طالبين خبرتكم

[حمدان فهاد]

السلام عليمن ورحمه

شحالك انشالله بخير

الله لا يهينكم ابيكم تساعدوني بخبرتكم

عندي طير حر اذا حطيته بيدي 15 دقيقه يتم وبعدها يبغى يطير

يهد على تلوح الحباره في البيت لكن في البر كان مايعرف تلوح ويبغى يطير ومستغرب

مادري بس هو من طلع من المقيض من المستشفى وهو حاله متغير علي

مدري بس عتقد لو حط له فري في دس ممكن يتعود علي

وابي رايكم ومشورتكم

[روووح]

اخوي هذا شي عادي لان الطير توه طالع من المقيض
بس حاول انك تكثر من نقله وتعلفه على يدك

[قلب ذيب]

الله يحييك ياحمدان .
- - اولا ماقلت لنا هل الطير قرناس كبير ام بكر , وهل اصله خلوي اذا كان كبير في السن ! ومن المعروف ان الطير يحمل على اليد في بداية نقله , ويساهره الصقار الى منتصف الليل وبعد ان يركد الطير يتم تنقيزه وتحفيزه وتدهيله في المجلس مع ضرورة ( شنذرة الطير ) او القصر عليه وتطويفه , يحمل بعد ذلك الى المدعى ويتم دعوه على الملواح ويمكن ان يجرى بحمامه او سمنه ( فريه ) وستجد الطير بعد كم يوم يأتي على الملواح من مسافات بعيده , الا اذا كان الطير متعود على الدعو بحمامه ! الله يوفقك ويحييك في مكشات , وفي انتظار مساهماتك الهادفه وردودك الاخويه الصادقه , وفالك الخررررررررررب .

[حمدان فهاد]

مشكورين يالربع على المرور
طير قرناس بكر حر