لأهــــــل الخبــــره !!!!!

[زرياب 15]

اسعد الله مسائكم جميعا ،،،،
الموضوع سلامتكم الطير حذف احد الامواس والان يسوق ومتعدي النص اما الثاني ما حذفه لحد الان ؟؟؟؟
والربع يقولون انقله بس وتوكل على الله وانا اقول بيهديه الله!!ويحذفه
وش رايكم وش السوات يالربع ؟؟
وش السبب الي خلاه يحذف موس وموس لا ؟؟؟؟
رغم ان لي اكثر من خمسة عشر عام وان اربط الطيور ولا قد مري علي مثل هلحاله !!!!!
ورحم الله والديكم جميعا وش شوركم علي ؟؟؟؟؟؟؟؟؟؟

[ملاعب الطير]

انقله وتوكل على الله
يادوب تدعيه وتجهزه
وعساه يصوم عليها
وينومسك انشاء الله

[زرياب 15]

انقله وتوكل على الله
يادوب تدعيه وتجهزه
وعساه يصوم عليها
وينومسك انشاء الله
رحم الله والديك ويشرفني رايك وشورك وهداية الله

[الخرابي]

انقله وتوكل على الله
يادوب تدعيه وتجهزه
وعساه يصوم عليها
وينومسك انشاء الله

وإن قنصت وقصرت على الطير وحذفه وش تسوي ؟؟

الركاده زينه وأنا أخوكـ انتظر وأنا متأكد مو ماره ذا الأسبوعين الا حاذفه وانصحكـ تركي عليه بالعلف الحار خله يذوق الدم والله يكتب اللي فيه الصالح

تقبل مروري
أخوكــــ (الخرابـــــــي) :good:

[دباس 11]

والله ماودك تستعجل بنقلته
لأن لين الحين ماجانى عبور قوي الي يخليك تستعجل الا أذا ماعندك الا ذا الطير أنقله وتوكل على الله
وأنشالله ينومسك

ولك تحياتي

[أبوإبراهيم1]

وسع صدرك عليه كانه يستاهل

[قلب ذيب]

ارحب .
بعد مايقرب الموس الاول في الصكوك سوف يحذف الموس الثاني , وهذه الحاله تحدث عند تغير هيرمونات
حذف الريش عند الطير( خاصه اذا اعطي الطير حبوب او بودرة حذف الريش !!) ولو قبل كم سنه .
والله اعلم .

[زرياب 15]

وإن قنصت وقصرت على الطير وحذفه وش تسوي ؟؟


الركاده زينه وأنا أخوكـ انتظر وأنا متأكد مو ماره ذا الأسبوعين الا حاذفه وانصحكـ تركي عليه بالعلف الحار خله يذوق الدم والله يكتب اللي فيه الصالح


تقبل مروري
أخوكــــ (الخرابـــــــي) :good:

الخرابي
بيض الله وجهك وانا اخووك وصح لسانك وما خليني عليه شي وبيسهل الله

[زرياب 15]

والله ماودك تستعجل بنقلته
لأن لين الحين ماجانى عبور قوي الي يخليك تستعجل الا أذا ماعندك الا ذا الطير أنقله وتوكل على الله
وأنشالله ينومسك

ولك تحياتي
لا والله هالسنه مقرنسن معه ثلاثه لكن هو قدره هو بذات غير ورحم الله والديك يا دباس ويسعدني مرورك وتعليقك

[زرياب 15]

وسع صدرك عليه كانه يستاهل
ابو ابراهيم لو ما يستاهل ما نشدنا وطلبنا الراي من مثلك وشرواك طال عمرك ..... مشكور اخووي

[زرياب 15]

ارحب .
بعد مايقرب الموس الاول في الصكوك سوف يحذف الموس الثاني , وهذه الحاله تحدث عند تغير هيرمونات
حذف الريش عند الطير( خاصه اذا اعطي الطير حبوب او بودرة حذف الريش !!) ولو قبل كم سنه .
والله اعلم .
قلب ذيب يعلم الله اني من المحبين لك و المعجبين في رايك والمتابعين لموضوعاتك التي تنم عن شخص اكن له كل موده وتقدير واحترام ،،،،
واسمح لي ان اعبر برائي واقول كم هو مكسب للمنتدى وجودك و وجود الرجال الي شرواك فيه ،،،
الطير طال عمرك ماني راعي هرمونات وهالاشياء نظام شيبان ما فيه تنويع العلف ( حمام _ سمان _ جرابيع _ ومرات قلب ان حصل ذبيحة من فاله )
اما ان كان راعيه الاول يعطيه هرمونات مدري هذا وسلامتك ،،،،،،،،،،،،،،،،،،،،،،،،،،،،،،،