ياأهل الطيور ياأهل الفعل الغانم... سؤاااال؟؟

[لعيونهاالسود]

السلام عليكم ورحمة الله وبركاته


تحية طيبة اخواني الكرام... أبي فزعتكم... لكن قبل طلب الفزعة بقول لكم قصة تهمكم ياأهل الصقور اللي تنومس أهلها...
إليكم القصة:-


أنا من هواة الصيد والمولعين به... أبحث عن الصيد يمنتا ويسرة وهذا شقا لكن وش أسوي فتق بالقلب.. الصيد متعة وعلم غانم ونوماس ويبعدك عن غثا الناس والدنيا... لكني ماني صقار؟؟ صيدتي يرزقني الله فيها بأصبعي وعيني ولله الحمد... المهم في موسم العام الماضي موسم الحباري وأنا قانص الحقيقة ماأبعدت عن مقر إقامتي رزقني الله بحباري ثنتين لقيتهن ملابيد وكل وحدة شوي عن الثانية المهم رميت وحدة وجابها الله... والثانية يوم جيت برميها وقبل لاأرميها شفت راعي جيب بعيد شوي عني... قلت خل أشوف الرجال يمكن معه طير دربلت عليه وفعلا طلع معه طير ورحت يمه وعلمته بمكان الحبارى والحمدلله هد الرجال طيره وجابها وفعله غانم قال الحبارى هذي لك وحلفت أنا قلت صيدي معي وصيدك معك؟؟؟



وهلحين ياأهل الصقور أبي فزعتكم... أنا لقيت طير فرخ والله العالم إنها شيهانه وأبي أشبكها أنا معي شبكة وأعرف أثبتها على الحمامة لكن ياليت تعلموني كيف الطريقة وهل تحتاج نوع من الحمام معين وإلا أي حمامه...
الفزعة يالربع أبي الطريقة بالتفصيل الممل؟؟؟؟




وكل الشكر لكم تقبلوووو تحيات أخووووووكم يااااااااااسر

[خالد ماغير]

علمك غانم يفيدونك الاخوان مايقصرون ان شاء الله.

[الاشعل 316]

علمك غانم

وعلى الشيهانه ترا اغلب الشياهين ما ترغب الحمام عليك بالجرابيع او الفري السمن او العصافير

وتمسي عندها بالليل وبعد ما يشق النو بقليل اعليك بتوزيع الشبوك

وبأذن الله بتطرحها وفي طريقه ثانيه وهي بالشرياس او الشبوط عليك بذبح عصفور او جربوع او فري وعليك

بشبكها في رجل الشبوط وبأذن الله سوف تطرحها ولا تنسى انك تضح ثقل في الشبكه تربطها في حبل طويل

ولك مني جزيل الشكر




اخوك ابو سطام

[لعيونهاالسود]

علمك غانم يفيدونك الاخوان مايقصرون ان شاء الله.




بيض الله وجهك وماقصرت ومشكووووووووور على مرورك

[لعيونهاالسود]

علمك غانم

وعلى الشيهانه ترا اغلب الشياهين ما ترغب الحمام عليك بالجرابيع او الفري السمن او العصافير

وتمسي عندها بالليل وبعد ما يشق النو بقليل اعليك بتوزيع الشبوك

وبأذن الله بتطرحها وفي طريقه ثانيه وهي بالشرياس او الشبوط عليك بذبح عصفور او جربوع او فري وعليك

بشبكها في رجل الشبوط وبأذن الله سوف تطرحها ولا تنسى انك تضح ثقل في الشبكه تربطها في حبل طويل

ولك مني جزيل الشكر




اخوك ابو سطام





وعلمك الغانم ياأبو سطام::



لكن ماعليش أنا والله ماأعرف الشرياس والشبوط ياليت توضح أكثر... وياليت ولا عليك أمر تعطيني الطريقة الزينة بالتفصيل الله لايهينك... اليوم رحت ولقيتها لكن عجزت لاأقربها تطير من بعيد... ومعها صيدتها...


وبيض الله وجهك على ردك ياأبو سطام

[راعي ذياب]

اخوي اذا الطيره تطير من بعيدخذ حمامه نشيطه ونتف منها وركب الشبكه وفكها اوخذ حمامه نشيطه وركب الشبكه وسكر عيون الحمامه بتيب وفكه سلم وانشاءالله يرزقك الله

[رويلي وافتخر]

الشرياص اخوي هو مايسمى بالشمال الباشك والشبوط نفس الاسم شبوط وترا الرجال عطاك الراي الصايب

[الباتريوت]

يارب الله يرزقك انشالله مدامك اخوي ماعندك خبرة أستعن بأحد الطواريح وتقاسم معه الرزق اللي بيجيكم
وترا علي فكرة موجوديين بكثرة لو بغيت استعن موجوديين بالحفر والنعيرية والخفجي وربنا يرزقك بها انشاالله

[الــنــشــمــي]

القمريه والسمانه احسن من الحمامه ويرعبها الطير بس لازم تحط ثقاله

[العمشاني]

هو صادق القمريه والسمانه احسن من الحمامه والله يرزقك