المساعد الشخصي الرقمي

مشاهدة النسخة كاملة : وشوا ذا الصوووت (( سفاري Vtc ))


لبرتي
18/10/2008, 11:44 AM
السلام عليكم ورحمة الله وبركاتة

عندي فتك 2002

إذا شغلت المكيف يطلع صوت ويختفي تحت الدرج كأنه صوت (( بومه )):d

من كثر ما يطلع لي ذا الصوت ودي أحط قطع لحم لها وأسولف معها إذا طلعت من الدوام:d


أفيدوني يا رعاكم الله:)
alkongrs
18/10/2008, 11:49 AM
هذاااااااا ياطويل العمر صارت لزميل لي دخل موتره لصيانه لقى كومه وصخ داخله بوسط المكيف وشلون مدري

يمكن كيس داخل شي وانشالله اني افدتك بس الشباب ما يقصرون معك
سبع الصحراء
18/10/2008, 11:51 AM
هههههههههههههههههههه

اضحك الله سنك يا لبرتي

شوف يا الاخوا

تحت الدرج فيه مروحه شفط المكيف وبها لي ( خرطوش ) من المروحه لغرفة التبريد

من المحتمل عندك المروحه وصخه ويبيلها تنظيف لكن جرب في البداية أنك تفك الخرطوش وتنظفه وشغل المكيف بدون الخرطوش
يمكن يطلع معك أوراق وإلا مناطيل ناشبه بالمروحه او الخرطوش
بعد التنظيف رجع الخرطوش مكانه وشيك

هذا والله اعلم
أبوراشد
18/10/2008, 12:06 PM
طلع عندي الصوت بـgxr وقعد الموتر معي سنه وبعته وفيه الصوت
عادي يارجال أهم شي المكيف هو يبرّد

..
لبرتي
18/10/2008, 12:14 PM
أخواني
ولد العمدة & سبع الصحراء & أبو راشد

ألف شكر على الأفادة لكن مثل ما قلت لكم الصوت يخرش الواحد كل شوي ملتفت يمين أحس احد جنبي صرت إذا نزلت للبقالة أشتري لشخصين ههههههههههههه

بشيك عليه اليوم وأفيدكم وش يصير معي

جزاكم الله خير
ابوسعودد
18/10/2008, 01:03 PM
دخل يدك من تحت للمروحه وحاول انك تنظفها بيدك اولا قبل لاتسوي اي شي وحاول انك تحرك المروحه بيدك عشان تسمع اذا كان فيها شي
اكيد راح تلاقي مناديل او قراطيس او ريش اذا كنت راعي قنص
وانا انصح اي واحد ينظف اللي تحت رجلين الراكب اول باول واهم شي من المناديل والريش او اي شي خفيف يمكن انه يسحبه الهواء لان المكيف يسحب الهواء من تحت رجلين الراكب
تحياتي للجميع
adil33
18/10/2008, 01:32 PM
روح للكهربائي وبلغه يخرج لك بلف الثلاجه الخارجي من جهه الماكينه تلاقي على اليسار وانت واقف امام السيارة قريب من مثبت السرعه حق الماكينه واذا ما غيرته بعد فتره رايح يطلع لك نفس الصوت في الثلاجه الي بالدرج الاوسط بين المقعدين الاماميين وبعد فتره رايح يطلع لك صوت تحت باب السواق فارجو ان تتابع هذه البلوف فصوتها مزعج ومشكلتها العظمى انها في الاخير تهلك كمبرسور المكيف وتحتاج تغيره والله يوفق لك
abuktab
18/10/2008, 03:58 PM
مجرد ورقة او كيس صغير داخل بفلتر هواء المكيف ومكان الفلتر فوق الدرج

فك الدرج وتبي تلقاه وراه فكه وطلع اللي به بس


ذي مرتين تصير معي وأكثر شيء تصير مع الشخص اذا غسل موتره داخلي

لأنهم ينفخون داخلي الموتر من الرمل أ و أي شيء ثم يدخل أي شيء صغير من بلاسك او غيره

مرة لقيت كيس شفاط عصير ومرة ورقة صغيرة


فلا تتعب روحك وتخاف الامر جدا بسيط