من افضل من يرهم المواتر

[عتيق]

السلام عليكم ورحمة الله وبركاته

اخواني ابي منكم فزعة

اذا فيه احد يعرف ورشة سيارات خاصة بالترهيم

انا عندي سيارة وودي اغير الماكينه والقير واللذي منه :D

انا سمعت ان فيه شباب مختصين ببريده وبالرياض (باستراحات ):eek: وهوايتهم الميكانيكا

وماشاء الله مبدعين بمجالهم

فاذا فيه احد يعرف لي شخص كويس ورخيص

ماودي ادفع دراهم واجد

اشكر لكم سلفا مشاركتكم

اخوكم عتيق

[escape_man]

بريده فيها ناس واجد لكن فيهم قليل الخبرة وحقين المهايط

فاحرص على اهل العرف والخبرة والامانة

من وجهة نظري ان ابو الوليد وابو عبدالله عيال الصمعاني افضل الجميع من واقع تعاملي معهم مرة من

المرات وبالاضافه الى انهم كبار سن وراكدين

هذا الي عندي

[خلفهم]

فيهـ واحد ما شاء الله تبارك الله ,,

شاب يقاله بدر الحمد معروف عند أصحاب المرهمات ويرهم لعالم واجد وراعي خبرهـ ,,

مكانه بالزلفي لكن ما أدري بالظبط ,,

إن تبي أسئلك سألتلكـ ,,

[عتيق]

ابن غييثات

الله يوفقك يالغالي

وشكرا لتفاعلك.........


خلفهم

اشكرك اخوي

واذا ماعليك كلافه لو رقم تلفونه....

[الوافي888]

السلام عليكم
صباح /مساء الخير

هذا رقم بدر الحمد

0504121118

[cherokee-LS-7]

أخبر في واحد يرهم زين وشغله نظيف وأسعاره معقوله يقاله أبوأيوب بالصنلعيه القديمه

[خلفهم]

السلام عليكم
صباح /مساء الخير

هذا رقم بدر الحمد

0504121118


وصلكـ داخلـ أبعطيك الرقمـ ,,

[عتيق]

الوافي888

صبحك الله بالورد

بيض الله وجهك وماقصرت

تشكر يالغالي على مشاركتك...

************

cherokee-LS-7

الله يعافيك وين هيو به بالصناعية

وكم رقمه الله يجزاك خير ودي بالرقم

او وصف دقيق لورشته مع ان الرقم افضل لي


والف شكر على جهودك...


*************

خلفهم

الله يجزاك خير انت راعي الاوله

شكرا لكم

ولمزيد من المشاركات للفائده

دمتمـــــ بـــــود

[أبو أسامة]

جزاكم الله خير جميعاً صاحب الموضوع والمشاركين ............ صراحة موضوع يهمني كثير خاصة عشان ورش الترهيم بالرياض ................

[هايبر]

ابي أعرف نوع السياره والمكينه اللي تبي ترهمها.لان فيه كثير وكل واحد محترف انواع معينه

[دانكن]

فيه عندك محمد الثنيان ابو ابراهيم في صناعية الدائري بالرياض ..

وهذا رقمه : 0554889337

[راعي الركيات]

بالتوفيق ان شاء الله بس ليتك تذكر كل شي بعد ماتخلص من مشروعك وكم التكلفه وصور اذا امكن والله يسر امرك

[عتيق]

السلام عليكم ورحمة الله

ابو اسامه

هلا فيك اخوي

وان شاء الله يكون هالموضوع مرجع للي يبون يرهمون او يعدلون....

*************

هايبر

موتري ماهو مشهور انا شريته لطلعات البر والنفود والطلعات الخفيفه

وماكينته وقيره حليلات بس ودي بالافضل وهو من نوع لادا نيفا

..... شكرا لمشاركتك......

****************

دانكن

شكرا لك وراح اتصل عليه ان شاء الله تعالى....


*************

راعي الركيات

ان شاء الله راح احط لكم عيوب ومميزات كل واحد اتصل به.....

ولي عودة باذن الله تعالى

[عتيق]

اخواني الاعزاء

كلمت الاخ الحمد

وقال لي مبلغ خيالي بالحييييييييييييييل

اطرا الخمس وعشرين الف

وانا سالفتي ابي ترهيييييم بسيط

ياليت اللي يعرف احد لا يبخل علي


شوووووووكرن

[عتيق]

............... u p ...........

[سطام vip]

هلا والله اخوي عتيق

كل عام وانت بخير وينك يا خوي اشغلتك هالسياره

الله يوفقك ويعينك ويسهل أمرك

انا سمعت عن واحد يرهم في بيتهم في حي الشفاء

ابحأول اجيب لك رقمه او وصف بيتهم ومالك الا الي يسرك

ودمت بالف خير

[عتيق]

ههههههههههه

سطم

يامن شرا له من حلاله عله

هههه الله يسعدك

والله يالغالي هالسيارة سعرها معقول وتمشي الحال بس ودي اتعبث به

بالشيء المعقول والا الموتر له فتره عند وممشي حاله وبديه حيييييل نظيف علشان كذا ودي ازبّط به شويء


الله يوفقك ياسطم قل امين

[e.j]

الشنيفي 0500117060
:good:

[عتيق]

e.j تسلم يالغالي

بس وين هو فيه الشنيفي؟؟؟

الله يعطيك العافية

[عتيق]

صباح الخير عليكم

[هايبر]

أعرف ناس يرهمون نيسان و تيوتا وشيروكيات بس مدري إذا يقدرون يساعدونك بعطيك واحد يمكن يساعدك مشهور بترهيم الباترول معلوماته بتلاقيها عل الرابط المرفق إذا ما فتح الرابط علمني أرسلها لك على إيميلك .والله يوفقك.
الرابط :

http://www.jeeran.com/photos/1938349/خريطة ورشة كرامه/?lang=a



<img src= "

[samfj40]

اخوي عتيق عندي جيب تويوتا ربع موديل 83 مرهم له مكينة كابريس حجمها 305 وبويه جديده ان رغبت الشرا

[الرجباني]

هلا والله اخوي عتيق

كل عام وانت بخير وينك يا خوي اشغلتك هالسياره

الله يوفقك ويعينك ويسهل أمرك

انا سمعت عن واحد يرهم في بيتهم في حي الشفاء

ابحأول اجيب لك رقمه او وصف بيتهم ومالك الا الي يسرك

ودمت بالف خير


قصدك ابو ناصر المبارك
ونعم الرجال

هذا رقمه
0554209550

[أبو حطب 2008]

مشاء الله موضوع ممتاز
من فتره وانا ادور احد يرهم لي بعض الاشياء
بس الي جرب ترهيم ابو ناصر يمدحه والا في احسن منه
لان الموتر جديد هايلكس التعديلات\ مساعدات\وبعض الاشياء
وجزاكم الله خير

[عتيق]

هايبر

بيض الله وجهك يالغالي الخريطه واضحه

لا عدمناك

*******

samfj40

هلا وغلا فيك
اخوي فيه واحد يدور على هالموتر بكم سعره وكيف اتواصل معك ......
*******


الرجباني

بيض الله وجهك يالغالي والله يعطيك العافية....


***********

ابو حطب

شكرا لمرورك

ومتلاقين ان شاء الله

[z a n h o r]

يالغالي ,,

وش نوع التعديل الي تبيه ..؟

اذا هي على هدرزات وفلاتر ومرواح هذي سهله ,,

لكن الكلام على تغير المكاين و فكهن ..!

هذ الي يحتاج شغل و خبره وفهاميه وايضاً ماده

يمكن بدر الحمد قالك سعره ويقصد تغير المكينه

وهذا اكيد مكلف يعني المكينه لحاله تبي تاخذ عليك حدود 8000 ريال