يوسف الخليفة1
14/10/2008, 08:56 PM
لا تفرح بردحن ترا الوقت دوار=واحذر غدر يومن تغشلاك مسرور
هذي هي الدنيا تواست للاشرار=سعا لها في ميلها كل مغرور
واللي بغاها ذاق باحماها الامرار=تحط له ربقن ويتلاها مجرور
ومن غرته دنياه واقفى عن الدار=بارض الحشر يمسي حسيرن ومثبور
هذاك يومن ما يجي فيه مفرار=العبد يحضر فيه لحساب مجبور
وقتن عصيبن يجتمع فيه كفار=فرعون والنمرود وابليس مدحور
واللي حمل في طية كتابه اوزار=يمسي على كسبه ذليلن ومحسور
يوم يتجلى مالك الملك جبار=الواحد القهار والخلق مقهور
يطوي السماوات العلا يفجر بحار=يبعث رميم العظم من مظلم قبور
واتعاد الاجساد بشعرها والاظفار=حتى الوحوش لحشرها تكمل حضور
الجما تاخذ حقها وظبي وحمار=راح الزمان اللي به الظلم والجور
يالعبد حذرا تتلف اعشاش الاطيار=واحذر تصيد من العبث لو هو عصفور
ولا تكسر الغصن الرطب بين الاشجار=تراه يبرض لستهلت على الدور
ولموقدك من ناشف العود لبار=خذ الذي يكفيك لو كان مكثور
يجيه من بعض المخاليق زوار=خل الحطب باقي ولا يصير مندور
واحرص على وردك بحزات الاذكار=بالبيدا والا بايتن داخل الدور
لصرت نجاع بمفاسيح الاقفار=لا تذبح العقبان والباز وانسور
حتى الثعالب كلها صغار واكبار=ما لك بها مصلوح يا طايف القور
واحذر تمس اللي له فروخن صغار=وترا صغيره واردن فيه محذور
وليا لقيت الخرب ملبد ولا طار=فاحرص تخبر واحدن عنده صقور
ترا الحباري صيدها بكف صقار=احلا من اللي بطرفة الناظر تثور
واحرص على ظل الخلا لو هو اشبار=خله نظيفن ما به اوراق واقشور
وليا ضواك الضيف يا نسل الاحرار=فاحرص على قراته ولو كنت معسور
وليا لقيت اللي تعطل ولا سار=خلك عوينه مسعف الناس ماجور
واياك عقب البر تسرع على القار=ليكون بالبطناج قد طاح خابور
يمكن يصير انحل بالجيب مسمار=او يمكن ذراع المقصات مكسور
وليا لفيت لصاحبك موقد النار=واموطي العده مع دلال واقدور
فلا تسيبه عند الاغراض محتار=لايم له الحاجات واشعل له النور
لا تختلي نجاع ولو كنت جسار=ترا الخوي يضفي على بالك شعور
وتثولث الاثنين يا راعي الكار=تمشي على السنه وتمضي على الشور
خلك على ربعك كما الديم مدرار=وشيم كريم النفس به قول ماثور
واربط على لسانك ولا يصير هذار=حذرا يكون لسد الاسرار خارور
لا يصبح ويمسي للاجواد منشار=ترا النميمه حبلها صار مبتور
وابعد عن المرواس والعود والطار=وعن الكذب والغش والسحت والزور
واجعل مجاديفك على بحر الاخيار=ترتاح في حالن به انعام واقصور
( يوسف الخليفة )
هذي هي الدنيا تواست للاشرار=سعا لها في ميلها كل مغرور
واللي بغاها ذاق باحماها الامرار=تحط له ربقن ويتلاها مجرور
ومن غرته دنياه واقفى عن الدار=بارض الحشر يمسي حسيرن ومثبور
هذاك يومن ما يجي فيه مفرار=العبد يحضر فيه لحساب مجبور
وقتن عصيبن يجتمع فيه كفار=فرعون والنمرود وابليس مدحور
واللي حمل في طية كتابه اوزار=يمسي على كسبه ذليلن ومحسور
يوم يتجلى مالك الملك جبار=الواحد القهار والخلق مقهور
يطوي السماوات العلا يفجر بحار=يبعث رميم العظم من مظلم قبور
واتعاد الاجساد بشعرها والاظفار=حتى الوحوش لحشرها تكمل حضور
الجما تاخذ حقها وظبي وحمار=راح الزمان اللي به الظلم والجور
يالعبد حذرا تتلف اعشاش الاطيار=واحذر تصيد من العبث لو هو عصفور
ولا تكسر الغصن الرطب بين الاشجار=تراه يبرض لستهلت على الدور
ولموقدك من ناشف العود لبار=خذ الذي يكفيك لو كان مكثور
يجيه من بعض المخاليق زوار=خل الحطب باقي ولا يصير مندور
واحرص على وردك بحزات الاذكار=بالبيدا والا بايتن داخل الدور
لصرت نجاع بمفاسيح الاقفار=لا تذبح العقبان والباز وانسور
حتى الثعالب كلها صغار واكبار=ما لك بها مصلوح يا طايف القور
واحذر تمس اللي له فروخن صغار=وترا صغيره واردن فيه محذور
وليا لقيت الخرب ملبد ولا طار=فاحرص تخبر واحدن عنده صقور
ترا الحباري صيدها بكف صقار=احلا من اللي بطرفة الناظر تثور
واحرص على ظل الخلا لو هو اشبار=خله نظيفن ما به اوراق واقشور
وليا ضواك الضيف يا نسل الاحرار=فاحرص على قراته ولو كنت معسور
وليا لقيت اللي تعطل ولا سار=خلك عوينه مسعف الناس ماجور
واياك عقب البر تسرع على القار=ليكون بالبطناج قد طاح خابور
يمكن يصير انحل بالجيب مسمار=او يمكن ذراع المقصات مكسور
وليا لفيت لصاحبك موقد النار=واموطي العده مع دلال واقدور
فلا تسيبه عند الاغراض محتار=لايم له الحاجات واشعل له النور
لا تختلي نجاع ولو كنت جسار=ترا الخوي يضفي على بالك شعور
وتثولث الاثنين يا راعي الكار=تمشي على السنه وتمضي على الشور
خلك على ربعك كما الديم مدرار=وشيم كريم النفس به قول ماثور
واربط على لسانك ولا يصير هذار=حذرا يكون لسد الاسرار خارور
لا يصبح ويمسي للاجواد منشار=ترا النميمه حبلها صار مبتور
وابعد عن المرواس والعود والطار=وعن الكذب والغش والسحت والزور
واجعل مجاديفك على بحر الاخيار=ترتاح في حالن به انعام واقصور
( يوسف الخليفة )