ذيخ عنيد

[خمبده]

مساكم الله با لخير
اعطاني واحد من الربع ذيخ عنيد لا اعطاه اسم ولاعلمه عن شي ابد
الذيخ دبشه
واذا حطيت الطوق مايمشي معي وعمره تقريباً ست شهور او اكثر شوي هذا وشو الحل معه اضربوه ولا وش ازين معه
وابي رايكم فيه
لاتبخلون علينا في الردود الزينه وبدون مجامله


http://file6.9q9q.net/img/37986597/20081014-002-.jpg (http://file6.9q9q.net/preview/37986597/20081014-002-.jpg.html)

[مدرب الطير]

الذيخ عادي والله يرزقك الي اطيب منه بس لا تطقه

[أمير الصيد]

ما ذكرت اخي خمبده كم له عندك ؟
ترى يبيله صبر وتدريب متواصل خاصه أنه غير مدرب .
أما الضرب ما يجيب نتيجه ويمكن يخليه يهج منك ؟
دربه وخل بالك وسيع عليه وبتلقى فيه نتيجه اذا كنت تبيه واذا ما تبيه ريح نفسك من البداية .

هذا رأي الشخصي ويمكن الاخوان يفيدونك اكثر .
تحياتي لك .

[يتيم بلا زايد]

شكلك يا خمبده ماتفهم بالسلق مادام قلت اضربه وانا برائي انك تعطيه لواحد يفهم بالسلق ويعلمه لك وتاخذه جاهز وإلى انك تهديه لواحد من ربعك راعي سلقان ومقانيص

تحياتي لك بتوفيق0000

[دنيا بلا معنى]

اخوي اصبر عليه بدون ضرب وحده وحده وبتحصل نتيجه والصراحه مبين الطيب وتقبل مروري

[الابتر]

يالحبيب
الذيخ العنيد لازم تجيه بالسياسه يعني لا لبسته الطوق حككله وناده بسمه وبعدين امش معه راح يمشي اشوي ويتوقف كرر العمليه كم مره وراح تدرج الأمور ويستحسن إنك لما تخليه في الشبك تربطه وتخلي طوقه عليه وتضع له الأكل برى الشبك وتمسكه مع طوقه واتمشيه لأكله وراح يضبط غصباً على اللي جابه المهم خله يشوف الأكل وانت اتحطه له برى
والأهم خله يعرفك لأنه صغير ويبغاله أولايه .

[خمبده]

ما ذكرت اخي خمبده كم له عندك ؟

ترى يبيله صبر وتدريب متواصل خاصه أنه غير مدرب .
أما الضرب ما يجيب نتيجه ويمكن يخليه يهج منك ؟
دربه وخل بالك وسيع عليه وبتلقى فيه نتيجه اذا كنت تبيه واذا ما تبيه ريح نفسك من البداية .


هذا رأي الشخصي ويمكن الاخوان يفيدونك اكثر .

تحياتي لك .




مشكور اخوي الحر الازرق

[خمبده]

شكلك يا خمبده ماتفهم بالسلق مادام قلت اضربه وانا برائي انك تعطيه لواحد يفهم بالسلق ويعلمه لك وتاخذه جاهز وإلى انك تهديه لواحد من ربعك راعي سلقان ومقانيص

تحياتي لك بتوفيق0000



اخوي يتم انا ابي منك الفايده ما ابي منك الفلسفه
وبعدين يا بعدي هذا ما هو اول سلق يجيني
بس الخبره من الناس اللي اكبر مني
تحياتي

[خمبده]

يالحبيب

الذيخ العنيد لازم تجيه بالسياسه يعني لا لبسته الطوق حككله وناده بسمه وبعدين امش معه راح يمشي اشوي ويتوقف كرر العمليه كم مره وراح تدرج الأمور ويستحسن إنك لما تخليه في الشبك تربطه وتخلي طوقه عليه وتضع له الأكل برى الشبك وتمسكه مع طوقه واتمشيه لأكله وراح يضبط غصباً على اللي جابه المهم خله يشوف الأكل وانت اتحطه له برى

والأهم خله يعرفك لأنه صغير ويبغاله أولايه .




تسلم اخوي الابتر والله انا كلامك حكم
تحياتي

[نفاج]

ياخوي مالك الا الصبر وعلمه مع كلاب متدربه وبيفهم أنشاء الله وتقبل مروري

[ولد عنيزة]

شف يابعدي
كانه جفول و تبيه يجي معك ويقاضب لاتظربه جب لك سلسله وربطه خله ساعه مربوط لاتربطه بالشبك اربطه برا محله يعني اذاجيت تقعد وذاك اليوم فاضي سوه وخلك حوله يعني مايطولك وصوت له تبي تشوفه يماتل السلسله يحاول يجي خله ينغث اذا شفته مل فك السلسله لاتفكه كله لا خله بالطوق مربوطه ومش به يبي يمتل السلسله امسكه ومسح على راسه ومش وسوه كل ماجيت لمه ويبي يضبط انشاء الله والله يوفقك وتشبع من الصيد

[بوحمود505]

الذيخ عادي والله يرزقك الي اطيب منه

[شعراوي]

الضر ماينفع ابد عليك بسعت البال

ودربه على راحتك

لاهنت يالذيب

[سلطان العوني]

اخوي


اول شي الذيخ مواريه عاديه


بعدين مو من اول ما تربطه بالسلسله يمشي معك لا يبي لك تصبر عليه شوي


حاول تك تربطه بالشبك بحيث انه ما يقدر يتمشى بالشبك يعني اربطه بزاويه وما يقدر يتعداها ابد


لا تخليه يتمشى بالشبك قصر عليه الحبل


خله بربوط 3 ايام او اكثر لا تفكه ابد وخل الماء عنده والاكل عنده


وكل يوم تعال امسح عليه وناده باسمه غثه باسمه غث


لما تنتهي الـ 3 ايام طلعه من الشبك وخل السلسله برقبته لا تفكها


حاول انك تمشيه تبي تشوفه يسحب جلنط وقف وراجع له وامسح على راسه بعدين ناده باسمه .... تعال تعال يالله


ومن هالتشجيع واذا شفته مشا معك حاول انك تقربه وتسمحه على راسه خلك ثلاث ايام على هالحاله


وبعدها حاول اول ما تشوفه يوقف وانت تمشي به جررررررره وانتله نتل لحد ما يمشي غصب


وراح تشوف في اسبوع بالضبط من اليوم راح يمشي بالسلسله


والله يوفقك لكن يبي لك صبر وطولة بال

لكن انتبه تطلعه للبر وهو كذا ترا ما راح تقدر تمسكه

يبي لك وقت لحد ما يولف عليك ويصير ما يخاف

[راعي فزاع]

والله رايي من راي اخونا سلطان العوني
لكن ونا اخوك نصيحة مجرب
الضرب حط عليه x
جربنا كل شي مع السلق والله ماينفع معها الا اللين والضرب ماهولازم في كل الحلات لكنه ضروري مع بعض السلق خاصة الذيخ العنيد
اما الجرا انتبه تضرب جرو عمره دون السنه لانه بيخاف منك خوف والله ان تكرهه صدقني
وتقبل مروري اخوي