يالربع استفسار وابغى اجابه؟؟؟؟؟؟؟؟

[مسسساعد]

السلام عليكم
يالربع انا عندي شاهين ومكافخها واجد يعني ماتركد لاعلى التكيه ولاعلى اليد وش السواه معها؟؟؟؟؟

[@قرناص@]

,,

دهلها وآجد وانقلها واجد ولا كافخت وركدت برقعها
..

واذا كافخت وعليها البرقع لاتفرعها

..

[صقار ليبي]

السلام عليكم

اول شي بقولك انه هذي طبيعة الشاهين بشكل عام

لانه مزاجه عصبي ... والموضوع في هذا يطول

ولكن انصحك بشيل الطير على يدك وتمسح على الطير

من صدره وظهره وتخليه يطمئن وهو مبرقع ...

وجرب معاه من غير البرقع ..فطباع الطيور تختلف

وكل صقار يعرف طيره والطريقه التي يهدأ بها الطير

والله اعلم

[شنوان]

كلام اخي قرناص عين الصواب

[فالح الملعبي]

والله ماعندي خبره بس الاكيد ان به مره كان عندنا فرخ حر وكان يكافخ واجد
من كثر مايكفخ تملع قنصنا وهو معنا وملينا منه وفيه يوم مهدناه واخر شي
زعل واحد من الربع وصفقه هذا الكف لين الدم يصب من فمه وبعدها
والله معاد يتحرك من قووو ركادته صار يفرع على التكايه ولا يتحرك

[الصقارالصغير]

انصحك بشيل الطير واجد

[حر ((قصاص))]

اخي الكرم:حسب اعتقادي ان الطير يحتاج نقل جيد يعني لازم تعلف الطير على ايدك وعندما تعلفه على ايدك حاول تخفي الوكر واذا خلص عالف امسح بواقي العلف على بوز الطير واذا كافخ لبسه البرقع عشان يكون سبب لتاديب الطير عشان يفهم انه عندما يكافخ يلبس البرقع وحاول تكثر من فترة نقل الطير على ايدك بالمجالس واكشف عن برقعه دقيقتين واذا حسيت انه بيكفخ برقعه

اما من ناحية اخي فالح الملعبي /الطير ليس سلوقي عشان ينضرب ويعور عشان يتادب ومع احترامي الشديد لك هذه همجيه وتعذيب للطير .
الطير لايضرب الطير يريد مداراة وتأني بالتدريب والصبر.