دبلت كبودكم

[ملاعب الطير]

داري اني دبلت كبودكم بقوه الهياط
كن محد عنده طير طيب الا انا
عفوأ طيرين طيبين (مازلت اهايط ساموحني اخر مره)
لا فعلأ من جد دبلت كبودكم
لكن ابشركم
خلالالالالالالالالالالالالالالالالالاص
سيطرت على نفسي
وكبحت جماح هياطي
تبون الصدق ماهو هياط هذا ثقه متناهيه
لأني اثبت القول بالقعل
واتحداكم (مازلت اهايط) صدق اخر مره
ببساطه وبأختصار
انا احب طيوري
خلوني اعبر عن مشاعري
تدرون لقيتها
ببطل اهايط بالكلام
وبكتب قصايد وبهايط فيها عادي مجرد قصيده
واخيرأ ياويلكم ويلاه
تقبلو هياطي

[شنوان]

دايم اذكر الله
ترى يقولون ما ينظل الحلال الى راعيه
والله يباركلك بطيورك قول امين

[أبو_خالد]

قل : "لا إله إلا الله" وسبح وهلل واذكر الله
تراه أخير لك من السوالف بطيرك بدون داعي

[ذيب العرمه5]

اقول اخوي ملاعب الطير ودي اهايط مثلك عند ربعي وشلون
تبي الصراحه يعجبني مهايطك لاني احس انه صادر من واحد واثق بنفسه وبطيوره من جد
الله يوفقك ويسمح امرك بس انتبه من العين

[سلايل كحيلان]

بالفعل أخي اذكر الله على طوووووووووول


والله يبارك لك في طيورك ويطعمك من خيرها ويكفيك شرها

[هواي داورد]

أنا أتحداك بطيري

وأتحداك انت وطيرك

من شكل طيرك بين انه شكل وليس فعل

لاكن لو تشوف فعل طيري كان ماقلت اللي قلته فوق

ياحبيبي طيري لو تبيني اهده على ناقة كان هديته

ولاني مستغرب منه الفعول ذي لاني اصلا انا اللي مدربة

يا واثق من طيره قبل سنتين هديته على حبارى

ضربها بمخلابه وراحت نصفين .........

بالعربي لاتهايط على طير مايسوى


ملاحظة :- ترا اصلا ماعندي طير

هههههههههههههههههههههههههههه

خخخخخخخخخخخخخخخخخخخخخخخخ


وامزح ترا يوم قلت طير مايسوى .... im so so sory for that


اخوك :- حبارى

[الحوت_قطر]

الظاهر متحدي طيور عاثره ومثل ما قال المثل ( الاعور على العميان باشه )
ههههههههههههه

والله يبارك لك
وتقبل مروري:d :d :d :d :d :d :d

[قنيص غبر]

ملاعب الطير .. رساله تحذيريه من ناس تنقل الجير ... رسالتك وصلتنا . ونبارك في طيورك .. وانشالله تاكل من صيدها .. لكن ابعد عن الشر وغنيله ... خل مهايطك على قولتك بين ربعك وفريجكم والفريج اللي جنب فريجكم ولا تطلع خارج نطاق التغطيه .. المربيات في كل وادي والطيور على اشكالها تقع .. وكلن يشوف طيره ازين واسبق .. لكن لي حمى الوطيس يصير كلام ثاني ..
ماقول غير الله يبارك فيه انشالله ويبارك لكل صقار هذا الموسم ومايضيع تعبه وصبره ..

[@قرناص@]

,,

يكفي موآضيع بكلام..

نبي صور ومقآطع نبي نشوف فعل طيورك الي تقول عنهم خلف الشآشه..

وآذكر آلله*

,,

[مدهـوش]

هياط وعقبه............؟

)))الطيور مثل الاوادم درجات(((




ياهل الطيور اللي تصيد الثلاثي==اكبر عدد ماحطمه غير عباثhttp://www.mekshat.com/pix/upload/sign/images/mk92587.gif

[أبو أمين]

الكلام وااااااااااااااااااااااااااااااجد والفعل؟؟؟؟؟؟؟؟؟؟؟؟؟

[ملاعب الطير]

اقول اخوي ملاعب الطير ودي اهايط مثلك عند ربعي وشلون
تبي الصراحه يعجبني مهايطك لاني احس انه صادر من واحد واثق بنفسه وبطيوره من جد
الله يوفقك ويسمح امرك بس انتبه من العين

خذ طير طيب وتلقائيأ بتصير مهايطي واثق

[ملاعب الطير]

[quote=bustard;1962187]أنا أتحداك بطيري

وأتحداك انت وطيرك

من شكل طيرك بين انه شكل وليس فعل

لاكن لو تشوف فعل طيري كان ماقلت اللي قلته فوق

ياحبيبي طيري لو تبيني اهده على ناقة كان هديته

ولاني مستغرب منه الفعول ذي لاني اصلا انا اللي مدربة

يا واثق من طيره قبل سنتين هديته على حبارى

ضربها بمخلابه وراحت نصفين .........

بالعربي لاتهايط على طير مايسوى


ملاحظة :- ترا اصلا ماعندي طير

هههههههههههههههههههههههههههه

خخخخخخخخخخخخخخخخخخخخخخخخ


وامزح ترا يوم قلت طير مايسوى .... im so so sory for that
:no2: :no2: :no2: :no2:
اشوا روعتني
قلت وينه ذا اللي معه طير اطيب من طيري ابي اروحله واشري طيره
واذا ما باع اذبحه واخذ طيره
الله يرزقك بطير سنافي

[ملاعب الطير]

الكلام وااااااااااااااااااااااااااااااجد والفعل؟؟؟؟؟؟؟؟؟؟؟؟؟
ابو امين
انا اكرهك
هههههههههههههههههههي
امزح
بس
الله يجيبك واغسل شراعك

[ملاعب الطير]

هياط وعقبه............؟

)))الطيور مثل الاوادم درجات(((




ياهل الطيور اللي تصيد الثلاثي==اكبر عدد ماحطمه غير عباثhttp://www.mekshat.com/pix/upload/sign/images/mk92587.gif

زلزال رقم واحد
وسلمان رقم واحد
كيف
اقولك
بالحرار الأصيله
زلزال رقم واحد
والجيره سلمان رقم واحد
وبالنسبه لباقي الطيور الشياهين وغيره
طيوري رقم واحد بعد
ماشاء الله
يعني طيوري من الدرجه الأولى

[ملاعب الطير]

قل : "لا إله إلا الله" وسبح وهلل واذكر الله
تراه أخير لك من السوالف بطيرك بدون داعي
لا إله إلا الله
سبحان الله
الله يجزاك خير

[جارح العين]

الله يباركلك بطيورك انشاء الله

[ملاعب الطير]

ملاعب الطير .. رساله تحذيريه من ناس تنقل الجير ... رسالتك وصلتنا . ونبارك في طيورك .. وانشالله تاكل من صيدها .. لكن ابعد عن الشر وغنيله ... خل مهايطك على قولتك بين ربعك وفريجكم والفريج اللي جنب فريجكم ولا تطلع خارج نطاق التغطيه .. المربيات في كل وادي والطيور على اشكالها تقع .. وكلن يشوف طيره ازين واسبق .. لكن لي حمى الوطيس يصير كلام ثاني ..
ماقول غير الله يبارك فيه انشالله ويبارك لكل صقار هذا الموسم ومايضيع تعبه وصبره ..
وين موقعك بجيك
اغسل طيورك وطيور النطاق اللي انت فيه
وابشرك الآبراج فول
معي الثرياء
يعني مافي عندي خارج نطاق التغطيه
انا بجده
وشهر 11 اذا الله احيانا
بكون بصمان ثم الدهنا ثم بكون بين الحدين(العراق)
انت وين وين نطاقك
ويينك
وينك
ترى مامزح انا جاد بغسلك انت وطيورك ونطاقك
وينك وينك

[أبو رداد]

الظاهر متحدي طيور عاثره ومثل ما قال المثل ( الاعور على العميان باشه )ههههههههههههه
:good: :good: :good:

هههههههههههههههههه
ياليتك قريب علي ههههههههه
الله يوفقك في حلالك

[هــبــص]

اخوي


انا ابتحداك بطييييير زاجــل يشق راس طيوررك شق


هههههههههههههه

[ملاعب الطير]

اخوي



انا ابتحداك بطييييير زاجــل يشق راس طيوررك شق



هههههههههههههه

وينك
تأكد انه اذا فيه طير يطرح حمامك فهو زلزال
وسلمان
واذا مافي طير يطرح حمامك
تأكد ان زلزال بينتفها تنتيف
اكرر
وينك

[ملاعب الطير]

:good: :good: :good:

هههههههههههههههههه
ياليتك قريب علي ههههههههه
الله يوفقك في حلالك
اخيرأ رديت
وش ذا التواضع
لا تخاف اجيك انت وين
تراك ينعنالك
وصراحه انامافوت فرصة اني اغسل طيورك غسيل مستعجل
ترا انا جاد
يعني ما امزح
وينك بس وينك

[stewrd]

يالربع انا عارف ملاعب الطير زين ونصيحه لا احد يتحداه في طيوره سواء الحر او الجير
والله ماخذه من الشراسه والسبق حدها يعني انسوا الموضوع

[أبو فهد العيد]

أنا من اشد المعجبين بالمهايط,, وخاصة المهايط اللي على اصوله,, الله يبارك لك بطيورك تاكل من صيدهن,,
وهذي ابيات عشان تحمس وتهايط زياده,,:D :D
ارفع لك البيضاء على راس مرقاب***واقول ياحي المهايِِـِط بطيره
زلزال مع سلمان قطاع الارقاب ***عوق الخريش اللي سريعً مطيره
وصقّارهن في مدحهن صابه اعجاب *** اقصد ملاعب زايدً بتعبيره

[ملاعب الطير]

أنا من اشد المعجبين بالمهايط,, وخاصة المهايط اللي على اصوله,, الله يبارك لك بطيورك تاكل من صيدهن,,

وهذي ابيات عشان تحمس وتهايط زياده,,:D :D
ارفع لك البيضاء على راس مرقاب***واقول ياحي المهايِِـِط بطيره
زلزال مع سلمان قطاع الارقاب ***عوق الخريش اللي سريعً مطيره

وصقّارهن في مدحهن صابه اعجاب *** اقصد ملاعب زايدً بتعبيره

صح لسانك يابو فهد
شكلك مهايطي كبيررررررررررررررررر
ولي الشرف اني امزج هياطي بهياطك
والوعد بكره
دايخ بنام

[ولد333النفيع]

القرد في عين عمه غزال

وإذا الشي زاد عن حده انقلب ضده



وترا كل صقار يتفيخر بطيرة

واعلم الي عنده اطيب الطيور الي تفعل احسن افعل والسبق والطلع واطيب اطيب اطيب المواري والصايد الواجد والي تصيد الفارط ما تتفيخر بطيورة قدام الناس خوفاً من العين والحسد وعلشان محدن يجيهم يشري الطير زي من عارف

هذا الشيوخ عندهم احسن واطيب الطيور ومايتفاخرون ويهاطون قدام الناس لانهم عارفين ان طيورهم اطب الطيور

اما الي يتفيخر بطيروره اعرف ام طيوره ؟؟؟؟؟؟؟؟؟


وانا ما استقصدك انت بالذات انا كلامي موجه كل الصقارة


والله يبارك فيك طيورك وتاكل من صيدهم



سلام عليكم

[مكتف أسد]

اقول ياملاعب الطير ترا اذا ماعقلت برمي شماغي عليك وبطلبك واحد من طيورك خاصه هالسنه اني على وجه زواج ان شاء الله وبازي الدراهم للعرس عشان كذا اعقل ههههههههه

[الطبشي]

الله يوفق الجميع والطيب مايجي الا عند الطيب ......

[ذباح الحباري]

احد جودك هايط لين الله يشوفلك حتى اللي ينقل شبوط يشو ف طيره طييب ههههههههههههههههههههههههههههههههههههههه

[جرناس دبي]

حاسب من العين

[وقاااااد]

الله يستر عليها ويزقها بالحباري

[barcelony]

كل طير و فوقه طير يالحبييييييييييييييييب :)

[ملاعب الطير]

كل طير و فوقه طير يالحبييييييييييييييييب :)
صادق
بس شفت الطير اللي فوقه طير اللي انت تقوله
هذا هو زلزال
يعني زلزال فوق الطير اللي فوقه طير
والطير اللي فوقه طير زلزال فوقه
يالحبييييييييييييييييييييييييييييب

[حامى الخبرا]

عمره مااااااتبخر ويوم تبخر أحترق أقول الله يستر عليك ........

[ملاعب الطير]

عمره مااااااتبخر ويوم تبخر أحترق أقول الله يستر عليك ........
ابشرك من يومي وانا اتبخر بالطير الاشقر
لا
وابشرك
ومستعد
احرقك انت وطيرك
بمهد واحد
ترا
مامزح
وينك

[ملاعب الطير]

القرد في عين عمه غزال

وإذا الشي زاد عن حده انقلب ضده



وترا كل صقار يتفيخر بطيرة

واعلم الي عنده اطيب الطيور الي تفعل احسن افعل والسبق والطلع واطيب اطيب اطيب المواري والصايد الواجد والي تصيد الفارط ما تتفيخر بطيورة قدام الناس خوفاً من العين والحسد وعلشان محدن يجيهم يشري الطير زي من عارف

هذا الشيوخ عندهم احسن واطيب الطيور ومايتفاخرون ويهاطون قدام الناس لانهم عارفين ان طيورهم اطب الطيور

اما الي يتفيخر بطيروره اعرف ام طيوره ؟؟؟؟؟؟؟؟؟


وانا ما استقصدك انت بالذات انا كلامي موجه كل الصقارة


والله يبارك فيك طيورك وتاكل من صيدهم



سلام عليكم
ياخي ماعرفت اقرا ولا كلمه
روح ادرس املاء وخط بعد
بعدين شارك

[barcelony]

هههههههههه يا ملاعب الطير قووووول انشالله اصيييييدك بمقنااااص جدام الرجاااااجيا لأخلييييك تسبل زلزااااال مالك

[حامى الخبرا]

ابشرك من يومي وانا اتبخر بالطير الاشقر
لا
وابشرك
ومستعد
احرقك انت وطيرك
بمهد واحد
ترا
مامزح

وينك يوليدى عين من الله خير دام بينى وبينك هشاشه سولف براحتك بس لا صارت العلوم أدورنى وينى عزالله تبى تبشر بندامه بس أقصر الهرج ...... :o **حامى الخبرا**

[ولد333النفيع]

ياخي ماعرفت اقرا ولا كلمه
روح ادرس املاء وخط بعد
بعدين شارك

انت كنت اكتب بسرعة وعلى عجل فافي اخطاء



التعديل

القرد في عين امه غزال

وإذا الشي زاد عن حده انقلب ضده



وترا كل صقار يفتخر ويهايط بطيرة

واعلم الي عنده اطيب الطيور الي تفعل احسن الفعل والسبق والطلع واطيب اطيب اطيب المواري
وصايد الحباري ورصيدها فوق 100 حبارى والي تصيد الفارط
ما تفتخر بطيورها قدام الناس خوفاً من العين والحسد وعلشان محدن يجيهم يسوم الطيور زي منت عارف

هذا الشيوخ عندهم احسن واطيب الطيور ومايتفاخرون ويهاطون قدام الناس لانهم عارفين ان طيورهم اطيب الطيور

اما الي يتفيخر بطيروره اعرف انت طيوره ؟؟؟؟؟؟؟؟؟


وانا ما استقصدك انت بالذات انا كلامي موجه كل الصقارة يهايط بطيورة


والله يبارك في طيورك وتاكل من صيدهم

سلام عليكم

[شبراق]

عيال العجز يعجزون

[الوايلي100]

اخوي المهايطي الله يباركلك بطيورك


تهايط على صيد ولحوق الحباري ولا السبق ولحوق الحمام ولا زين الريشه ووجه الطير
ووسرته .. ولك خالص تحياتي،،،،،

[مستقنص]

الله يستر عليك
ويستر على طيورك

[ملاعب الطير]

هههههههههه يا ملاعب الطير قووووول انشالله اصيييييدك بمقنااااص جدام الرجاااااجيا لأخلييييك تسبل زلزااااال مالك
انشاءالله
يجيبك ربي
وغسل شراعك

[ملاعب الطير]

يوليدى عين من الله خير دام بينى وبينك هشاشه سولف براحتك بس لا صارت العلوم أدورنى وينى عزالله تبى تبشر بندامه بس أقصر الهرج ...... :o **حامى الخبرا**[/center]
اذا انت بالسعوديه انا اجيك واحوس طيرك حوس

[ملاعب الطير]

اخوي المهايطي الله يباركلك بطيورك






تهايط على صيد ولحوق الحباري ولا السبق ولحوق الحمام ولا زين الريشه ووجه الطير


ووسرته .. ولك خالص تحياتي،،،،،

كلها
كلها
واثبت القول بالفعل
ولو ان الزين كايد
طيري زبن بس فيه ازبن منه بواجد

[ملاعب الطير]

انت كنت اكتب بسرعة وعلى عجل فافي اخطاء



التعديل

القرد في عين امه غزال

وإذا الشي زاد عن حده انقلب ضده



وترا كل صقار يفتخر ويهايط بطيرة

واعلم الي عنده اطيب الطيور الي تفعل احسن الفعل والسبق والطلع واطيب اطيب اطيب المواري
وصايد الحباري ورصيدها فوق 100 حبارى والي تصيد الفارط
ما تفتخر بطيورها قدام الناس خوفاً من العين والحسد وعلشان محدن يجيهم يسوم الطيور زي منت عارف

هذا الشيوخ عندهم احسن واطيب الطيور ومايتفاخرون ويهاطون قدام الناس لانهم عارفين ان طيورهم اطيب الطيور

اما الي يتفيخر بطيروره اعرف انت طيوره ؟؟؟؟؟؟؟؟؟


وانا ما استقصدك انت بالذات انا كلامي موجه كل الصقارة يهايط بطيورة


والله يبارك في طيورك وتاكل من صيدهم

سلام عليكم
ماشاءالله عرفت تعدل
بس شف وش كاتب في اول
سطر
( انت كنت تكتب بسرعه)
انا وش دخلني بالموضوع
اكتب
انا كنت اكتب بسرعه
انصحك انتحر

[حامى الخبرا]

اذا انت بالسعوديه انا اجيك واحوس يرك حوس
والله تبطى وأنا حامى الخبرا......هامتى بعيده عليك خلك مع طويراتك الله يستر عليك وعليهن :o :o

[مهبوب نسايم]

احسن مكان للمقانيص , الريعان اللي حول شهار .


أظنك من الربع اللي من العارض الى الحرة , ترى هذي حركاتهم .

[ملاعب الطير]

يوليدى عين من الله خير دام بينى وبينك هشاشه سولف براحتك بس لا صارت العلوم أدورنى وينى عزالله تبى تبشر بندامه بس أقصر الهرج ...... :o **حامى الخبرا**[/center]
ياوليدي هههههههههههههههههههههههههههي
ذكرتني بجدتي
لكن انا اهايط بكل شي
واثبت القول بالفعل

[ملاعب الطير]

عيال العجز يعجزون
الله يسامحك
وش العجز
والعجايز
غلقت الآمثال
شفلك مثل مناسب

[ملاعب الطير]

والله تبطى وأنا حامى الخبرا......هامتى بعيده عليك خلك مع طويراتك الله يستر عليك وعليهن :o :o
شكرأ
لا تهايط
مره ثانيه
انتها

[ملاعب الطير]

احسن مكان للمقانيص , الريعان اللي حول شهار .


أظنك من الربع اللي من العارض الى الحرة , ترى هذي حركاتهم .
من العارض الى الحره ومن الحره الى بغداد
نعم هذي حركاتنا
ونثبت القول بافعل
يارجال تحدى
ولا
اقضب ارضك
انتهاء

[راعي شلهوب]

ياوليدي هههههههههههههههههههههههههههي
ذكرتني بجدتي
لكن انا اهايط بكل شي
واثبت القول بالفعل

هههههههههههههههههههههههههههههههههههههههههههههه
ياملاعب الطير مافيك حيله هههههههههههههههههههههههه
كفو وووووووووو تقول و تطول

[الوايلي100]

على كذا حددلي موقعك وانا ابي اجيك ومعي حمامه لطيرك اذا ردها لو مايصيدها
يحق لك تهايط



وذا انت موافق ارسلي رقمك على الخاص

[أبو فهد العيد]

على كذا حددلي موقعك وانا ابي اجيك ومعي حمامه لطيرك اذا ردها لو مايصيدها

يحق لك تهايط




وذا انت موافق ارسلي رقمك على الخاص


كفو والله هذا الكلام’’’اللي نبيه’’ وينك ياملاعب ,,الرجال تحداك عجّل علينا,,

[الرووقي511]

ياهل الطيور اللى تصيد الثلاثى اكبر عدد ماحطمه غير عباث عباث فى زرق الغلب يوم عاثى للريش من كفه على الارض بثاث ابن مخيمر احسنت الاختيار

[بالون]

كفوووو هذا الكلام يابن وايل ....

[راعي ساموده]

ياجماعه اتركواعنكم تقليب الهرج وتدخلون الشيطان بينكم ,,

الرجال يمدح طيوره (من حقه) , يوم شافكم ماصدقتوه ,,,, تحداكم عشان يثبتلكم ان طيوره قد كلامه .
فانتم بالخيار :
اما تقبلون تحديه ولا تقولون ماشاء الله تبارك الله والله يهنيك فيها .

خلوا الرجال يستانس ويمدح طيوره على كيفه ويوسع صدره .

[أبو فهد العيد]

ياجماعه اتركواعنكم تقليب الهرج وتدخلون الشيطان بينكم ,,

الرجال يمدح طيوره (من حقه) , يوم شافكم ماصدقتوه ,,,, تحداكم عشان يثبتلكم ان طيوره قد كلامه .
فانتم بالخيار :
اما تقبلون تحديه ولا تقولون ماشاء الله تبارك الله والله يهنيك فيها .

خلوا الرجال يستانس ويمدح طيوره على كيفه ويوسع صدره .

انا مااتحداه,, لكن اقول خلنا نشوف فعل الطير مع الحمامه,,,بس ودي اتفرج,,
وان كانك من سكان الرياض,, طلعنا جميع وشفنا وش يسوي طيره مع حمامة البناخي((الوايلي)),,,,
ابد ونتعشى في المدعى,, والعشى علي,,
منها شوفة اللحوات الغانمه,,شرواك,, ومنها نشوف زلزال,,