ن) باسمه

وشكرا لمشرفنا الكريم على تواجده الدائم

تقبلوا احترامي

[-الساري-]

يعطيك العافية أخوي
ابو عبد الله

[بوسلطان *****]

تسلم أخوي سرهيد على المعلومة القيمة لاهنت

[صقرحايل]

ماشاء الله تبارك الرحمن
موضوع ومعلومات افادت الجميع
وشكر لك

[راعي بيشة]

صار ما شاء الله موضعك بو عبد الله مرجع للي يبي ماطور هوا

هذي ميزة مكشات

الموسوعية

[نفود الطوقي]

الله يجزاكم خير وما قصرتوا

[ابويارا1001]

عندي استفسار

ماطور ابو جمل بكم دقيقة يرفع ضغط الهوا من 10 الى 30 بالنسبة للسفاري

عندي ماطور هوا تجاري ياخذ معاي الكفر 5 دقايق

يعني 20 دقيقه لاربع كفرات ودايم اشيل هم نفخ الكفرات

هل ابو جمل يبغير شي؟؟

ارجوا الافادة

ولكم جزيل الشكر

[الاجوري]

عندي واحد مثله ممتاز الله يعطيك خيره

[رحال300]

عندي سؤال على الطاير
لواحوله على الولاعه تتحمل الولاعه ولا لازم البطاريه

[EXPLORER_2010]

يا اخوان انا توي شاري البارح من محل في الغرابي ابو جمل

بس شكله تقليد لأنه مكتوب عليه صيني وكرتونته عليها صورة الهمر

سعره 245 ريال وهو أكبر مقاس عنده من بين 3 مقاسات

إذا اللي في الصورة اللي جابها احد الاعضاء هو ( الاصلي )

أرجو الافادة عاجلاً كي ارجعه لاني لم استخدمه للآن

مكتوب عليه 150 psi و 200 psi

ووش هي صناعة الاصلي اللي في الصورة وكم سعره الحين

افيدونا يا اهل الخبرة لا عدمناكم

تحياااااااااتي لكل اعضاء هالمنتدى الرائع

.

[مكشيتو]

يعطيك العافيه

[الخادم]

ابو عبدالله
ماشاء الله ماطور جميل
انا من عرفت الرحلات و معي ابو جمل
و اعتقد من طريقة استخدام الماطور يطول بعمله معك
خلك حنون