نريد الافاده لاهنتو

[عاشق الاشقر]

السلام عليكم ورحمة الله وبركاته
اناخرجت الطير من المربط يوم الربوع وكان ماعشي الثلوث ولا الربوع
يوم الخميس بغيت انقز الطير لاكن مارضا ولاعطيته شي والجمعه نفس الحكايه
مانقز لاكن عطيته نسرو اذا خليت يدي تحته يرقى وياكل عادي واذا جبت العلف عنده مايناضره وانا عندي استفسارات واسف على الاطاله بس مو كل ذيك الخبره وانا والله مع ان عندي من اسال بس ماسالت غيركم
اول شي هل يضره التطويف الي حصله تقريبا خمس ايام مع اليوم عدا الجمعه عطيته شي بسيط والتدهيل قبل مانقزه او بعد وتصير خمس ايام مطوف ولا يناضر العلف ..اسف على الاطاله ومع شكري

[راعى زويان]

السلام عليكم
اهم شى لا تطوف الطير وطول بالك وياه

اصبر وثابر ويبي يجى

تقبل مرورى

[عاشق الاشقر]

طيب اذا مااطوفه وش اعطيه وكيف اعطيه

[مهبااش]

ياخي العزيز لاطوف اطير اقصر عليه يعني شوي شوي يعني يوم نص سافق اليوم اثاني ربع لين يعطيك وجه لان اذا طوفة الطير5 ايام راح يصير هزيل ويمرض يعني تزيد الطين بله وشكرا

[بوالحر]

اصبر علي الطير ياخي حتي لا تزيد الحاله سوء وشكرا

[راعي جلاده]

السلام عليكم
اهم شى لا تطوف الطير وطول بالك وياه

اصبر وثابر ويبي يجى

تقبل مرورى

[..@القناص@..]

ماينفع كذا ..
يمكن الطيييير مستاحش ..

[قلب ذيب]

مرحبا .
عند نقلة الطير من المقيض يكون الطيرر عديد وزنه زايد , ولايقبل ان ياكل من يد الصقار الاما قل من الطيور
فيجب عليك تطويف الطير على الاقل ليله او ليلين , ومن الافضل ان تشنذر الطير وهو عديد حتى يحذف شبيكة الفرسه , وتزين نفسه ويقبل على الطعام .
حاول نقل الطير ليلا وتدهيله وتنسيره قليلا من العلف ومع مرور الايام ستجد الطير اعتاد على الطعام منك وبالتالي يمكن تنقيزه ودعوه على مراحل كما هو معروف .

[فالح الملعبي]

السلام عليكم ورحمه الله وبركاته
اما انا يا اخي فعندي راي غير عن راي الربع
اذا كان حر بالاخص ماعليك منه طوفه لين
يحتاج الطير ويدخل معك والا طوفه لين ينقز على العلف
وتخف وحاشته شوي وعطه شوي شوي
والطير بالذات صعبه يبين فيه النزول الا بعد خمسه الى سبع ايام
وانشاء الله مايضره بشي واذا شاهين لاتطوفها تمرض على طول