اًفادهـ عاجله

[راعي فجر]

بسم الله الرحمن الرحيم

السلام عليكم ورحمة الله وبركاته


كيف حالكم يالرربع عساكم بخير

انا عندي مشكله مع سلوقي طلع نخل براسي هههه يالربع الي عنده حل يعطينياه ترا مابقى الا اطخه

المشكله اهده على جرابيع ياكلهن صرعته لدرجه خليت واحد من العيال يفرط عليه ولعنت خير خيره بهووز(لي) لين زرقة عيونه ولا فاد مع اني هديته اول مره واكل وصرعته وهديته مره ثانيه وصرعته وعنيد بشكل قوي لاحد يقولي اضرب لاني مابقى الا اخبطه بصدام الموتر

اهد السلق قدامه تصيد وتجيب الصيد ابيه يفهم حقن معيي!!!!!!


وش الحل وبارك الله فيكم

تقبلو مروري

[jwan]

لي بمداخلة لو سمحت
بصراحة اسلوبك في طرح الموضوع مرح جدا
وهذا يدل على روحك المرحة والطيبة
وجملة (طلع نخل براسي هههه يالربع ) ههههههههه اضحك الله سنك يا اخي
الصبر اصبر عليه ممكن يعطي نتيجة
موفق

[دنيا بلا معنى]

الله يعينك على بلواك لكن

جرب هده وهو شبعان

بعدين سؤال؟؟؟؟؟؟؟؟؟؟؟؟

لما تهده على ارنب ياكلها بعد او ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وتقبل مروري ...

[نفاج]

أذا صاد الجربوع قبل مياكله قل له فوق وبيجي يركب وخذه منه ومسح عليه وقله كلمات تحفزه وتشجعه ونشاء الله يفيد معه اللين أذا الضرب مفاد يمكن اللين يفيد وتقبل مروري

[راع حداء]

الله يكون بعينكـ واصبر عليه
ولا توكله اللحم الني ولا تبخل عليه

[صقار زعب]

يعطيك العافيه

[جن جون]

السلام عليكم
اخوي راعي فجر جرب اللي بقولك عليه
امسك كم جربوع في الليل واذا جاء الفجر امسكه جنبك وفك الجربوع وفك الكلاب عليه ويفضل يكون مربوط من ذيله علشان لا يبعد الجربوع وخله يشوف الكلاب تمسكه وبعد كذا رح عند الكلاب وخله يشوفها بعد ماتمسكه وفك الثاني ونفس الطريقه وبعدها فكه مع الكلاب واذا اكل الجربوع استعمل الخطه النوويه امسك جربوع وحط عليه ملح ولا شطه ولا صومطره وفكه لوحده وخله يطرد واتحداك اذا اكل الجربوع تحياتي لك جن جون

[qatar707]

انا عندي نفس المشكله اذا صاده حول عليه بعصا ولا نعالك الله يعز من يقرا واضربه وانت من بعد عشان يخليه وقله وجع الخلا ....

[راعي فجر]

اشكر جميع الاخوه على مشاركاتهم

والله يالربع كلامكم على العين والراس لكن الي عندي مصيبته مصيبه يمكن ماحد مر عليه سلوقي مثل الي عندي والله مافيه حل الا سويته طيب غصب خنق ترفس اغووله غوول ولا ينفع

يمسك الجربوع اقوله هاته هاته يهج اقوله اركب يهج ولا بعينه احد طلعت مقناص هو وسلقه على خزز بالنهار وطرحته السلقه حي ولا كسر ظهره رحت اركض ابخذه منها ويسبقني ملعون الخير وياخذه من فمها ويذبحه بغا ياكله لو ما امكنت عليه


الززبده عنيد مراة يفهم ومراة يتنك وش رايكم اطششه بالمحرقه ولا؟؟؟؟

[سلطان العوني]

حاول انك تربطه وتخليه فتره طويله مربوط
لين يطيح الحب اللي براسه

وعلاج الذيخ العبيط الحبل شبر في شبر لا تخليه يمشي خطوتين

[حادي العيس]

عقب اراء الاخوان .. ولانفع معه ..!
مابقى الا ان ترسله لمعتقل جونتاناموا ..

[جرة عقرب]

والله انا من رايي انك تهده وهو شبعان - واذا اكل الصيد اضربه واحرمه من الاكل لفتره معينه .. والله يكون في عونك .

[راعي شاحوف]

اخوووووي مساك الله بالخير ... هدددد اعصابك وترى الدعوووه بركاده وصدقني يمشي معك مضبوووط ... اما تهده وهو شبعان اكبر غلط يتفتق سلوووقيك ... ياطووويل العمررر اذا هديته على جربووع اول مايطرحه حده بالموووتر... لاتخليه ينحاش به من بعيد عنك حاول تديره بالموتر وتنزل عليه قبل يبلعه ... واذا بلعه الله يعينك تررركبه معك وتمشي طبلون الموتر وتدق بريك تخليه يسبقك قدام الموتر واسحب عليه وامش ... والسموحه على القصور والاطاله ...

[msh msh]

انا كانت عندي نفس المشكله وابعلمك وش سويت وطبق كلامي

اذا مسك الجربوع حاول تلحقه قبل ماياكله اسحبه منه واضرب راسه الين يفك الجربوع
اذا فكه فانت ماشي على الطريقه الصحيحه خذ الجربوع وشب النار واشو الجربوع ولا تشيل جلده ولاتشويه مره لحد الاستواء
وعطه ياكله وشف النتيجه ... اما الشطه والسومطرا لاتعطيه ياكلها لانها تجيب له مرض الجحام

واذا مافادت معه طريقتي الي قلتلك عليك بالخناقه

وشكراً

[هواي داورد]

حط على الجربوع ليموووووووووووووووووووووووووووووون واطلقه

ثم خل السلوقي يلحقها بيبلعه ثم بتشوف عيونه تدخل من الحموضة ههههههههه

لو تعطية ثلاث جرابيع علشان يتأكد ان بعد ذا الجرابيع مهوب مضحي ببطنه

والله يعلمه ويعطيك خيره ويكفيك شره

[شمري حايل]

السلام عليكم ورحمة الله و بركاته
يشرفني الانضمام اليكم ولكن اتمنى منكم ان تفيدوني وارجو ان تستفيدون مني ..

بالنسبه للأخوان اللي يقولون حط عليه شطه او ليمون انا اعتقد انه من اكبر الاخطاء حتى السلوقي بعدين ما يططرد الجربوع يعافه لكن الدبرة عندي و أنا أبو هندي ر؟؟؟؟!!!!
اركب بحوض ونيت واذا مسك جربوع اقمز عليه على طول وامسح على راسه و رقبته و اسحب الجربوع شوي شوي ...
و اذا هج الحقه واذا مسكته كسر ظهره تكسير وعليك بالتجويع تر زويان هو اللي ينفع به
ومعليش على الاطاله .

[راعي فجر]

يعطيكم العافيه جميعاً السلوقي انصرق الله لايرده فكه والي صرقه عني اذا ماتندم على صرقته يعاف يصرق مني سلق واشكر مجهودكم بارك الله فيكم

[@قرناص@]

,,

الاخوان جآبو مليون حلـ..

لاكن للآسف آعتبره غلط..!!>(علمآ آن مآلي بكلآب الصيد نهآئيآ)

ولاكن آنصحك بهاذه الطريقه!!

خل السلق يلحق الجربوع واذا مسكه ع طوول خذه منه وعطه آي لحمه يآكلها ..

وكذا كلـ ماصآد هات لحمه من برى وعطه

بيعرف ان اذا صآد مارآح يآكل لان بيجيه منك آكلـ,,


والحلول الاخوان آغلبها غلط وفيه اذيه..

مثل وضع ليمون ع الجربوع او..

اذا الكلب لحقها ومسكها وذآق طعمها وطلع مب زين ماعاد يلحقها ..

وبآلتوفيق

,,

[راعي فجر]

شكرا لك لكن السلوقي ماياكل اويشرب بعد مجهود لانك تبيه يركض ويصيد غلط انك توكله وقت القنص وبالذات وقت الركض