الفزعة يالطواريح عندنا حر مايقبض وش الدبره

[الحوت_قطر]

ابي رايكم في طريقة لطرح الحرار علما بان الطريقة الوحيدة المتاحة هي الكوخه لانه عندي كواويخ يمر عليهم الحر ولا يقبض لا الحمامه ولا الشرياص وقته الصبح الساعة 7 تقريبا .والمنطقة هي عبارة عن جزيرة واليوم مر على اثنين و امس على واحد علموني وش الدبره
والمتاح بس اللي ذكرته الحمامه والشرياص

علما بان الكواويخ يجلسون من بعد صلاه الفجر الى الساعة 1
ومايجلسون بعد الظهر
و انا رايي يمكن بعد الظهر يكون افضل والراي لكم

[الطبشي]

والله انا اشوفها من الفجر الى مغيب الشمس والله يجيب الخير للجميع ........

[VT 4800]

جرب القطا ينفع انشالله وحط فيها ثقل تقبل مروري

[رســــــلان الوجه]

اللهم ارزق جميع الطواريح
اخوووووي اذا الطير يوقع ويبيت في الجزيرة لغم له الموقع ويفضل الفجر الباكر ( يعني حط له كذا شبك في كذا موقع ) ( ونوع له الطيور يعني حمام ـ سمانه ـ حجل ـ قمري ) وللمعلومية فان الطير الحر اذا شفته في موقوع ما حايم فانه يبطي في هذا الموقع والله العالم

[طهطام]

ان كان فيه حوم واجد حاول تبعده عن الحوم وان شاء الله بيهد

[صقر الرحيبة]

حياك الله اخوي

اريد اسألك هل يمسح ولايطيع يمسك الحمامة

اذا كان يمسح فدبارته سهلة ((انصبله شبكة راصور//نابض// اذاكانت موجودة لديك ))
واذا ماعندك انصبله شبكة هوا واذا ما عندك سويله نكل ((تعلوق)) او خذله قطا

او اي طير ملون يكون صغير يلفت نظر الطير

وانشالله تتوفق

[بوخالد الكعبي]

انصحك بالفريه يالغالي تراها انتزل الطيوور

[سيف الظفير]

طرح الحرار يبيلها يالذيب وقت وقوة باس على الانتظار في الكوخ


وفالكم يا الذيب الحرار الندر

[احمد سعيد]

ياخوي استخدم القمري يرغبهة الطير لو حتى كان الطير عالف وربط بالقمري عتالة يعني خيط بطول نص متر وبرغي حجم 10 واذا كانت فيهة شبكة يكون احسن والقطا ممتاز واذا كان الطير جرناس يرغب الكدري هذه شبه القطا ويكون لونها اصفر بشكار يحبهة اكثر من القطا وسلامي ان شاء الله الطير الأبيض الجرناس

[راعي ذياب]

اخوي جرب الجربوع ترى مرغوب حتى وهوعالف اوفك شرياص فيه نقل يكون فيه خيط طويل اوفك حمامه طلق فيها شبكا منتوف منها ارغب كل هذا مجرب انا اطرح طيور الله يرزقك

[الــنــشــمــي]

ترى القطا يموت عليها الحر مشهودلها

[رامي 2009]

السلام عليكم -- الاخوان ماقصرو بتعليماتهم بس انا رايي انك تجهز له سمانا بريه يعني تطير وشبكها وجهز طراتك هذه افضل وسيله لطير اللي مايهد حتى ولو هو حايم ينزل على الفري الطائر 000 او جربوع فيه ثقاله وتكون خفيفه يقدر يقفز الجبروع ويمشي 00 اذا كان معبر الطير يومي وتشوفه يمر عليك 00 اما حمامه ونقل يمكن مايهد الطير 00 تحياااتي للجميع