رحلتنا الى ((الزعبيه والزقله وعيوج والبسيتينات))

[العنكبوت]

بسم الله الرحمن الرحيم

بدايه الرحله قبل العيد كانت العصر من المجمعه حيث تجمعنا حنا والربع الي من
القصيم والي من حايل والي من الرياض واتجهنا الا الارطاويه على نيه مواقع هناك
ومع السواليف بالجهاز والضحتس ((مبطين عن بعض)) يوم وازينا الارطاويه
قلنا لااا خلو ناصل الحفر ازين وكملنا المسير الا ماوصلنا الحفر وكان الجو باااارد
ويوم وصلنا بداالنقاش فقع لااا ربيع فقع لااا ربيع والمشكله هكالوقت مابه فقع
لاكن هذولا العرب نقاش وهواش ولضيق الوقت قلنا خل نطلع للشمال والله ونتجه
مع خط رفحا الا الشمال الا ماوصلنا حول الشعبه ونفرق يمين ونفل الرواق ونصف
المواتر ونبدا بالعشا ومامدانا متعشين الا وهي باديتن تمطر ونزبط الشراع وخششش
خششش من باتسر الصبح كملنا الاماوصلنا كمب الهباس و نصلي معهم
الجمعه وعقب الصلاه نعبي الجراكل والبنزين ونفرق مع الجلد غرب وعاد بالطريق
مرينا على كم فيضه مادري وش اسمائهن بس هذي بعض صورهن

http://www.mekshat.com/pix/upload/images4/shmal.jpg

http://www.mekshat.com/pix/upload/images4/1.jpg

http://www.mekshat.com/pix/upload/images4/3.jpg

وكانت مثل ماتشوفون خووش فيضه
وعقبه مرينا على هالفيضه بس كانت غرقه ويبي له شوي وقت

http://www.mekshat.com/pix/upload/images4/2.jpg

وعقبه كملنا غرب الا ماوصلنا فيضه الزعبيه وكانت مليااانه عالم يالله لقينا مكان
وهذي بعض الصور

http://www.mekshat.com/pix/upload/images4/4.jpg

http://www.mekshat.com/pix/upload/images4/5.jpg

http://www.mekshat.com/pix/upload/images4/6.jpg

يتبع

[العنكبوت]

يتبع

وهذي صوره للبير الي بوسط الفيضه

http://www.mekshat.com/pix/upload/images4/7.jpg

وهذي بقيه صور الفيضه

http://www.mekshat.com/pix/upload/images4/9.jpg

وهذي للغروب بالفيضه

http://www.mekshat.com/pix/upload/images4/11.jpg

ومن بكرا الصبح اتجهنا غرب الا عيوج لينه وقبل العيوج مرينا على
فيضه صغينونه وكان الربيع توه يبي له وقت

http://www.mekshat.com/pix/upload/images4/12.jpg

http://www.mekshat.com/pix/upload/images4/13.jpg

وبعدها اتجهنا لعيوج وكانت البركه الي بعيوج ملييييانه

http://www.mekshat.com/pix/upload/images4/15.jpg

يتبع

[العنكبوت]

يتبع

وبعدين لعبت على العيال وقلت لهم ان الدرب مناك ووجهتهم للينه
((يعني حرفتهم عن الخط يمين)) لان به واحد يقولي ان هكالحزوم بهن ربيع
وهذي بعض الصور

من فوق الحزم

http://www.mekshat.com/pix/upload/images4/17.jpg

وهذي يوم نزلنا

http://www.mekshat.com/pix/upload/images4/16.jpg

وبعدها وصلنا للينه ومريناالقصر الاثري الي به واثره مشهور
هالقصر لاننا لقينا به جيب من قطر جاي يتفرج ... وهذي الصور

http://www.mekshat.com/pix/upload/images4/18.jpg

http://www.mekshat.com/pix/upload/images4/19.jpg


وبعدها توجهنا جنوب نبي لنفود النعجه يقولون به ربيع
وعاد يوم وازيناه زي العاده تهاوشنا وسيدنا

ويوم جينا ام عشر عبينا بنزين وجراكل وفرقنا مع النفود
نبي للبريكه وجيناه وطلعت رشاش محوري واستلمون العيال
تنكيت وقلنا ماصار الا الخير وتوجهنا للبسيتينات وطبعا كان ليل
ونشبنا بالحزوم الي بين البريكه والبسيتينات فقمنا رجعنا للنفود
ومشينا عليهن الا ماوازيناالبسيتينات وفرقنا له
عاد بهالوقت كنت اراسل بالجهاز ولقيت واحد من شباب المنتدى
وكان بالبريكه وسالته شلون تقعدون بالمحوري قال لاااااا الفيضه
ورا المحوري وهكالساعه ذبحن القهر وقلت بقلبي صار خير

وعاد نمنا بالبسيتينات و بالصبح قمنا وشفنا الربيع وكان توه قليل بس
كانت شاربتن ما يعني اتوقعه الحين روووعه ... عموما ذي الصور

http://www.mekshat.com/pix/upload/images4/20.jpg

http://www.mekshat.com/pix/upload/images4/21.jpg

وبعده نزلنا لقبه وتغدينا بالبعيثه وبعده رجعنا لبريده وبالطريق مرينا سد الاسياح وكان
مليييان وهذي صورته

http://www.mekshat.com/pix/upload/images4/22.jpg

http://www.mekshat.com/pix/upload/images4/25.jpg

وهذي هي سالفتنا وااسف على الاطاله وردائه التصوير

العنكبوت

[جبل كميت]

الغالي العنكبوت
تسلم والله يوسع صدرك مثل ما وسعت صدورنا بهالصور والمجهود الطيب
تحياتي لك ولربعك
أخوك
جبل كميت

[الطبيب]

ونستنا الله يونسك بالعفو والعافيه

[نفل]

السلام عليكم ورحمة الله وبركاته

اخوي العنكبوت
مشكور على التقرير والصور الجميلة والاخبار الزينة وجزاك الله خير والله يعطيك الف الف الف عافية
وياليت تقول اخوي تاريخ الرحلة متى ؟

ومشكور مرة ثانية

اخوك ابو محمد

[حفرلوجيا]

أخوي العنكبوت .. أغريتنا نلف مثل لفتك .. هل لأنك خرجت عن دائرة ( عنوان وصور ) ؟.. أم لأنك عيشتنا مشاعرك مع خوياك بالرحلة ؟..
الأكيد إنك عطيتنا جهد متعوب عليه ياعنكبوت :good::good:

[al-nashmi]

السلام عليكم ورحمة الله وبركاته

اخونا العنكبوت..... لا تعبت والحمدلله على السلامه.

تسلم على هالصور الممتعه.....

وما قلت لنا متى تاريخ الرحله والتقاط الصور؟؟؟

[طلال]

العنكبوت
كل عام وانت بخير
يعطيك العافيه على الرحله وعلى ها الصور الجميله00

[أبا أكشت]

اخوي العنكبوت
مشكور على التقرير والصور الجميلة والله يعطيك ألف عافية وكل عام وأنت بخير و جميع أعضاء وزوار المنتدي0

[العنكبوت]

جبل كميت...
الله يجعل ايامك دايم وناسه
وتسلم على الرد الحلو


الطبيب...
اله يسلمك ويعافيك ويشرح صدرك


نفل ...
وعليكم السلام ورحمه الله وبركاته
هذا اقل ماتستاهل ياخلفهم
ومن ناحيه التاريخ انا بالعطل ماعرف للتاريخ لاكن
الي اذكره انا صلينا جمعه بالهباس ورجعنا الاثنين
وصليت لي جمعه بالرياض يعني تقدر تقول قبل العيد
باسبوع وشوي


حفرلوجيا...
الله يسلمك يابعدي وتشكرات على التعقيب


النشمي...
وعليكم السلام ورحمه الله وبركاته
والله يجزاك الف خير ويحفظك ومن ناحيه التاريخ
اظنه قبل العيد باسبوع وشوي


طلال ...
وانت بالف خير وصحه وعافيه
ومشكور على الرد


ابااكشت...
مشكور على الرد وانتبالف صحه وسلامه وكل من يقرا


تحياتي

[كشات]

بسم الله الرحمن الرحيم
السلام عليكم ورحمة الله وبركاته

يا هلا والله ومسهلا
حيا الله خوينا بالكينوود

ابحط لك صورة البريكه اللي مالقيت به الا الرشاش المحوري
انا مثلك ماكنت ادري عن شي الا يوم نشدت عنه اهل (قبه) واهل(الطراق)
ومدحوه لي
مع اني واصل البريتسه بليل ولقينا المحوري لكن قلت للشباب الصبر زين وخلونا ندوره كله
والحمد لله وحده لقينا لنا ارض تستاهل العنوه

وعلى العموم
تشرفنا بمراسلك بالجهاز هاك اليوم

وتسلم على هالصور الزينه والوصف الدقيق

[صقر]

أخي العنكبوت

رحلة رائعة وصور اروع اتحفتنا بها.

بارك الله فيك....

[عاشق الصفاري]

مشكور على التقرير الرائعة .. وجزاك الله الف خير

[العنكبوت]

كشات:
هلابك اكثراخوي والله اني هكالليله يوم وصلنا للبسيتينات
قمت اراسل ودي اسولف معك بس ماش ارسالي دمااار
وتراني جينا من النفود موب من الطراق وقبه
وتشكراات على الرد


صقر:
الاروع ردك على الموضوع ... تسلم على التعقيب


عاشق الصفاري:
تستاهل اكثر يابعدي ... وشكرا على المرور


تحياتي

[ابو شكاع]

الله يعطيك العافية


وصف جميل وصور جميلة ولو انه ما طلعن عندي كلهن


مشكوووووووووووووور وما قصصصصصصصصصرت


ولاهنت

[رعد الجنوب]

رحلة موفقه وجميله فعلا
واعتبر طريقة رحلتكم من افضل الطرق
وهي عدم الاستقرار في منطقة واحده واكتشاف مناطق جديده وعدم الاعتماد الكلي
على الاحداثيات
الله يعطيك العافيه على الصور والوصف الرائع.

تحياتي

[العنكبوت]

ابو شكاع

والاجمل مرورك يابعدي
وتراهن كلهن طالعات بس عاد انت اضغط بالفاره يمين
على الي ماتطلع واختر اظهار الصوره


رعد الجنوب

الله يسلمك ويعافيك وهذي اول سنه مانخيم به والظاهر
ان كل السنين الجايه مثل هالمره


تحياتي