((( الحر)))
13/10/2008, 03:15 PM
قصيدة استغاثه ووصف لحال البر وقت المكشات
عسى الله يرزق البلاد والعباد من واسع فضله
الا يالله يارب الخلايق ياعظيم الشان
خلقت الخلق وفي يوم الحساب اليك محشوره
اليك الملتجى وانت الكريم المعطي المنان
دعوتك لاتخيّب من دعاك وجاك قصوره
طلبتك باول الوسمي قبل ماينتهي الميزان
مرازيم السحاب الّي يلوح البرق من زوره
الا من ابرق البارق تعوذنا من الشيطان
نسينا نذكر الرحمن من قوة سنى نوره
وصوت ارعودها كنه قنابل وزنها اطنان
تهز الجوف وتخلي جميع الخلق مذعوره
من طريف الشمال الين تقبل في حراوي عمان
ومن أقصى الجنوب الخير الى رابغ ومستوره
من تهامه الى نجد وتمرّ الصلب والصمان
وتعدى شرق لين تسيل منها راس تنوره
نهار امطارها ديمه وليله ماطره ودّان
ويتبع سيلها سيلً ثمان ايام مدروره
يسيل الطعس والخبّه ويملى القاع والريضان
وتمشي كل شعبان على دربه ومذكوره
بعد هذا تفهّد بأمر من تسجد له الاكوان
عن ارض ماتعرف حزومها من غبّة بحوره
وينبت باذر الوسمي بخامس يوم مهما كان
يشقق في طلوعه صلب الارض ويسرع ظهوره
ربيع ماذكره اجدادنا في ماضي الازمان
يحلف العود ماشفت عيونه مثل منظوره
تزين الارض من عقب الدّهر وتربع الاوطان
ويفرح بالربيع الي سكن في قاصي قفوره
ويفرح به هل الزرع وهل الذود وهل القطعان
رجال ماتعرف الياس حتى باصعب دهوره
ويحيل أهل الحلال بكل وجهه مالهم مسّكان
ويّشوم البدو عن سكنة البلدان وقصوره
ويردّ الحلال الي ظهر في حاله النقصان
ويهوّن هله عن بيعته والحال مستوره
الاياراعي الديره عليك بخايع البران
ترى نفسك على حب السعه والبر مفطوره
معك ربع تنقاهم مثل ماينتقى الشيهان
رجال فعلها وقت العسر واللين مخبوره
تجهز واركب الجيب الجديد مورّد اليابان
خليجي ماجمعه ابو جميل وشدّ ماطوره
نبي ناصل فياض ماوطاها أهل البهم والضان
تحالي في وصايفها سوات الدرّ منثوره
الامن جيت فاحداها يغني طيرها طربان
وخضرتها تحالي بالوصف في ملعب الكوره
فرشت فراشك بوسطه وشعمت من الحطب نيران
واطلقت البصر في نبته وحواه وزهوره
قسم بالله ماتغبط كبير الجاه والسلطان
ولا يبقى عليك الا رضى الرحمن وشكوره
ترى هذي طرات الروح والقصه لها عنوان
أعنونها واقول البر طب بدون دكتوره
عسى الله يرزق البلاد والعباد من واسع فضله
الا يالله يارب الخلايق ياعظيم الشان
خلقت الخلق وفي يوم الحساب اليك محشوره
اليك الملتجى وانت الكريم المعطي المنان
دعوتك لاتخيّب من دعاك وجاك قصوره
طلبتك باول الوسمي قبل ماينتهي الميزان
مرازيم السحاب الّي يلوح البرق من زوره
الا من ابرق البارق تعوذنا من الشيطان
نسينا نذكر الرحمن من قوة سنى نوره
وصوت ارعودها كنه قنابل وزنها اطنان
تهز الجوف وتخلي جميع الخلق مذعوره
من طريف الشمال الين تقبل في حراوي عمان
ومن أقصى الجنوب الخير الى رابغ ومستوره
من تهامه الى نجد وتمرّ الصلب والصمان
وتعدى شرق لين تسيل منها راس تنوره
نهار امطارها ديمه وليله ماطره ودّان
ويتبع سيلها سيلً ثمان ايام مدروره
يسيل الطعس والخبّه ويملى القاع والريضان
وتمشي كل شعبان على دربه ومذكوره
بعد هذا تفهّد بأمر من تسجد له الاكوان
عن ارض ماتعرف حزومها من غبّة بحوره
وينبت باذر الوسمي بخامس يوم مهما كان
يشقق في طلوعه صلب الارض ويسرع ظهوره
ربيع ماذكره اجدادنا في ماضي الازمان
يحلف العود ماشفت عيونه مثل منظوره
تزين الارض من عقب الدّهر وتربع الاوطان
ويفرح بالربيع الي سكن في قاصي قفوره
ويفرح به هل الزرع وهل الذود وهل القطعان
رجال ماتعرف الياس حتى باصعب دهوره
ويحيل أهل الحلال بكل وجهه مالهم مسّكان
ويّشوم البدو عن سكنة البلدان وقصوره
ويردّ الحلال الي ظهر في حاله النقصان
ويهوّن هله عن بيعته والحال مستوره
الاياراعي الديره عليك بخايع البران
ترى نفسك على حب السعه والبر مفطوره
معك ربع تنقاهم مثل ماينتقى الشيهان
رجال فعلها وقت العسر واللين مخبوره
تجهز واركب الجيب الجديد مورّد اليابان
خليجي ماجمعه ابو جميل وشدّ ماطوره
نبي ناصل فياض ماوطاها أهل البهم والضان
تحالي في وصايفها سوات الدرّ منثوره
الامن جيت فاحداها يغني طيرها طربان
وخضرتها تحالي بالوصف في ملعب الكوره
فرشت فراشك بوسطه وشعمت من الحطب نيران
واطلقت البصر في نبته وحواه وزهوره
قسم بالله ماتغبط كبير الجاه والسلطان
ولا يبقى عليك الا رضى الرحمن وشكوره
ترى هذي طرات الروح والقصه لها عنوان
أعنونها واقول البر طب بدون دكتوره