المساعد الشخصي الرقمي

مشاهدة النسخة كاملة : القلص؟


راعي الدويحا
08/02/2004, 08:50 PM
ياخوان من يعرف محل يبيع القلص الذي يوضع خلف السيارة وماهو افضل نوع والاسعار اذا كان عندكم فكرة
ولكم جزيل الشكر
المواكب
09/02/2004, 12:09 AM
اخوي : راعي الدويحا .... السلام عليكم ورحمة الله وبركا ته : اخوي انا من هوات المقطورات . بس المقطورات انواع فيه الصيني و الفرنسي وشغل الوطني . مادري استخدامك للسفر أو للكشتات أودبابات الاطفال ، انا معي شغل مصنع الوادي بالرس ماشاء الله عليهم للدباب والسفر والكشتات بس السعر غالي شوي واذا بغيت انا جاهز .................................. اخوك المواكب عنيزة
مشغول
09/02/2004, 12:05 PM
هلا بكم

ان كانك من أهل الرياض .. عندك صناعية طريق الخرج مليانة .

أو على طريق الدمام بعد ما تتعدى مجمع الكباري الدائري الشمالي والشرقي يجيك أول نفق تتعداه

بعدين يجيك المحل على اليمين كبير اربع فتحات تقريبا . امش شوي شوي وبيجيك على اليمين .

وهلا بك
راعي الدويحا
11/02/2004, 07:30 PM
الاخوه الكرام المواكب والاخ مشغول الف شكر لكم على الرد ولكن الاخ المواكب ياليت اعطيتنا السعر التقريبي لهذه المقطورات والمقطوره التي اسئل عنها ابيها تشيل الخيم وجراكن الماء والبنزين وصندوق الحزبه والفرش لان الجيب مايشيل شي اذا ماهو شاصي
والف الف شكر لكم وياليت تذكرون لنا الفقع اذا عندكم علوم منه
ابورشيد
15/02/2004, 10:39 PM
فيه عربه قلص تفي بالغرض معروضه عند تقاطع امتداد شارع الاربعين بالملز مع شارع مشرفه في جهته الشماليه الشرقيه
وصاحبها حاط تليفونه وهو يبي فيها حول الالفين ريال
انا كلمته وقال انها مكلفته حوالي خمسة الاف ريال وبعد مركب فيها تانكي مويه ستيل
المواكب
16/02/2004, 12:38 AM
اخوي ... راعي الدويحا ... بعد التحية اخوي القلص قيمة تتراوح بين الثلاثة الاف وخمس مائة إلى الإربعة الاف وخمس مائة ريال وذا تبي موجودة في مصنع الوادي بالرس التلفون 063331596 المدير محمد والمحاسب وليد مصري بس على كيفك اخوك المواكب .. عنيـــــــــــــــزة
كايين
17/02/2004, 03:01 AM
تبي الشغل النضيف والمضبوط رح للقاضي أو اوتوستار

هذولي في الدمام شغل 10000000% بس الاسعار غاليه شوي

من 4000 وفوق :)

حتى في قلص مخصص للحيوانات والخيول .. :)