وش أركب مساعدات للهايلكس ؟؟

[شغموم ...]

السلام عليكم

كيف حال الشباب

ما اطول عليكم :)

انا معي هايلكس 2007

دفرنس

وفيه واحد من المساعدات الاماميه خرب ويبيله تغيير ..

طبعاً أنا مدبل مساعدات ومركب مرسدس ..:D

بس اللي خرب هو حق الوكاله اللي في وسط الياي ..

وش رايكم وش أركب ؟؟:confused:

واحد من الربع قال ركب منروا .. وش الراي ..


والسلام ..

[ياليل خبرني]

السلام عليكم...
اخوي انا انصحك تركب مساعدات جبرين

ولا استرالية الصفرا انا معي ددسن ومركب

جبرين وماشية معي زي الحلاوة

تحياتي لكــــ

[فهد بن مشبب العاصمي]

هلابيك يالغالي

اخوي .. فيه واحد بالرياض بالصناعيه القديمة اسمه مرات .. يركب مساعد مرسيدس بدال البلد حتى لو انك مدبل ..

تحياتي لك

[شغموم ...]

الله يعطيكم العافيه ..

بس الحين فيه منروا ولا مرسدس ولا جبرين ولا الاستراليه وش الأفضل والله احترت زياده ..!!


وشكرا ..

[برق برقان]

كان تبي شوري ركب النوع الزين وبس:D :D :D :D

[VTC48]

السلام عليكم يااخوي الغالي
انكانك تبي شوري استرالي
وبس ....
وتقبل مروري.................

[العامر101]

نصيحه بلا ترهيمات بلا خرابيك خصوصا المساعدات

ترى شد الوكاله افضل بكثير

والوكاله ابخص مني ومنك

[abo_Majed]

هلابيك يالغالي

اخوي .. فيه واحد بالرياض بالصناعيه القديمة اسمه مرات .. يركب مساعد مرسيدس بدال البلد حتى لو انك مدبل ..

تحياتي لك
صح لسانك ................

[ال بوجليع]

الله يعييينك

[هـدد]

كان تبي شوري ركب النوع الزين وبس:D :D :D :D


ههههههههههه
الله يوسع صدرك بالايمان

[هـدد]

نصيحه بلا ترهيمات بلا خرابيك خصوصا المساعدات

ترى شد الوكاله افضل بكثير

والوكاله ابخص مني ومنك

اخوي العامر انا معك ماحب الترهيمات والخرابيط والشغل الي ماله داعي
لكن المساعدات والكفرات
تختلف حسب الإستخدام في الطرقات أو حسب الحمولة

وأنا اشوف مساعدات جبرين الغاز مناسبة جداً

[العامر101]

اخوي العامر انا معك ماحب الترهيمات والخرابيط والشغل الي ماله داعي

لكن المساعدات والكفرات
تختلف حسب الإستخدام في الطرقات أو حسب الحمولة



وأنا اشوف مساعدات جبرين الغاز مناسبة جداً


انا معك في تغيير الكفرات الى كفارات كبار وطويله خصوصا في الهيلكس المديل الجديد لانه نازل جدا ويحتاج الى رفع با الكفارات وكفرات شد بلده صغيره جدا والموتر نازل جدا وادنى شي يضرب في اسفل السياره

لكن غيره يفتح الله

[شغموم ...]

كان تبي شوري ركب النوع الزين وبس:D :D :D :D

هههههههه:p

ايييييييه هذا الشور الزين ..

[شغموم ...]

شكككككككككككراً لكم ... على النصايح ..

والظاهر اني بتوكل على الله واغيرهن بكره بـ مرسدس ...


والله لا يحرمنا منكم ..

[البرحه]

بالنسبه لي

الافضل = الاسترالي

ثم مونورو

ثم جبريال

[احلى مزاج]

اخوي انتبه ترا المرسدس بلستين الي بالسوق اكثره مضروب
على طول ينفقع

[إعصار]

هلا بخوينا ..

المرسدس ينفقع على طول ..


نصيحة شف شي غيره ..

وعلمنا وش يصير معك ..

موفق يالغالي :)

[هـدد]

انا معك في تغيير الكفرات الى كفارات كبار وطويله خصوصا في الهيلكس المديل الجديد لانه نازل جدا ويحتاج الى رفع با الكفارات وكفرات شد بلده صغيره جدا والموتر نازل جدا وادنى شي يضرب في اسفل السياره

لكن غيره يفتح الله

أخوي اصبرلاتحكم بسرعة
جربت بشاص 50 كيس شعير شد بلد وبعد التضمين
جربت شاص بتوانكي وطبق وشراع وعفش شد بلد وبعد التضمين
طيب لاتبعد جرب هايلوكس حمله 150بلكة بمساعدات شد بلد
ولاتنزل البلك وغير المساعدات الأربع بجبرين غاز وجرب المطب نفس السيارة ، وأحكم .
إذا ماتغيرالمطب تراي ماعرف.
لك ولصاحب وللجميع تحياتي

[شغموم ...]

ياجماعه والله احترت

ودورت ما لقيت إلا مساعدات Vx.r ومرسدس بس ..

وبالنسبه الاستراليه مريت الرمايه وقالوا مافيه شي يركب على الدفرنس ..

والمنروا سألت راعي ورشه يمني في الصناعيه القديمه يقاله أبوعلي يقول المنروا ما تركب..

وش الراي ..؟

[امير الشغاميم]

ركب مساعدات جيب شروكي وغير الجنوط :D وركب حقت الوكالة ودمت في حفظ الله:good:

[شغموم ...]

ركب مساعدات جيب شروكي وغير الجنوط :D وركب حقت الوكالة ودمت في حفظ الله:good:
هلا والله بالعمده ..

هلا بأمير الشغاميم كلهم ..

وش جابك فيذا ملاحقني ..:p

المهم كلش الا جنوط الشروكي .. هههههههه:D

:j >> نشوتك على خير <<:j

[شغموم ...]

ابشركم الحمد لله ركبت مساعدات Vx.r


بس مشكلتها يابسه شوي

بس ولو الموتر طلع تمااااام ..


وشكراً لكم على الردود والتفاعل ..