المساعد الشخصي الرقمي

مشاهدة النسخة كاملة : الــــــفــــــزعـــــة


الممتاز
06/02/2004, 10:43 PM
السلام عليكم ورحمة الله وبركاته باختصار يا جماعة انا محتار ما ادري وش الجهاز الزين والله اني ما استغني عنكم بيض الله وجيهكم دلوني على الجهاز الطيب انا ذكرو لي (( ثري بلص)) وانا ودي آخذ رايكم بارك الله فيكم
العبقري
06/02/2004, 11:03 PM
الربع ان شاء الله مهب مقصرين ..
الحاتمي
07/02/2004, 01:34 AM
الغالي الممتاز..
ثري بلس ماجربته لكن واحد يمدحه لي
وانا صراحه عندي قارمن12 العربي له 3سنوات
وانا اكده ولا حافضت عليه لدرجة اني مره فكيت
البطاريات(الحجار) ولقيتهن مكربنات وعليهن طبقة
كربون مثل اللي تتكون على اصابع بطارية السياره.
واللي اذكر انهم اخذوه من اكثرمن5اشخاص لطلعاتهم
وماشي معي ولانقدت عليه بشي ابد وحجمه وسعره مناسب
وطريقة استخدامه سهله.
لكن الافضل تشغيله على ولاعة السياره حتى مايستهلك
بطاريات...
يعني قارمن12 ممتازيالممتاز.......
ابو ســــاره
07/02/2004, 03:36 AM
اخوي الممتاز وكلام الحاتمي على متمة وخاصة انه عربي بس الميزة الزينة بالثري بلاس انه فيه خريطة يعنى وانت حاط احداثية محل معين ومتجه لها تشوف بالخريطة وش الي حولك من مواقع وانت متجه لم محلك وعيبه انا ما يجي عربي .
سهيل واحد
07/02/2004, 04:05 PM
السلام عليكم ورحمة الله وبركاته ...

الاخ .. الممتاز .. و كلام الشباب على متمه انا لي مده استخدم قارمن 3 Plus وهو جيد جداً, لكن اذا ما عندك مانع تدفع حوالي 2400 ريال ..... فلا يفوتك قارمن (176c) . من بديت استخدم 176c وانا مثل اللي مبدل سيارته من موديل قديم (plus 3) الى موديل 2004 (176c).
مع إحترامي للي يملك ثري بلوس لكن انت تستشيرنا و تنشد " يا جماعة انا محتار ما ادري وش الجهاز الزين والله اني ما استغني عنكم بيض الله وجيهكم دلوني على الجهاز الطيب". وزي ما قلت لك اذا وضعك المادي يسمح لك إنك تشتريه (176c) فتوكل على الله وشرط ان تدعي لي كل ما استخدمته.

تحياتي للجميع.

والسلام ختام.
صقر
07/02/2004, 07:23 PM
الجهاز الزين ويستاهل المبلغ المدفوع فيه هو قارمن (176c)

واعتقد لو شريت اي جهاز أقل منه مواصفات ... راح يجيك يوم وتشتريه لأنه قمة والكشته مع هالجهاز لها طعم ثاني... اسأل مجرب.

وشكرا...
حد السيف
07/02/2004, 08:15 PM
اخوي الغالي
الممتاز
قارمن 176c افضل جهاز نزل حتى الان يطيب خاطرك وكنك راكب طيارة اذا انت مدخل احداثيات دار الموجة وحطيت محيطك 40 كيلو تشوف وش موجود من كل اتجاة يطربك وبس
المشكلة الوحيد مافية بالعربي منة




محبك اخيك
حد السيف
عبد الله الفايز
08/02/2004, 12:55 AM
لايفوتك 176c تراه لحاله مع خرايط السعلو يعتبر كشته اترك ثري وطقته خلاص راح وقتهن
الممتاز
08/02/2004, 06:46 PM
الاخوة الاعزاء العبقري والحاتمي وابوسارة وسهيل واحد وصقر وحد السيف وعبد الله الفايز اشكركم واحدا واحدا على تجاوبكم معي والحقيقة انا قلبتها يمين ويسار وعصرت المخبات وشريت C176 والحقيقة انه خيااااااااااااااااااااااال ويستاهل قيمته واكرر شكري الجزيل لكم والى لقاء