ابي اعرف السلقه السبوق

[قناص ام وشاح]

انا ودي بسلقه لاكن ابي اعرف مواصفات السبوق عشان انقيه من بين الجراوه
الي عند واحد من الربع

[قناص حقل]

ياخوي بالنسبة لي انا لو في مكانك
اختار الاخير يقولوا هو احسن واحد فيهم

[Bin Khalaf]

ان شاء الله يفيدونا الخبراء

[نفاج]

الثانيه هي الأزين أنشاء الله

[ابو عناد999]

عد من 1 الى 10 وتوكل على الله

[العاديات]

الثاني احسن عشانه ينبح ويسمونه الكليه ولا مهب شرط انه ازين واللي يقول انا اقدر اطلع
ازين واحد بالجرى قله ماعندك سالفه احسن وصف اوكي لكن احسن فعل مالك لوا

[طلو]

انا اقول عندك الاربعه الاوائل لا تفوت منهن شي والله يوفقك

[قناص ام وشاح]

الله يهين الي استعبطوا ولا ردو رد عدل والله لا لا لا يهين الي ردو عدل

[رماع]

أنا مع اخوي طلو الاربعه الاوائل لا تفوتك
ملاحظه

شف اللي يبعد عن امه تراه انشا الله طيب لائنه بيطلع انشا الله جسور (مايخاف) والله اعلم

ويسمى على ما أظن (سم الارنب)

[خيال ابن خيال]

أنا نصيحتي مثل مانصحك طلو ويقولون بعد(اللي جسمه صغير هو اللي بيجيك سبوق والي جسمه أكبر شي مايصيد الفار)

[الشلفان]

الله يعطيكم العافيه على المعلومه

[ابوحمد 2009]

يالرجال الي تشووفه جازلك خذه ودربه على كيفك

[راكان الظاهري]

الموضوع هذا كثيرين االذين افتوا فيه فاختلفت الاراء فمنهم من قال افضلهم القلب وترتيبه على حسب ما سمعت ناس يقولون الثاني وناس يقولون الرابع
وناس قالوا السداده وترتيبه الاول وناس قالو الكلى وهم الي يجون تقريباا نفس اللون وكل واحد له وجهة نظر
لكن انا اعتبر التنقية بين الجراوة حظ لانني مره اخترت اول جرو وهو السداده ولكن فيما بعد طلع واالحمد الله افضل الجراوه
وبعد كذا اختار واحد من العياال عندما ولدت السلقة عنده السداده ولكن لم يطلع افضل الجراوه
لذا اعيد واكرر ان المسالة حظ لا اكثر ولا اقل
ااسف على الإطاالة واتمنى اني افدتك

[فتى دآورد]

يارجآآآآل خذ اللي يعجبك والتوفيق من الله ما أحد يحدد لك هذا فعل ولا لا بـس أقدر أقدم لك نصيحة شف اللي من بين الجروآة أكثرهن حركة وأخوآنه نايمين ويطققهن ويلآعبهن وهم نايمين وإذا كلهم قآيمين تلقآه لحاله نآيم وإن شاء الله أكون أفدتك والتوفيق من الله أكررها

[بدوي.]

انا اظم صوتي مع صوت طلو

[عاشق الكمب]

الاجبع نقول

[العسكري]

أخي الحبيب ... السبق سهم خفي .ولكن عليك بالجروه أوالجرو اللي قلبه حي ولا يخاف منك وجريئ واذا ناديته جاء يقلقص عند رجليك "أجلكم الله ", وهي تراها توافيق من الله . بارك الله فيك.

[طير بيروت]

الثاني والثالث فقط

[المقناص ولعه.]

واللــه ياخوك السبـق على ماقالو سهم خفي
لكن له مواري اي مميزات
شووف اطول ضهر بالجراوه
واصغر راس
حتى لو كان خامل ولا يلعب كثير
حدامت السلوقي من تدريبك له
حدامت= شراست السلوقي على الصيـد
هذااا رايي طال عمـرك
تحيـاتي

[liwaboy]

الربع يفيدونك

[liwaboy]

الربع يفيدونكك:p

[الــحـاكــمــ]

والله أنا عن نفسي لو بنقي في عيال سلقتي
باخذ الحرك ( كثير الحركه )
الطيب طيب من هو صغير
وأنت على راحتك , توكل على الله وخذ اللي تحس إنه
طيب والله يوفقك لأحسن واحد فيهن

[عاشق الكمب]

افادوك الاخوان

[الملك20]

السلام عليكم :

انا حسب خبرتي الاول اتركه لان فعله بايخ الثاني يسمى قلب ويكون
بإذن الله جزووم ولايخاف من الصيده ولو هي اكبر منه الثالث والرابع يسمى بالكليه وهو يكون سريع وطبعه حار على الصيد الخامس والسادس يسمى فقره ولا ادري وش فعلهن والأخير يسمى سداده وهذا يقولون انه احسن للسلاله
هذا اللي اعرف والله أعلم

[الملك20]

السلام عليكم :

انا حسب خبرتي الاول يسمى الراس لان راسه كبير وفعله يكون بايخ الثاني يسمى قلب وهذا فعله يكون طيب ويجزم على الصيده ولو هي اكبر منه ولا يخاف الثالث والرابع يسمى بالكليه وهذا فعله يكون حار على الصيده وسريع بالركض اما الخامس والسادس يسمى بالفقره ولا ادري وش فعلهن اما الاخير يسمي بالسداده وهذا يكون افضل للنسل .

هذا اللي اعرف والله اعلم وشكرا

[الذود العفر]

الدعوى حظ ونصيب والسبق سهمن خفي ..

التدريب يلعب الدور الاهم ,,