طير أم سالم .. هل هذي حقيقة ؟

[جال النفود]

قرأت عن الطير المسمى بـ " أم سالم "

بأنه يهاجم ويقتل الورل ..

يرتفع عالي ومن ثوم ينزل بقوة على رأس الورل يضربه بمنقارهـ ..؟!!

ربما يهاجمه لكن .. يقتله .. ما أدري ..؟

حبيت أستفيد منكم ..

وأدري منتم مقصرين ..

[الرجم العالي]

نعم الكلام صحيح .. وهذا ماذكره كثير من الثقات ..

المشرف العام لمكشات ابا ياسر ذكر ذلك في موضوع ((هذه الرحله لاتنسى )) على هذا الرابط ..


http://mekshat.awalnet.net.sa/vb/showthread.php?t=133062 (http://mekshat.awalnet.net.sa/vb/showthread.php?t=133062)


ومايخص موضوعك .. هذا ماذكره بالضبط في ذلك الموضوع الجميل ..





في نفود الثويرات شفت هالورل ومشيت وراه أباخذ صورة ، وأنا أمشي وراه ، فجأة أسرع !
ليه ؟ لأن أم سالم إهجمت عليه ! معقولة ؟ شفتها بعيني تضرب رأسه بمنقارها مرتين !
ترتفع مترين وتنزل مثل السهم عليه ( كل هالحركات صارت بسرعة ) وما أمداني أصور المشهد صح ، وهذا اللي طلع معي ..
http://www.mekshat.com/pix/upload02/images67/mk1_45.jpg

كنت أسمع إن ام سالم تذبح الورل وماكنت أصدق ، لكن بعد اللي شفته بعيوني ! أقول يصير ليه لا ، هالجرأة ماجت من فراغ !
الغريب إن أم سالم بعد الضربتين وقعت على الأرض ، وصارت تحك منقارها بالأرض كأنها تنظف المنقار لكن بشكل هستيري ..
بعدين قلت يمكن منقارها إنكسر والا تأثر ! ما أدري ..
على العموم عوضكم بهالصورة !
http://www.mekshat.com/pix/upload02/images67/mk1_46.jpg






.

[ابوالجازي]

ام سالم اذا صار عندها بيض وقربت لمه تفتن عليك انت يالادمي
وانا قد صارت معي قد فتنت علي وكأنها ودها تهاجمني واثر حولها بيضها
ومره هدينا طيرنا على حمامه وصادها واثره قريب من عش ام سالم وقامت ماغير تنفش ريشه وتحك بمنقاره الارض وتدور على الطير وحنا نتفرج عليها وتحك الارض بمنقاره علشان يطلع صوت وتخوف الطير والطير ما جاب له خبر
تقبل مروري واسف على الاطاله يا جال النفود

[Nomad]

اذكر وانا صغير كنت امشي بالبر وحداني مامعي احد واتفاجا باأم سالم وجه لوجه وهي تنفش ريشها
واخذت وضع الهجوم تحاول افتراسي والشرر يتطاير من منقارها وعيونها :D وفعلا شفت وراها عش فيه بيض ...قلت ياولد من ذل سلم
والهزيمة نص المرجله وصرت ارجع وراء خطوة خطوة وانسحبت انسحاب تكتيكي
وآثرت السلامة وعدم المواجهه لان اي مواجه في ذلك العمر كنت انا الخسران بدون شك ولاريب وكفى المؤمنين شر القتال :no:

[أبوتوتو]

الله يعكيم العافية

معلومة جديدة ومفيدة

[جال النفود]

الرجم العالي .. هـلآ والله بالغالي ..

يآ عسى يمنآك للسلآمة .. ما قصرت يالغالي كفيت ووفيت

أخوك أبو ياسر .

[جال النفود]

مصورنا المبدع أبو الجازي يا هـلا والله وغلا ..

ما قصرت .. هذآ شيء عيآنآ تبي تخوف الطير ..

لاهنت يالغالي ..

[جال النفود]

أخوي nomad

صادق وأنا أخوك من خاف سلم ..

" والهزيمة نص المرجله وصرت ارجع وراء خطوة خطوة وانسحبت انسحاب تكتيكي "

ماشاء الله عليك تدبير عسكري . ههههههههه

لاهنت أخوي على مرورك العسل .

[جال النفود]

أبو توتو .. حياك الله أخوي .

ما قصرت .

[محب العقاب]

معلومه جديده علي مشكور اخوي وما قصرت

[مطلاع]

مشكور اخوي{جال النفود}
نعم{ ام سالم} تستبسل وتذود بكل قوه عن فروخها عندما تحس بان الخطر تعدا الدائره
المسموح فيها....
..سبحان الله العظيم..
الذي رحم الطائر واعطاه الشجاعه لحفظ ابنائه.

[جوبا]

هذا ام سالم تسوي كذا اجل ابو ساالم وش يسوي شكل معاه قناه ومشمر جناحاتو :d
الله يعطيكم العافيه بس ليه سموها ام سالم احد يعرف

[جال النفود]

أخوي محب العقاب .. حياك الله ..

شرفني مرورك ..

لآ خلآ ولا عدم .

[جال النفود]

أخوي مطلاع .. حياك الله ..

شوف سبحان الله تستقوي وتعرض حيآتها للخطر علشان صغارها ..

لآهنت يالغالي على المرور ..

[جال النفود]

هههههههههههههههههه هههههههههههههههه

أضحك الله سنك يا جوبا أضحكتني ..

هذي المرهـ تسوي كذآ كيف بالشنب أبو سالم .. وش رآح يسوي .. هــاهـ

سبب تسميتهآ بأم سالم .. الله أعلم والأسمآء لا تعلل ..

أخذنا هالاسم من الاولين .. ليه سموهـ كذا ما أدري ..

مشكور أخوي على مرورك ..

[أبوعزام11]

معلومة جديده اشكركم

[جال النفود]

هــلا بك أخوي أبو عزام ..

شرفني مرورك .

[الفرار]

مشكورررررررررررررررررررررررررررر

[الهدد2006]

صحيح 0000مشكور

[ابو عمر النوح]

لكم مني كل الشكر و التقدير أخواني على هذه المعلومات و الصور و المواقف الواقعية ، و تقبلوا مروري .

[أبو بردة]

القافلة تسير

أم سالم والوَرَل....!!!

عبدالله ابراهيم الكعيد
حسناً للذين لا يعرفون من هي (أم سالم) أقول هي طائر صغير موجود في بيئتنا الصحراوية لون ريشه أبيض وأسود وذيله طويل يحركه للأعلى والأسفل بإيقاع جميل.. وإن لم أكن مخطئاً فهو الذي يسمى بـ (ملهيّة الرعيان)..!! أما الورل ويسمى باللهجة العامية في نجد (الورر) فهو من الزواحف شكله قريب من الضب ولكن ذيله أملس ليس كالضب أحرش، كما أنه شرس جداً وتخاف منه كل الزواحف والحيوانات ويجبن عن ملاقاته حتى الإنسان والشيء الوحيد الذي يقتله أضعف خلق الله... ذلك الطير الصغير اسمه (أم سالم) كيف..؟؟

يقول صديقي الدكتور: يحيى العقل أن أخاه مولع بالصيد والبراري والحياة الفطرية والتصوير أيضاً.. وفي احد ايام رحلاته الصحراوية شاهد المدعو (الورل) يمشي باختيال وغرور وكبرياء يبحث عن فريسة له فبدأ (صديقنا) يتابع تحركاته بآلة التصوير (الفيديو) وفجأة حدث أمر خيالي إذا حام الطير الرقيق (أم سالم) فوق هامة المتغطرس (الورر) ونقره في مكان محدد على (يافوخه) نقرتين وأتى أكثر من طير وفعل نفس الشيء وإذا بذلك المغرور يصبح جثة هامدة لاحراك فيها...!!! أليس هذا أمراً مدهشاً بالفعل...؟؟؟؟

صديقي الدكتور: يحيى وهو يروي ذلك المشهد العجيب كان هناك مشهد آخر يدور في خيالي لكنه مختلف في الصيغة والحدث متشابه بالشخوص..كيف..؟؟ أقول لكم ياسادتي كيف: رأيت في مسرح الحياة الآنية ذلك الكيان الصهيوني الكريه كالورل فكلاهما يتصف بالغرور والغطرسة والكبرياء المزيفة ورأيت الفلسطينيين (مع فارق التشبيه) كأم سالم ذلك الطائر المسالم ضئيل الحجم لكنه يملك سر القضاء على ذلك المتغطرس الذي جبنت عن مواجهته أعتى الجيوش فواجهه ذلك الطائر الجميل وأرغمه على الركوع بل قد أوصله صبية صغار إلى حافة الجنون والانهيار فهذا هو شارون ذلك (الثور) الهائج.. الجنرال المتغطرس الذي يزهو بمسمى (البلدوزر) ونحن سنطلق عليه هنا لقب (الوَرَل) قد فك شفرة موته أطفال فلسطين بحجارتهم التي كأنها من سجيل تجابه طوافات (الأباتشي) وتحرق أكثر الدبابات تصفيحاً وبأجسادهم البريئة يمزقون أصلب جدران الحماية المزعومة فأين أنت أيها الورل المتوحش..؟؟ أتستطيع أن تجابه أولئك الأبطال العزل حتى وأنت مدجج بالأسلحة أمريكية الصنع صهيونية الأصل والمنشأ والولادة.. وبكردونات الحماية الشخصية.. أتستطيع..؟؟ لكن الأطفال العزل يستطيعون أن يجابهوا جيشك الذي تصطك ركب عسكره حين يقابلون أولئك الأطفال..!!

كنت شخصياً أعتقد بأن ذلك الزاحف المتوحش (الورل) يحتاج إلى مجابهة عنيفة ومعركة دامية قد يخسر فيها من يواجهه حياته حتى أبان لي صديقي الدكتور: يحيى بكل وضوح أن لكل متجبر مهما كانت قوته ونفوذه من يسيطر عليه وفي الغالب يكون من أضعف مخلوقات الله..!! يقول المثل الأجنبي (ملاحقة القط أكثر تسلية من الإمساك به) وأنا هنا أقول أن إرعاب (الوَرَل) أكثر تسلية من قتله فلله دركم من أبطال حين أجبرتم أكثر من (70) ألف صهيوني بالهجرة من بلادنا المحتلة وعودتهم مرة أخرى إلى الأوطان التي لفظتهم وسيأتي اليوم الذي يعود فيه ذلك (الوَرَل) إلى وطنه بقوة وشجاعة طائر (أم سالم) وليس ذلك على الله بعزيز،،،،


http://www.alriyadh.com/2002/03/21/article28689.html

[القطاوي 2008]

ما قصر أخوي الرجم العالي

ومشكور يالغالي على الموضوع