يا أهل الفنجال وعلوم الرجال .. نبي نضبط قهوتنا ؟!!

[مطلع]

سلام يليق باعضاء مكشات القروم .. السلام عليكم ورحمة الله وبركاته

ناوي اشتري دله وابريق .. ومحتاج توجيه منكم ..

بحثت عن افضل دله في المنتدى .. وقد اجمع الجميع على ان دلة العساف هي افضل الموجود

وذكروها في شارع السبالة .. وكان الموضوع قديم ..

السؤال .. اين هو شارع السبالة في ا لرياض .. أو .. اين اجد دلة العساف .. مع العلم اني في شمال الرياض ؟

ايضا .. اين اجد الاباريق .. واخص الاباريق المعدنية الهندية ؟

وهل يلزم قمقوم ( مفواح للقهوة ) جيد .. ام ان كل قمقوم يفي بالغرض ؟

هذا ولكم مني كل الشكر والتقدير مسبقا

[سرهيد]

السلام عليكم

طبعا الجميع اجمع على العساف ، لانها استيل ، والهدف انها ما تهجر جعلك تسلم

عليك بالبيضاء واقصد النيكل لانه ما تقلب ، والصفراء تقلب

يمكن تجدها عن السيف في ابن دايل ، حول الافتاء بالضبط او في نهاية طريق الملك فهد وانت باتجاه الجنوب قبل كبري عتيقية تجيك على يمين

وكذلك يمكن تلقاه عند بعض محلات المواعين في اسواق العويس في الشمال

بالنسبة للبريق ، الربع يمدحون الكوري لكن انا مجرب الاصفر حق البوفيات ولكن بشرط الكوري جربه وبتشوف

مع ان الاستيل لك وللزمن بس انا عني راق لي الاصفر

بالنسبة للقهوة اكيد تبي لها مفواح على قولتك وعليك بالاستيل واي نوع

تقبل احترامي

[سيف الظفير]

يالذيب مر على برق الحيـــــــــــــا مخرج 15

[العاااازف]

بخصوص الفواح لا اوصيك الا ببوتاااج
والدله مالك غنى عن العساف اذا لك مزااااج
وبالنسبة للشاي عندي الاصفر على قول ابوعبدالله وواحد ثاني والله مادري وش اسمة(بس له شخاال) للشاي الفرررط لاني من معجبييين هذا الشاي
اما الشغل فهو علييك بالذيب

[مطلع]

السلام عليكم

طبعا الجميع اجمع على العساف ، لانها استيل ، والهدف انها ما تهجر جعلك تسلم

عليك بالبيضاء واقصد النيكل لانه ما تقلب ، والصفراء تقلب

يمكن تجدها عن السيف في ابن دايل ، حول الافتاء بالضبط او في نهاية طريق الملك فهد وانت باتجاه الجنوب قبل كبري عتيقية تجيك على يمين

وكذلك يمكن تلقاه عند بعض محلات المواعين في اسواق العويس في الشمال

بالنسبة للبريق ، الربع يمدحون الكوري لكن انا مجرب الاصفر حق البوفيات ولكن بشرط الكوري جربه وبتشوف

مع ان الاستيل لك وللزمن بس انا عني راق لي الاصفر

بالنسبة للقهوة اكيد تبي لها مفواح على قولتك وعليك بالاستيل واي نوع

تقبل احترامي

كفيت ووفيت يالقرم .. بمر سوق بن دايل والعويس اليوم .. عسى ربي يكتب الخيره

مشكور

[مطلع]

يالذيب مر على برق الحيـــــــــــــا مخرج 15

برق الحيا مالي غنى عنه .. بمره ان لزم الأمر .. وعساك على القوه يالظفيري

[مطلع]

بخصوص الفواح لا اوصيك الا ببوتاااج
والدله مالك غنى عن العساف اذا لك مزااااج
وبالنسبة للشاي عندي الاصفر على قول ابوعبدالله وواحد ثاني والله مادري وش اسمة(بس له شخاال) للشاي الفرررط لاني من معجبييين هذا الشاي
اما الشغل فهو علييك بالذيب

هلا والله بالعازف ..

التاج وينهو مطبوع .. هو مجرد تاج عادي ( شكل تاج ) والا مكتوب عليه ابو تاج ؟

والله يعطيك العافيه على الرد .. الف شكر