أبو فهد العيد
20/10/2008, 01:41 PM
السلام عليكم ورحمة الله وبركاته,,
هذي مجاراة,,لقصيدة شاعر مكشات الشاعر الكبير: ابو عبد الله((يوسف الخليفه)) في السفاري’’
واللي اتشرف باني اجاريه بالقصيده,,ولواني لست اهلاً لذلك,,
جيـبـي سـفـاري وافتـخر بالسفــاري *** خص اللذي سبعه وتسعين قــيره
لــونـه كـما لون العشـب بـالبــراري *** ومكيـفـين وجركـلً فـي سـبــيـره
يـامـا عـلـى مـتـنـه نبوج الصحاري *** في خايعً غـب المـطـر مـسـتثـيره
ويـامـا عـلـى مـتـنه نحوز الحـباري *** ونتبع جرايرهن بعلم وبصيـــــره
وليـا فـقـع خربً سريـع الـمـطـاري *** اخذت عن حرً عيونه كـــشـيره
حــرً وجـفـنـه قـادحً بـالشـــــراري *** طـرح الـخـلا ماهـو مهجن بجيره
هجرً كراعه واشقر الريش عـــاري *** لـحـاق خـرشـاً طـايـره مسـتذيـره
يـامـاحـلا نـتـف الـغـلـب بـالخباري *** في فيـضـة خضرا تسر النـظـيره
والـنـار شـبـت فـي جروم السماري *** شـبّــت شـيوخً مـاتـعـرف النـكيره
ربعـي صـقـورً وافيـات الــمـواري *** اولاد وايـل حـاكـمـين الـجـزيـــره
ومعيـه قـرومً عـارفيـن الـمـسـاري *** سـمـحـيـن الاريا صافيين السريره
اهـل الـوفـا والطيب فيهم اجبــاري *** واهـل الـعـقـول الراجحات الكبـيره
شـرواك يـايوسف وشروا الخـياري *** اهـل الـمـوده والـوجـيـه السـفـيـره
تـمــت وصـلـو عـد رمـل الـذواري *** على اللذي زاح الـجـهل والشريره
هذي مجاراة,,لقصيدة شاعر مكشات الشاعر الكبير: ابو عبد الله((يوسف الخليفه)) في السفاري’’
واللي اتشرف باني اجاريه بالقصيده,,ولواني لست اهلاً لذلك,,
جيـبـي سـفـاري وافتـخر بالسفــاري *** خص اللذي سبعه وتسعين قــيره
لــونـه كـما لون العشـب بـالبــراري *** ومكيـفـين وجركـلً فـي سـبــيـره
يـامـا عـلـى مـتـنـه نبوج الصحاري *** في خايعً غـب المـطـر مـسـتثـيره
ويـامـا عـلـى مـتـنه نحوز الحـباري *** ونتبع جرايرهن بعلم وبصيـــــره
وليـا فـقـع خربً سريـع الـمـطـاري *** اخذت عن حرً عيونه كـــشـيره
حــرً وجـفـنـه قـادحً بـالشـــــراري *** طـرح الـخـلا ماهـو مهجن بجيره
هجرً كراعه واشقر الريش عـــاري *** لـحـاق خـرشـاً طـايـره مسـتذيـره
يـامـاحـلا نـتـف الـغـلـب بـالخباري *** في فيـضـة خضرا تسر النـظـيره
والـنـار شـبـت فـي جروم السماري *** شـبّــت شـيوخً مـاتـعـرف النـكيره
ربعـي صـقـورً وافيـات الــمـواري *** اولاد وايـل حـاكـمـين الـجـزيـــره
ومعيـه قـرومً عـارفيـن الـمـسـاري *** سـمـحـيـن الاريا صافيين السريره
اهـل الـوفـا والطيب فيهم اجبــاري *** واهـل الـعـقـول الراجحات الكبـيره
شـرواك يـايوسف وشروا الخـياري *** اهـل الـمـوده والـوجـيـه السـفـيـره
تـمــت وصـلـو عـد رمـل الـذواري *** على اللذي زاح الـجـهل والشريره