وش اخبار سوق الطيور

[ياعمار يانجد]

السلام عليكم ،
يالربع وش اخبار سوق الطيور في الرياض هل فيه حراج صبح الخميس .
وياليت كان احد زائره يعطينا فكرة عن أنواع الطيور اللي تجلب وعن اسعارها وهل يستاهل من يعني له .
تحياتي للجميع ،،،
أبو عبدالله .

[محمد الشامان]

وعليكم السلام
انا رحتله اليوم الخميس
السوق فيه شواهين الاسعار من الالف وفوق
والحرار بعد كثيره

[مدهـوش]

السوق طيب وفيه طيور طيبه.....
الشواهين الفروخ==من 1000 الى 3500 فروخ وحوش وبيتيه الطول 13.5 والعرض13 وفيه اللي حجمها كبير
اما الحرار فلها حراج اليوم طيب واسعار معقوله منها التام والوافي وفيها وحوش طيبه منها فروخ:
الادهم....الاشعل......قرناس جير ابيض.....وغيرها .,.,كل شبه عليها 4 طيور او 5 طيور من غير اللي جالبينه الصقاقيير...
هذا سوق اليوم الخميس17/10/1429هـ

وشكرآ....

[حريب الياس]

السوق بس الخميس او على مدار الاسبوع ؟ واين مكانه بالضبط؟؟ اسف دخلت على موضوع اخوي بهذا السؤال ارجو بان لا اكون قد سببت لك ازعاج


..

[ياعمار يانجد]

مشكورين ياجماعة ،،،
أخوي حريب الياس سوق الرياض للطيور موجود في الديرة وأنت جاي مع طريق الملك فهد وجهك جنوب امش لين مخرج قصر الحكم الصفاة اطلع معه ورح يسار تكون في طريق طارق بن زياد أول أشارة تجيك شف السوق على يسارك كم محل وحراجهم يوم الخميس صباحاً من الساعة سبع وفيها .
وحياك الله .
أبو عبد الله