مشكلة في قير الهايلوكس

[القصبي]

السلام عليكم
عندي هايلكس المهم اذا حطيتة بالخامس على طول يفضي من نفسة يعني اذا صرت مسافر انسى تحطة بالخامس ماادري لية ؟؟
والخراب الثاني الكلتش بعض المرات تلقاني معشق النمرة بواحد وراص الكلتش ووفجاة يتحرك السيارة ولو اني راض رجلي مرة في الكلتش ماهو الحل ؟؟

[مرسال1]

كم موديل موترك ؟

[أبو يوسف]

ما أعرف الحل لسيارتك لكن تحضرني قصة قديمة
كان عند أحد أخوالي سيارة رانج 92 على ما أذكر، وكان ما يقدر يحطها بالثالث ولا بالخامس، وراح للصناعية اللي يقول نفك القير ونعلمك واللي يقول لازم تغيير ترس، المهم هو كان طالب وحالته المادية ما تسمح بضرب مبلغ كبير
دخلها للحوش وبدا ما يستعملها ، ومرة مسكت معه يفك الديكورات وينظف السيارة ، وأخذ له لفه بالسيارة (طبعا فك الديكور عن القير وكذلك القماش اللي حول القير) وراحت المشكلة
أثاريه لما لبس السيارة شدوا القماش بشكل غير متوازن ، وصار القماش يشد القير إذا صار بالنمرة الفوقية ويرجع على طول
الغرض من القصة أن السبب قد يكون بسيطاً فلا تستعجل وتقبل بكلام أول ميكانيكي واهتم أولا بالقناعة ، أي لازم تقتنع بكلامه ويكون كلامه وجيه وليس على حكمة أعط الخباز خبزه، لأن ميكانيكيي الورش لاهم أذكياء ولا أهل خبرة ودراية ولكن يتعلمون بالمحاولة والخطأ
تحيتي لك

[مسفر الاكلبي]

مشكلة سيارتك في القير

يمكن دزق وكلتش ويمكن ترس الخامس

وقير الهاي لكس ما يبيله ساعتين وهو خالص

[الثويرات]

بخصوص القير او التفضيه- لازم ينزل القير ويكشف عليه

بخصوص الكلتش

عندك احد الخيارين

الصلاح خربان حق العلبه.

او

شف الميزانيه الي عند الدعسه الكلتش تحت الديكور تبغا وزن شوي

لانك لو تلاحظ انك اول ماترجع رجلك عن الكلتش على طول يمشي موترك..

[القصبي]

كم موديل موترك ؟
97 موديل السيارة

[القصبي]

بخصوص القير او التفضيه- لازم ينزل القير ويكشف عليه

بخصوص الكلتش

عندك احد الخيارين

الصلاح خربان حق العلبه.

او

شف الميزانيه الي عند الدعسه الكلتش تحت الديكور تبغا وزن شوي

لانك لو تلاحظ انك اول ماترجع رجلك عن الكلتش على طول يمشي موترك..


ماشاء الله عليك فعلا اذا رجعت رجلي عن الكلتش على طول يمشي الموتر
المشكلة وهقني في الزحمات شوي وأصدم على العموم عافاكم الله وغفر الله لوالدينكم

[القصبي]

مشكلة سيارتك في القير

يمكن دزق وكلتش ويمكن ترس الخامس

وقير الهاي لكس ما يبيله ساعتين وهو خالص


احتمال كبير ان الدزق طيب سؤال هذا هو بين
وش اللي يخرب الدزق هل مثلا لو ارص الكلتش وان داعس بنزين هذا الي يخربة مع العلم ان الموتر لخوي مو لي واشكرك مقدما على الوقفة معاي

[القصبي]

ما أعرف الحل لسيارتك لكن تحضرني قصة قديمة
كان عند أحد أخوالي سيارة رانج 92 على ما أذكر، وكان ما يقدر يحطها بالثالث ولا بالخامس، وراح للصناعية اللي يقول نفك القير ونعلمك واللي يقول لازم تغيير ترس، المهم هو كان طالب وحالته المادية ما تسمح بضرب مبلغ كبير
دخلها للحوش وبدا ما يستعملها ، ومرة مسكت معه يفك الديكورات وينظف السيارة ، وأخذ له لفه بالسيارة (طبعا فك الديكور عن القير وكذلك القماش اللي حول القير) وراحت المشكلة
أثاريه لما لبس السيارة شدوا القماش بشكل غير متوازن ، وصار القماش يشد القير إذا صار بالنمرة الفوقية ويرجع على طول
الغرض من القصة أن السبب قد يكون بسيطاً فلا تستعجل وتقبل بكلام أول ميكانيكي واهتم أولا بالقناعة ، أي لازم تقتنع بكلامه ويكون كلامه وجيه وليس على حكمة أعط الخباز خبزه، لأن ميكانيكيي الورش لاهم أذكياء ولا أهل خبرة ودراية ولكن يتعلمون بالمحاولة والخطأ
تحيتي لك
شكرا لك يرجال انا ادور على الصناعية امر على 100 ورشة بس المشكلة اذا قال لك انا ماادري خلني افك القير واعلمك بالخلل عاد يقدر يغلي عليك ويقدر يسوي كل شي عليك لان موترك خربان ماتقدر تحركة

[صياد وعلووول]

اخوي بالنسبة للقير والنمرة 5 الترس مضروب يعني لازم تغير ترس وتوظيب من جديد

يعني اشتر قير احسن لك

والكلتش يمشي وانت ظاغط عليه فالمشكلة بالاصلاح والدسك (الدزق) سلييييييم
لانةاذا كان خربان تحمل الموتر كلتش بدون ما تدعس علية

واذا كنت طفرررررررران

صلح الاصلاح واشتر جلبة ب20 ريال لعصى القير

تسلك امورك اسبوعين

اتنمى اني افدتك

[aaa3]

صار معي في هايلكس موديل 98 غيرت ترس خامس وضبطت الأمور والحمد لله

[القصبي]

ابشركم زا خراب الكلتش غيرنا علبة الزين الكلتش ب 145 ريال مع شغل يد ب 40 ريال وانتهينا
بقى القير بعد كم يو ان شاء الله نزينة
عافاكم الله على اللي وقفو معي في ازمتي

[القصبي]

اخوي بالنسبة للقير والنمرة 5 الترس مضروب يعني لازم تغير ترس وتوظيب من جديد

يعني اشتر قير احسن لك

والكلتش يمشي وانت ظاغط عليه فالمشكلة بالاصلاح والدسك (الدزق) سلييييييم
لانةاذا كان خربان تحمل الموتر كلتش بدون ما تدعس علية

واذا كنت طفرررررررران

صلح الاصلاح واشتر جلبة ب20 ريال لعصى القير

تسلك امورك اسبوعين

اتنمى اني افدتك


السلام عليكم وشو الاصلاح ترى دايم اسمع بة ولااعرفة
ثاني شي لية ااشتري جلبة العصا ماهو السبب ترى سؤالي للفائدة موب للتحدي

[صقر عتيبيه]

ما قصرو الشباب

[القصبي]

صار معي في هايلكس موديل 98 غيرت ترس خامس وضبطت الأمور والحمد لله
هلا بالغالي يعني اروح للمحل واقول لة بالله عليك عطني ترس خامس حق القير هذا اسمة كذا وبكم سعرة

[القصبي]

الله يعافيهم كلن باسمة ماقصرتو انا اشهد