خرب في بيتنا

[رســــــلان الوجه]

اليوم وبحكم عضويتي في جمعية خيرية كان لنا اجتماع في هذه الجمعية بالقرية التي يقطن الوالد بها وأخواني وطلعت بعد انتهائي من الدوام مباشرة الى قريتي الاصلية التي تبعد عن المحافظة بحدود 200 كم من الساحل مالكم بالطويلة
سلمت على الاخوان والاهل وتقهويت وبعد القهوة قالوا اخواني احنا صايدين طير كبير :confused:
قالت وينه قالوا بالغرفة الفلانية قمت وناظرة الطير الا وهو خرب :confused:
يا ولد انت وياه كيف طاريحينه ( قالوا لقينا بالحوش بين الخيمة والجدار ) وشكله عطشان على العموم وبعد التحقيق مع الاخوان الثلاثة المتهمين بالقبض على الخرب وحسب مريائتهم بان الطير كان بالحوش وكان نظره للأعلى واتوا له بالماء ولم يشرب وتم واحد من اخواني بالاقتراب منه وكخ في وجه ورمى عليه بطانية وامسكة.
والخرب شكله مطرود من هيئة الرقابة والتحقيق ( صقر محلق فوقه )
المهم الخرب عندي معزز مكرم لينه افضى له بس يالربع وش اوكله علف طيور يعني شعير رز عادي
واخيراً الله يرزقكم الجميع طبعاً المكان بين محافظتي الوجه ـ العلا وشكراً

[طارق الحربي]

كلم اقرب صقار عندك خله يعلم عليه طيوره لان بالعاده مايطول ويموت


لك تحياتي

[شاص المقناص]

مشكور ياخوي مافيعه صور

[الجير الصافي]

شفنا في معرض بوظبي حاطين خرب ودجاجة بقفص وحاطين لهم دود وفيران عمرهم يوم واحد.
انصحك انك تحاول تجد اي وسيلة اتصال لمزارع انتاج الحبارة بالامارات وتسألهم عن طريقة العناية فيه السليمة.

[روووح]

اخوي الخرب اذا لم يكن تفريخ مزارع فهذا لا يعيش مع الانسان يعني لا ياكل ولا يشرب
ويمووت بعد اسبوع الى 10 ايام
فانا ابي نصحك
يا انك تذبحه وتاكله والا تترك احد يعلم طيوره عليه او انك تطلقه في البر

تقبل مروري

[أبومنصور]

شف لك احد اخوياك الصقارين
وخله يهد عليه
ولا لك الأ العلم الغانم
هذا ما يتأقلم معك لانه ليس تفريخ يالغالي
وكلامي من تجربه سابقه

[حامى الخبرا]

والله بما أنك عضو جمعيه خيريه أنصحك أتبرع فيه لطبيعه ......

[محمد الفهيد]

انا كنت في ايران العام
وشفت عندهم حباري لها 3 شهور
وكانوا يعطونها خيار (خـــيــار ) وأمورها طيبه
واذا بغيت فيران او ديدان بعطيك رقم مستشفى سويحان في ابوظبي وبيوفرونها لك

راسلني علالخاص اذا بغيت

تحياتي

[دباس 11]

ماظنتي أنه بياكل لكن أنا مره جيت محميه العرين
الي في البحرين وسألتهم وش يعطونها قالو أنهم
يخلطون لها ذره ناشفه مع خس ويحطون عليها شوي
لحم مفروم (والله العالم)صارت سندويش.ه
هههههههههههههههه
.جرب يمكن أنه ياكل
ولك تحياتي

[ط ي ر 001]

الله عطاك هـ الخرب

اما اذبحه وكله وعسى عافيته احلى من طعمه

والا ان كنت تعرف صقار خله يهد طيره عليها

[شبراق]

اخوي اسئل مجرب ولا تسئل طبيب الحبارى تعيش ماعنده مشكله اذا تهي له الجو الزين والمكان النظيف والاكل تاكل خس وخيار وكلش تلبه لا تخاف عليه وبعدين اذا منتب صقار ولا عنك طير شفلك احد صقار وعطه اياه اما الاكل ما انصحك فيه لانه مهناء ذاك الطعم الي تقول مايفوت

[يا لبيه]

تعشاها وعين من الله خير

[الطبشي]

حط له حب الحمص المعلب والسللطه الباقيه من البيت .......

[هواي داورد]

يرزق من يشاء بغير حساب



هالحين الصقارين على طول أشنابهم ماجابوها

وجابها ابو بطانيه ههههههههههههههههه

سبحان الله

وترى موب لازم يلحقها طير علشان تناظر فوق

كان عندي كروانتين متكسر جناحينهن ياكلن وروسهن في السماء

[SAKER]

افادوك الاخوة

[ذياب999]

والله يا مجرهد الليل ان بغيت لها السمنه عليك بالعدس تراه يينفخها

ولا الخضره الذره ولا الخس ولا الخيار

واذا ما بغت طقها بالبرقع وزططها غصب (افتح حلقها بيدك ودف العدس باصبعك)
وعليك بالماء بس لا تبطي عليها شف لك احد يعلم عليها

اتمنى ان اكون قد افدتك


تحياتي
اخوك/ذياب

[DARK2]

السلام عليكم .. الحبارة تعيش ماعندها اي مشكلة واكلها حب الحمص والخس واهم شي الجرجير .. واذا تهيئأ لها الجو المناسب ترى تعمر وتعيش الحبارة وهذا من صاحب خبرة

[رســــــلان الوجه]

الله لا يهينكم ويجزاكم الف خير
بس اتعبنا بالشهيق والزفير ههههههههههههه ينفخ بريشه

[فتى باريس نجد]

اخوي مالك بالطويلة بعتلي 1500
وين موقعك

[رســــــلان الوجه]

من جدك انت ليه قيمتها بالسوووق كم ؟

[رآعي آلبآترول]

خذ العلم الي مايحتاج :)

اشتر لك علف اراسكو مكعبات حقت الطيور وحطه في قفص مضلم نوعا ما

وانطل عليه فساسي وسحالي ولا راح يموت ابد

[محمد الحويطي]

اخوي مجرهد اجيك واخذها منك لان عندنا طيور بنعلمها عليه
اتصل على وبنتفاهم
بعد اذن المشرفين
0505105405

[رســــــلان الوجه]

الاخوان اللي ارسلوا على الخاص ( الله لا يهينكم ) والله ودي انا كل واحد ارد عليه برسالة خاصة ولكن قوانين المنتدى تفرض عدم الارسال الا بعد خمسين مشاركة المهم اللي طلبوني الخرب اكثر من 15 رسالة خاصة جتني والله العظيم اني مستحي منكم واحد واحد
ووووو لكن انا عندي حل يأهل الصقور ( حكيم الاخ )
1ـ نتفق لنا بمكان
2ـ ازهموا طيوركم وانا بطير الخرب واللي يطرحه من نصيبه ( وبكذا اكون ارض الجميع ) ( مزحه )

والله يرزقكم ويرزقنا من واسع فضله

[E7saas]

ويرزق من يشاء بغير حسااااب

الصقارين ما تركوا شي يطاردونها

وهي جاتك برجولها