مشكلة في تعشيق باثفندري ( الفزعة يا وجيه الخير )

[سيف العدالة]

نوع السيارة : باثفيندر
الموديل : 2005
القير : اوتوماتيك
العداد : فوق 150000
:::::::::::::
تم تغيير البواجي - السيور



المشكلة : عند سرعات معينة يرفض القير التعشيق ويزداد صوت المحرك ارتفاعا ثم ينتقل التعشيق إلى نمرة أخرى
مثلا كان معشق على ال 2 .. اضغط على دواسة البنزين زيادة فيرتفع صوت المحرك ثم بعد ثواني ينتقل ل 4 دون المرور على ال3
وعند زيادة الضغط على البنزين يبقى التعشيق على الرابع ولا ينتقل للخامس أبدا مما يضطرني إلى تخفيف الضغط على دواسة البنزين تخفيفا على المحرك

[alkongrs]

متى اخر مره عيرت زيت القير يمكن البلا منه او بعد المشكله من علبه الزيت حقت التماتيك والشباب ما يقصرون

[أفق]

لابد من تغيير فلتر القير وزيت القير
وانا اجزم انك ماكد غيرتهن
على فكره خذ فلترقير اصلي وكالة ولا تنسى تأخذ وجه للكارتير
ونحن في خدمتك اخوي وعلمنا وش يصير معك
انشاء الله بتدعيلي

[سحابه]

كان معي جمس 94
ساقه مكنيكي في احد الايام وقالي عندك القير مايغير براحه والسبب من فلتر القير والله اعلم

انا عندي مشكله إذا جيت اغير من نمره P إلى R يطلع صوت طقه متوسطه اللي عنده لم يقيدني الله لايحرمكم الاجر

[سيف العدالة]

الله يرفع قدركم

ويحرم وجيهكم عن النار


بغير الزيت والفلتر

وأقولكم وش صار .

[نار الجليد]

سؤال ؟؟؟؟

االباث مو اربع تعشيقات

كيف الاخ سيف العداله يقول خمس ارجو التوضيح

[سيف العدالة]

سؤال ؟؟؟؟

االباث مو اربع تعشيقات

كيف الاخ سيف العداله يقول خمس ارجو التوضيح


والله ما أدري وأنا أخوك

لكن جبت المثال عشان تتضح الصورة

ولك جزيل الشكر

[سيف العدالة]

الفني يقول كلتش القير محترق يبغى له تغيير

بعدما شيك على زيت القير قال : محروق شوي

ولا يوجد قطع في أي وكالة لا الرياض ولا جدة

وإن وجدت فهي غالية فوق 3000 غير القطع الأخرى

وقال دور لك قير من التشليح أرخص لك

:::::::::::

هل فيه ورشة محترمة متخصصة

[hosam575]

ياخوي غير فلتر وزيت القير وان شاء الله يضبط معك

[Magellan]

والله إني باغي أقول أقول إن كلتشات القير محترقة
طبعاً من شرحك إنه مايشبك الثالث فبالتأكيد إن الكلتش محروق
طبعاً تغيير الزيت والفلتر قد يأتي بنتائج أسوء إذا كان محروق
ممكن مايصير يعشق إلا نمرتين فقط بسبب فقده لبرادة الحديد في الزيت المحروق
تغيير الزيت يفيد في حالة صعوبة أو خشونة نقلات القير
والزيت فائدته يحافظ أكثر على القير لو تغيره بإنتظام
لكن في حال إنك تشد على القير ولاتحميه أو تمشي عليه وهو حار بالحيل فبالتالي يحرق الكلتشات بدون النظر للزيت
وأنا أنصحك إنك تشوف أكثر من محل قبل ماتقدم على خطوتك ذي وإذا كان فيه بالتشليح ولاقد وضب فهو زين

[ridan]

ممكن تكون المشكله من حساس القير تاكد منه

[دانكن]

اخوي انا خابر لك واحد من الشباب عنده ورشة ترهيم .. ومعه باثفندر واكثر شي يشتغل بالباثفندر .. اتصل عليه او مره بصناعية الدائري ..
هذا رقمه :
0554889337

[الطا مس]

كان معي جمس 94
ساقه مكنيكي في احد الايام وقالي عندك القير مايغير براحه والسبب من فلتر القير والله اعلم

انا عندي مشكله إذا جيت اغير من نمره P إلى R يطلع صوت طقه متوسطه اللي عنده لم يقيدني الله لايحرمكم الاجر
اخوي سحابه الله يجيب سحابه وتغيث المسلمين تاكد من الصلبان حقت العمود وانت اكيد ماقد شحمتها........تحياتي لك