يوسف الخليفة1
20/10/2008, 09:01 PM
من عصر ابا القاسم وحنا على جهاد=يومن يميل الحال ويومن كسيبه
في ساعة العسره ضمت فيها الاكباد=حتى النبي ذاق الحياة العصيبه
يطوي على بطنه من الجوع مشداد=خلا الحجر يثبت عليه ولهيبه
اقفى عن الدنيا ولا اشتف من زاد=ما غير دقل التمر جاع ورضيبه
وقد جرب الصديق شطاتن شداد=مرت عليه من الصدوف الصعيبه
وادرك بها الفاروق حزات الانكاد=ساعة غدر عقب الحياة التعيبه
طعنة مجوسي سدده بعد مرصاد=صارت على اهل الخير حزن ومصيبه
وعثمان من بعده قرا قافن وصاد=صابر على الاقدار مما ابتليبه
خرج عليه من المقاريد حساد=فكرن حمل معناه شكن وريبه
وعقبه علي واجه فتاين وملهاد=سرا عن الدنيا عقب ما شقيبه
ودارت رحى الايام قومات وارقاد=وقتن به الاحزان وحزه طريبه
لما تناما جانب الشر وازداد=مثل النمل لروح دسم في دبيبه
ان زلت الفتنه تجي مثلها جداد=ليله سكون الحال وليله رهيبه
صارت حياتن تجمع اشراك والحاد=وقومن ترزم بالعوالي صليبه
وش عاد لو عمر البشر طول مداد=نوبات زود الوقت غبنن وخيبه
وش حيلة المومن مع ربوع الاجواد=اذا المعاصي صار يلعي ضريبه
حتى الشجر مالت على القاع رجاد=طاح الورق يابس بضفة شعيبه
تشلبت اقصاها عناكيب واقراد=تومي مع الارياح عقب المعيبه
ما بالخلا طرشن ولا فيه وراد=ما غير خطو الفار واكفوف ذيبه
حمر الزوابع تلتوي فوق الانفاد=تجمع قشاش البيد قشرا غضيبه
يالله عسى وسمن مضى خيره يعاد=واتربع الاوطان ويصفق جذيبه
تقبل مزونه كالمجاهيم الاذواد=يقعد ثمان شهور سيلن صبيبه
يفرح به العساس مع كل صياد=يبني سنام البل ويكثر حليبه
( يوسف الخليفة )
في ساعة العسره ضمت فيها الاكباد=حتى النبي ذاق الحياة العصيبه
يطوي على بطنه من الجوع مشداد=خلا الحجر يثبت عليه ولهيبه
اقفى عن الدنيا ولا اشتف من زاد=ما غير دقل التمر جاع ورضيبه
وقد جرب الصديق شطاتن شداد=مرت عليه من الصدوف الصعيبه
وادرك بها الفاروق حزات الانكاد=ساعة غدر عقب الحياة التعيبه
طعنة مجوسي سدده بعد مرصاد=صارت على اهل الخير حزن ومصيبه
وعثمان من بعده قرا قافن وصاد=صابر على الاقدار مما ابتليبه
خرج عليه من المقاريد حساد=فكرن حمل معناه شكن وريبه
وعقبه علي واجه فتاين وملهاد=سرا عن الدنيا عقب ما شقيبه
ودارت رحى الايام قومات وارقاد=وقتن به الاحزان وحزه طريبه
لما تناما جانب الشر وازداد=مثل النمل لروح دسم في دبيبه
ان زلت الفتنه تجي مثلها جداد=ليله سكون الحال وليله رهيبه
صارت حياتن تجمع اشراك والحاد=وقومن ترزم بالعوالي صليبه
وش عاد لو عمر البشر طول مداد=نوبات زود الوقت غبنن وخيبه
وش حيلة المومن مع ربوع الاجواد=اذا المعاصي صار يلعي ضريبه
حتى الشجر مالت على القاع رجاد=طاح الورق يابس بضفة شعيبه
تشلبت اقصاها عناكيب واقراد=تومي مع الارياح عقب المعيبه
ما بالخلا طرشن ولا فيه وراد=ما غير خطو الفار واكفوف ذيبه
حمر الزوابع تلتوي فوق الانفاد=تجمع قشاش البيد قشرا غضيبه
يالله عسى وسمن مضى خيره يعاد=واتربع الاوطان ويصفق جذيبه
تقبل مزونه كالمجاهيم الاذواد=يقعد ثمان شهور سيلن صبيبه
يفرح به العساس مع كل صياد=يبني سنام البل ويكثر حليبه
( يوسف الخليفة )