بغيت الراي من اهل الخبرة في الأجيره لو تكرمتوا

[الحوت_قطر]

السلام على الجميع

السنه اتشاور اخذ لي طير جير بس اذا بغيت اخذ وش تنصحوني به ابي احسن خلطه وافضل مزرعة لاني متعود على فروخ الشواهين بس ابي اتسلى بجير لين يوصل فرخ الشاهين
الافادة من اهل الخبره في الموضوع
وشكراً

[صقر الغربيه]

يفيدك ابو رداد

لانه ذي السنه معه واحد

[قلب ذيب]

أهم ماينبغي توفره في طير الجير هو ( الارتفاع , الذبح , وخلوه من الامراض ) ومتى ماتوفرت الشروط المذكوره , لابد من ان يكون الطير الجير من الخلطات القريبه من الاصل , اي 50% 50% او 4/3 وهي الخلطات التي يكون فيها الطير الجير معروفه اصوله المخلوطه , وكلما ابتعدت عن تلك القاعده كان طير الجير معرض لتعلم بعض العادات الغربيه , او النسيان , ويضاف الى ماتقدم ( الجير البيور ) اي الصافي حيث انه نقي الخلطه , لكن هناك بعض الخلطات الاخرى مثل 65 % وال87 لها نجاحاتها المعروفه .
ويفضل جير الشاهين والثري كوارتر الحر , ووكري الجير الذي يتحمل الاجواء الحاره , وهناك تبوع الشواهين والبريرا التي اثبتت جدارتها , اما اجود المزارع فهي المزارع التي تستخدم ( الهك ) اي نظام الاطلاق مما يعطي الطير اللياقه المطلوبه .------------ والله اعلم .

[ملاعب الطير]

السلام على الجميع

السنه اتشاور اخذ لي طير جير بس اذا بغيت اخذ وش تنصحوني به ابي احسن خلطه وافضل مزرعة لاني متعود على فروخ الشواهين بس ابي اتسلى بجير لين يوصل فرخ الشاهين
الافادة من اهل الخبره في الموضوع
وشكراً

انصحك تاخذ فرخ شاهين وتتسلى فيها لين تلقى جير طيب يعيفك الشياهين
والأخ قلب ذيب ماقصر

[اعقاب]

جاك يامهنى ماتمنى

[رامي 2009]

السلام عليكم -- اخوي افضلها شجاعة هو جير الوكري حسب نسبته وشطارتك بتدريبه 00 تحيااااتي لك

[عيون الغلا]

أنا أشوف أنه أفضل شي خاصة بأجوائنا هو سفن إيت 7/8 وبالتوفيق


.

[جارح العين]

ماقصرو الاخوان

[شنوان]

انا افضل انك ماتقنص بجير
لان انقنصت بجير وطحت بجير شاهين مسكت
كرهت الوحوش بكملها لا حرارها ولا شواهينها
لان فيها سبق وقطاعه ما تخطر على قلبك
من عرفت نفسي وانا اقنص بالشواهين ومن
عرفت الجيره وهي مكرهتني بالوحوش
الى انك تحب الوحوش لشخصك ما راح تتركها
والله يوفق الجميع
(راي شخصي)

[خالد الحبابي]

عليك بالجير شاهين ... وافضل مزرعه انا اتوقعها فالكن سنتر ... تحياتي لك

[ملاعب الطير]

انا افضل انك ماتقنص بجير
لان انقنصت بجير وطحت بجير شاهين مسكت
كرهت الوحوش بكملها لا حرارها ولا شواهينها
لان فيها سبق وقطاعه ما تخطر على قلبك
من عرفت نفسي وانا اقنص بالشواهين ومن
عرفت الجيره وهي مكرهتني بالوحوش
الى انك تحب الوحوش لشخصك ما راح تتركها
والله يوفق الجميع
(راي شخصي)
:good: :good: :good: :good: :good:
:D :D :D :D :D
وش بعد
الله يبيض وجهك يا نشوان والله يوفقك وين مارحت
صار للأكسجين طعم