يازين لا طاحوا بالاثره مسيان %%% ونادى الجميع ابو زياد بنداهم

[خالد الوقيت]

الرفـقـه الـلـي ريّـحـوا دون مـــاوان
ـــــــــــــــــــــــــــــــــــ عـزّ الله إنّـي راغــبٍ فــي هـواهُـم
أهـل الوفـا والطيـب ذربيـن الأيمـان
ـــــــــــــــــــــــــــــــــــــ ذخـر الرفيـق وذخـر منهـو نصـاهُـم
قطّاعـة البيـدا .. مسابـيـر الأوطــان
ـــــــــــــــــــــــــــــــــــــــ صباحهـم ماهـوب حــروة مسـاهُـم
خاويتهـم وقـت الولـع عــدّة ازمــان
ــــــــــــــــــــــــــــــــــــــــــ وعشت الطّرا معهم بساعة طراهُم
الـعـام بالجلـعـب جـنـوبـي حـلــوان
ـــــــــــــــــــــــــــــــــــــــ واليوم في ساحوق داجت اخطاهُم
معـهـم لـغـرّات المحـاذيـر شـيـهـان
ـــــــــــــــــــــــــــــــــــــ جيـرٍ الـى مـن هِـدّ صعـب التفاهُـم
يطـلـع مطـالـيـعٍ تـحـيِّـر بـالأذهــان
ـــــــــــــــــــــــــــــــــــــــ لا تــلّ مسبـاقـه تـحـقّـق مـنـاهُـم
يـازيـن لا طـاحـوا بـالاثـره امسـيّـان
ـــــــــــــــــــــــــــــــــــــ ونـادى الجمـيـع ابــو زيــاد بنـداهُـم
والفـوا وكــلٍّ للهدد حـيـل شفـقـان
ـــــــــــــــــــــــــــــــــــــ واستعجلوا من قبـل يظلـم دجاهُـم
وطـارت وتـلّ الجيـر للسبـق زعـلان
ــــــــــــــــــــــــــــــــــــــــــــ وكنّه يقول اليوم ما اخلف رجاهُم
لو عمّـدت يـمّ السمـا مـاش مزبـان
ــــــــــــــــــــــــــــــــــــــــــــ يــردّهــا لامــــا تـخـفّــــى وراهُــــم
وارهى عليها وشافت الموت بايقان
ــــــــــــــــــــــــــــــــــــــــــــ مـن عقـب ماهـي ناجيـه بالتّواهُـم
لا علّقـه يـبـرد حـشـا كــل هيـمـان
ـــــــــــــــــــــــــــــــــــــــــــ يستانـسـون ويـخـبـرون اخـويـاهُـم
مالـوم انــا لــو فــزّ قـلـب النصـيـان
ــــــــــــــــــــــــــــــــــــــــــــ وساقـوا عليـه الربـع غــالـي ثنـــاهُـم
الطير لامـن صـاد مـا يقـاس باثمـان
ـــــــــــــــــــــــــــــــــــــــــ له فرحةٍ تنسـي النشــامـى غثــاهُـم
.
خالد 1427هـ

[ذيب طي]

صح لسانك اخوي خالد ’’ وبيض الله وجهك ماقصرت

[مطلاع]

صح لسانك ياالشاعر{خالد الوقيت}
على القصيده الجزله من جزل
والنعم بالمادح والممدوح
بيض الله وجهك
وبكل رحله صيد اتمنى لكم الصيد الوفير .

[يوسف الخليفة1]

صح لسانك يا أبا جود وننتظر جديدك بإذن الله وحياك ربي

[مقدور]

صح لسانك اخوي خالد الوقيت مبدع وتعودنا منك الابداع

الطير لامـن صـاد مـا يقـاس باثمـان
ـــــــــــــــــــــــــــــــــــــــــ له فرحةٍ تنسـي النشــامـى غثــاهُـم

الله الله

[وسم 29]

إبداع متجدد
صح لسانك يا أبو صالح
شكرا لك

[نيار]

صح لسانك اخوي خالد ,, هيظتنا,الله يجيب الخير

[حسيان]

صح لسانك يابو صالح وبيض الله وجهك

[أبو فهد العيد]

ياسلام سلم,,صح لسانك وبيض الله وجهك,,شوقتنا
الله يجيب الربد على خير

[العمدة ابو صالح]

خالد
صح لسانك وصح قلبك

قصيده وافيه ومن راس وافي

لاهت ولاهان هذا الحضور المميز

[طوفان القوافي]

صح لسانك ابو صالح ( ابو جود ) وننتظر الجديد على احر من الجمر

[ذيب طمية]

ماشاء الله تبارك الله

هيضتنا ياشاعرنا صح لسانك مليووووووون يالغالي والله لايهينك

جزل جزل يابوجود بيض الله وجهك يالغالي