سؤال من اهل الخبرة عن الونش الأمريكي Warn

[سعودي نت]

السلام عليكم ورحمه الله

مبروك عليكم الامطار والخير وعسى الله يطرح فيها البركة وينفع بها البلاد والعباد

عندي سؤال عن الونش الامريكي 3 طـن هل عليه ضرر عند سحب سيارة مثلاً بالواير وليس بالقير او الريموت ؟ يعني يكون عمل الونش مثل السبته

يعني :

اربط السيارة او الجزء الي ودي اسحبه بالواير وبالسياره ارجع بالريوس بدون استخدام الريموت

ان شاء الله فهمتو قصدي :j


وعسى الله يبارك بالجميع يارب

[مسفر الاكلبي]

حياك الله اخوي وما اعتقد فيه ضرر وخاصه انه 3 طن

والاخوان اهل الاختصاص يفيدونك

[سعودي نت]

انا خايف المكره يكون فيها شي او تخرب
ننتظر اهل الاختصاص وشكرا لمرورك عزيزي مسفر

[سعودي نت]

بانتظاركم........

[ford]

اخوي سعودي انا مالي خبرة بالونوش لكن الافضل انك ماتسحب باالطريقه اللي ذكرتها لان الونوش قطع غيارها غااااااااااااااااااااااليه الله يكفينا شر الغلاء وبعدين اذا سيارتك فيها ونش مايضرك تشري واير سحب ب 30 او40 ريال وتفتك.
وعلي فكره فيه موضوع للاخ خشم الصان مميز جدا فيه كل شي عن الونوش

[سعودي نت]

الله يعافيك يالفورد على التكرم بالرد

الواير موجود معاي بالسياره ما ينزل ابد يسحب الى 3 طن ( سبته )

لكن احيانا احتاج للسحب بواير الونش وقلت اسائلكم لعل وعسى ان اجد اجابة كافية ووافيه

شكرا لك

[GMC2006]

أعتقد أنه يضر بتروس الونش ...

يعني يمكن يكسر الونش.....لان لما تسحب بالونش بالكهرب ووصل طاقته يوقف من حاله لكن أذا ثبت قير الونش صار الحمل كله على تروس الونش والقوة أو الكلمة هنا تكون لقوة سحب السيارة وهنا تكمن الخطورة بينما بالكهرب هو يعرف حدود طاقته...

وصلت المعلومة...

هذا والله أعلم( اجتهاد شخصي).

[القاصي1]

كان عندي على الباترول الربع
اعتقد انها طريقه خاطئة لاني اخاف تنفرط البكرة
لذلك من وجهه نظري انك تسحبه بالريموت ويمكن تساعده على خفيف جدا بالرجوع بالسيارة.
وانا قلت من خلال تجربه ويمكن تكون خطأ

[سعودي نت]

GMC2006 (http://www.mekshat.com/vb/member.php?u=91718)

القاصي 1

شكرا لكم على الإضافة وعسى الله يبارك في الجميع

[ابو هشام]

ما يضر شيئ إلا إذ نتعت نتعه قويه مره.

قوة الونش أقوى بأضعاف قوة السحب بالسياره
.

سؤال

ألا يوجد ضبه تقفل التروس في الونش

[الدبل]

اخوي سعودي والمكشاتيه السلام عليكم - جوابي على سؤالك هو سؤال وجوابه يرد على سؤالك - ليش صنعوا الونش وركبوه في السياره - ممكن الاستعانه بصديق - شكرا لكم

[سعودي نت]

ابو هشام

النتع اكيد راح يضر الونش

وفيه قير للمكرة علشان ترخي الواير


الدبل .. عليكم السلام ورحمه الله

ما فهمت القصد من سؤالك مضبوط ممكن نستعين بصديق ؟؟ :)

[عطارد]

الله معطيك ونش قوي تقدر تستخدمه وش اللي يخليك تستعمله على انه واير وللمعلوميه إذا زاد الحمل عليه بتنكسر سنن التروس اللي فيه واقعد دورها ومانت محصلها على طول وياهو بيلعب بك وكيله من ناحية سعر القطع والتصليح

[سعودي نت]

الاخ العزيز عطارد
طبعاً الونش ما وضع الا للسحب لكن بعض المرات تضطر للسحب بواسطة السيارة

مثلا سيارة مغرزه بالنفود او شعيب وانت بعيد عنها شوي علشان تسحبها بالونش راح تمد الواير لحد السياره المغرزه وتسحبها لكن اذا وصلت السياره المغرزة الى سيارتك وهي ما زالت مغرزة تضطر انك ترجع بالسياره الي فيها الونش للخلف وتفل الونش مره ثانيه وبعدين تسحبها مره اخرى
بالوضع هذا اضطر الى استخدام واير الونش للسحب بواسطة السيارة

ومثل ما تفضلت اذا التروس بتسبب لي مشكلة بلاش من هالفكرة كلها

[سعودي نت]

للرفع........

[سعودي نت]

للرفع........

[vxr1000]

أخوي سعودي نت
مساك الله بالخير
الدفاع المدني يستعمل نفس الونوش الي ذكرت وبعض الأحيان يضطرون للسحب بالسياره وانا مره شفتهم يحاولون يسحبون سياره وبدل ماتطلع السياره الي يسحبونها راحت تزحف سيارتهم وبعد كذا سحبو بسيارتهم وطلع الموتر الي يسحبونه يعني استخدمو الونش زي الواير وبعدكذا رجعو ونشهم طبيعي
وكثير من ألأحيان يستخدمون هذه الطريقه
ولاكن الحاجه الي ما اعرفها كم طن ونشهم

[ابومازن2]

اخوي سعودي نت

مساءك الله بكل خير وعافية
بالنسبة للونش وطريقتك في سحب سيارة مغرزة فتعتمد كليا على قوة الونش ونوعيتة اولاً .
ثانيا عند استخدامك للونش لسحب شئ تاكد من وزن الشئ المسحوب والمراد سحبة .
ثالثا عند سحبك لسيارة وكانت المسافة بعيدة بمسافة الواير احرص على لف الواير على الهوك الامامي( مرتين ) للمساعدة وتخفيف الحمل على الونش والقاعدة وتروس الونش .
واتمني اني افدتك

اخوك / ابو مازن

[سعودي نت]

بيـّض الله وجيهكم ما قصرتوا
معلومات استفدت منها كثيراً

[جيب الربع]

السلام عليكم ورحمه الله وبركاته اخى سعودى نت عادى اسحب فيه بس لاتحاول تنتل فيه السياره المغرزه وسبق مرة على النتل بالونش وخرب على

[سعد777]

الدينمو له حمل معين فمثلاُ تسحب سياره بالريموت وتصير اقوى من الدينمو تحس انه بيوقف او يسحب السياره للطرف الثاني وهنا اكيد بتقول السياره ثقيله وتتركه او تشوف لها حل آخر

لآكن لما تسحب به سياره ناشبه بالحيل او متعلقه على بطنها هنا تجي المشكله ماتدري هل الرمان يتحمل او ينفرط ويخرب ترس الدينموا وتعال فكه او غيره 000فكه فقط بهذله ووجع راس

نصيحيتي لا تسحب الا سياره مغرزه غراز بسيط جداً او ماشابه ذلك وانتبه تنـتق بالواير هذا على طول ينفرط
وانتبه تسحب به متواصل تراه يحتر ويحترق يعني 4 متر ووقف شوي وهكذا والمس الدينموا هل هو حار اولا

[سعودي نت]

السلام عليكم ورحمه الله وبركاته اخى سعودى نت عادى اسحب فيه بس لاتحاول تنتل فيه السياره المغرزه وسبق مرة على النتل بالونش وخرب على


الدينمو له حمل معين فمثلاُ تسحب سياره بالريموت وتصير اقوى من الدينمو تحس انه بيوقف او يسحب السياره للطرف الثاني وهنا اكيد بتقول السياره ثقيله وتتركه او تشوف لها حل آخر

لآكن لما تسحب به سياره ناشبه بالحيل او متعلقه على بطنها هنا تجي المشكله ماتدري هل الرمان يتحمل او ينفرط ويخرب ترس الدينموا وتعال فكه او غيره 000فكه فقط بهذله ووجع راس

نصيحيتي لا تسحب الا سياره مغرزه غراز بسيط جداً او ماشابه ذلك وانتبه تنـتق بالواير هذا على طول ينفرط
وانتبه تسحب به متواصل تراه يحتر ويحترق يعني 4 متر ووقف شوي وهكذا والمس الدينموا هل هو حار اولا

عز الله انكم ما قصرتوابالنشاما بيض الله وجيهكم

[shaheenshah]

اكيد يضره ليش؟

لانك تعكس لفة دوران الونش وبالتالي التروس ما راح تتحمل لانها ما صممت لهذا الشي ويمكن ينكسر عليك