ابوعبدالله1

[جرير]

جتك الرساله يافتى الجود رده=وان كان مارديتها فانت مسموح
شرهاتنا تجي علي من نوده=والحال ما يحتاج تفصيل وشروح
وان كان شلت الحمل تراك قده=هذي عوايدكم تشيلونها صروح
رحنا علي ريف النشاما لحده=واخذت علم ن كاتبه عنده بلوح
الحبل طال ولا قدرنا نشده=ومهما سكتنا اخر الوقت بنبوح
مرت علينا المقبله والمصده=وتوافقن اليوم في مفرق الصوح
هذي نعديها وهذي نصده=توالت الاهداف والباب مفتوح
يقول قبلي من عنا الوقت هده=اصبر وتلقى بالصبر سلوة الروح
ومن لا صبر لابد يبوح سده=يتعب ويصبح تالي الوقت مطروح
هذا الختام وما خبرنا نعده =سوالف تجي مع الوقت وتروح

[مستقنص]

السلام عليكم ورحمة الله وبركاته
اسعد الله صباحك بكل خير

صح لسانك يامشرفنا العزيز
قصيده جزله مشاءا لله

[القسامي511]

صح لسانك يالغالي جرير
وننتظر رد أبو عبدالله

[ذيب طمية]

صح لسانك يابو احمد

وابو عبدالله قدها وقدود ونعم بك وبه

تحياتي واحترامي

[يوسف الخليفة1]

حي الجواب اللي كما عود نده=من وين ما هب الهوا عطره يلوح
يا مرحبا باللي خفانا يوده=اللي له بقلبي مراسيم وافسوح
يا شيخ ما تبقى على النفد قده=وما يبرد الما لبطى بالفايت يفوح
وان جاك ملاد الهوا من يرده=اخاف تنشب بين عنقورن وشوح
لو راجت الايام وانساح مده=الناس ما له من شها الغير مصلوح
القاف ما يرمي على الشوك خده=ولا خبرت انه قد غدا مرهم جروح
مثل الحطب يوقد على جال عده=اما هفا بالنار او صار مطروح
والخيمه اللي قد طرا لك مشده=في بارزات الطعس ما جا لها نوح
اياه مع ساحوق الجذيب ومحده=كله خناتيبن تولاها لافوح
مثلك فهيم وماضي العلم سده=حذرا ترا بربوخ دعبه به ملوح
فريت انا فكري بصفه وضده=والهرش ما يتلا مع البيد سرسوح
الفوج ياتي والرحى مستعده=نوبن يجي خيفان واحيان ذرنوح
وانا مسيم ولا على النفس لده=وامشلشل الاعراس ينشال ويروح
ترا القرانيس استوا اليوم هده=ولا تجزم بنودن ولو بان لك ضوح
الساق ما تمضي اذا السبت فرده=لكنها الدنيا سواليف وامزوح



( أبو عبد الله )

[صقر النوايف]

الأخ جرير

يعطيك العافيه وصح لسانك وجهك أبيض
أبيات جميلة بجمال صاحبها

[أبا مجاهد]

صح لسانكم يالذيابه

وفرج الله همنا وهمكم..امين

[مطلاع]

بسم الله الرحمن الرحيم
السلام عليكم ورحمة الله وبركاته:
حيا الله الغالي(جرير).
* * *
حيا الله الغالي(ابو عبدالله).
* * *
ما شاء الله تبارك الله
شكراً لكم على الابداع
عندما يبدعون من نحب فنحن من يكسب
واليوم كسبنا بابداعكم
تقبـــــــلوا اجمــــــــــل تحيــــــــــــــــــاتي

[القسامي511]

مدري ليه رد ابو عبدالله مايطلع عندي أكيد مسويله ايطار عشان كذا بالجوال مايطلع لاني تصفح منه

ياليت أحد يطلع رد ابو عبدالله من الايطار عشان اقدر اقرا رده لأني متشوق اعرفه
وشكرا

[أبو فهد العيد]

صح لسانك يامشرفنا الغالي (( جرير ))
ولايهون الشاعر الكبير ((ابو عبد الله))
بيض الله وجيهكم

[جرير]

حفظكم الله جميعا علي المرور ولكم الشكر

عشان اخونا القسامي يقول ماطلع عنده
هذي قصيدة ابو عبدالله بشكل اخر لعلها تكون واضحه



حي الجواب اللي كما عـود نـده
من وين ما هب الهوا عطره يلوح
يـا مرحبـا باللـي خفانـا يـوده
اللي له بقلبي مراسيـم وافسـوح
يا شيخ ما تبقى على النفـد قـده
وما يبرد الما لبطى بالفايت يفـوح
وان جاك ملاد الهـوا مـن يـرده
اخاف تنشب بين عنقورن وشوح
لو راجت الايـام وانسـاح مـده
الناس ما له من شها الغير مصلوح
القاف ما يرمي على الشوك خـده
ولا خبرت انه قد غدا مرهم جروح
مثل الحطب يوقد على جـال عـده
اما هفا بالنار او صـار مطـروح
والخيمه اللي قد طرا لـك مشـده
في بارزات الطعس ما جا لها نوح
اياه مع ساحوق الجذيـب ومحـده
كلـه خناتيبـن تولاهـا لافــوح
مثلك فهيم وماضـي العلـم سـده
حذرا ترا بربوخ دعبه بـه ملـوح
فريت انا فكـري بصفـه وضـده
والهرش ما يتلا مع البيد سرسوح
الفوج ياتـي والرحـى مستعـده
نوبن يجي خيفان واحيان ذرنـوح
وانا مسيم ولا على النفـس لـده
وامشلشل الاعراس ينشال ويروح
ترا القرانيس استوا اليـوم هـده
ولا تجزم بنودن ولو بان لك ضوح
الساق ما تمضي اذا السبت فـرده
لكنها الدنيـا سواليـف وامـزوح

[القسامي511]

تسلم وبيض الله وجهك وجمل الله حالك يالغالي جرير

وصح لسان ابو عبدالله

الصراحه انكم ماقصرتوا اثنينكم

شكرا لك مره ثانيه يالغالي جرير

[العمدة ابو صالح]

اخوي جرير
مرحبى والله ومسهلا


ياخوي والله أني شفقٍ جدا على جديدك وعلى قصيدك وسعدت جداً بحضور هذا النص الجزل والمتفرد
لاعدمنا وجودك ولاعاد تبطي علينا .


صح الله لسانك من أجمل وأجزل ماقرأت هنا .
ولايهون اخوي ابو عبدالله