خذ لك فنجال وعلوم رجال .......( وينك يا ليث ) تعال تقهو (( بالصور ))

[الطبيب]

السلام عليكم ورحمة الله وبركاته

اخواني الكرام

تطرق ليث قبل فتره لموضوع عمل القهوه وطرق تحضيرها

وهذا هو رابط الموضوع

http://www.mekshat.com/vb/showthread.php?s=&threadid=7648

وقد وعدته بعمل تقرير ( متواضع ) مصور عن طريقتي الخاصه لعمل القهوه

وهي كالتالي

اولا :-

تحط الماء على النار لين يفوح ثم(ن) تحط القهوه بعد طحنها مع القرنفل ( العويدي ) كما في الصوره

هذي صورة المطحانه

http://www.mekshat.com/pix/upload/images4/cofee2.jpg


وهذي صورة القهوه بعد ماتحطه على الماء الفايح

http://www.mekshat.com/pix/upload/images4/cofee3.jpg


ثمن تخليها تطبخ على نار هاديه ( اهم شي ما تنكب من جوانب الدله ) مثل الشكل التالي

http://www.mekshat.com/pix/upload/images4/cofee6.jpg

ثمن تطحن الهيل وتحط معه الزعفران ( حسب الذوق )

http://www.mekshat.com/pix/upload/images4/cofee5.jpg

ثمن تخلي الدله تفوح فوحه وحده على الهيل

http://www.mekshat.com/pix/upload/images4/cofee8.jpg

ثمن تزل المبهاره ( بالمزله ) بطريقه استخدمها وريحتني من شغلة الخلبه ( الليفه ) وذلك عن طريق استخدام ( مشخاله ) كما في الشكل

http://www.mekshat.com/pix/upload/images4/cofee9.jpg

وبعدين تعالو تقهوو يالربع

http://www.mekshat.com/pix/upload/images4/cofee10.jpg

وهذي صوره لمعاميلي للي يبي توقيع او يحتفظ بالصوره لاي سبب كان

http://www.mekshat.com/pix/upload/images4/cofee1.jpg

واسمحولي من القصور

واسمحولي عن التصوير اللي ماهو واضح ( لان كاميرتي لكم عليها شوي ) عليها قل صح ها اليومين

هااااااااااااااه عساك راضي يا ليث

واول فنجال تراه لك ( وماهو قصور(ن) بالربع الباقين )

هذا والله اعلم

والسلام ختام

اخوكم

الطبيب >> مسوي راعي معاميل


:D

[عبدالله الصالح]

عز الله ماقصرت نفس الطريقة الي( نعملها) رهيبة نعملها:D امهم القهوه حنا
نطبخها في دلة تفويح .
اخوك القصمنجي..

[abos3d]

صح يالفن كذا القهوة والا بلاش تصدق عاد اني ابد ما اشرب القهوة الا بالطريقة هذي تسلم على التصوير الراقي تقبل خالص شكري وتحياتي
اخوك أبو سعد

[صقر]

دلة عامرة بوجودك

ياعلك تسلم يالطبيب على حكرة هالمهيلة.... تسلم يمناك وما هي غريبة عليك...

بارك الله فيك..

[الطبيب]

اخوي القصمنجي

شكرا لمرورك وتعليقك على الموضوع

=======
ابو سعد حياك الله وبياك وجعل الجنة مثواك

والتصوير والله لك عليه (( الكاميره اي كلام ))

======

صقر يكفي الموضوع شرف انك مريت عليه وعلقت يا الغالي

======

وتقبلوا تحياتي

اخوكم الطبيب

[laith]

وعليكم السلام ورحمة الله وبركاته

جيت يالطبيب

ولاغرابه في موضوعك ولاجديد ... ضوك شابه, ومجلسك عامر وضيفانك ماهم منقطعين ياراعي الكرم والجود.....

وتراك كفيت ووفيت وبيضت وجهك ولاعليك قصور ياوافي.

وبالنسبه لفنجانك تراه مشروب وباقي لي عندك فنجانين بعد....! وياليت نقدر نستلف فنجان مشرفنا الاخ"صقر" يحلا الطعم بعد.

ارجو ان تقبل مني هذه الهديه المتواضعه جدا جدا وسامحني!

http://www.mekshat.com/pix/upload/images4/coff

[ابو شكاع]

تسلم يالطبيب ولاهنت


الصراحة شوقتنا للقهوة وحنا بتالي الليول

وعلى قولة القصمنجي .............حنا نسويه قبل بالمفواحة او دلة التفويح

تحط بالأول القهوه بدلة التفويح .............همن اذا فاح وطبخت القهوة تمام ..... تحط بالمبهرة الهيل ..... وتزعج <<<<< هذي مهوب فاهمة الا القليل ولاهوب قصور بكم بس كلمة قصيمية رساوية صرفه ههههههههههههه

اقول تزعج(اي تكب) القهوه بالمبهرة ...........همن على قولتك تخليه يقلب همن قرب الدلال وطيب التميرات

شكرا لك

[فرد حمزة]

أوووووف

شغلن كااااااالف

وفنجالن كاااااااايف

من رجل راعي كييييف

وتسلم لنا يا راعي الكار والكيف

[راع الكحيلة]

الله يجزاك خير يا شيخ

بس دير بالك إنك تسوي لي القهوة المطعمة بالعويدي ..لا سيّرت عليك

ترا مندبلة كبدي من خويي اللي يسوي القهوة معكوسة

الناس تحط القهوة وتطعمها بالعويدي أو غيره

وخويي من كثر حبه للعويدي سوا العكس

يحط العويدي ثم يطعهما بقهوة....(مبالغة من عندي من كرهي لطعم قهوته اللاذع)


يا حلو البن مع توأم حياته الهيل وبس

[عروان]

شغل 100% راعي كيف.

ولو أن كل ناس لهم طريقتهم في طبخ القهوة. أنا أضيف مع الهيل في المزله شوي زعفران و اذا بالشتاء والبرد قوي أضيف شوي زنجبيل.


بس شغلك تمام التمام خاصة في المشخال, خبرك العواده شيبان أول اذا شرب مع القهوة حب هيل أو بن تفله في المجلس. عسى الله يعطيهم الصحة و العافية.


تحياتي لك

[عريدان]

السلام عليكم ورحمة الله وبركاته
تسلم هيك إيدين و معاميل واللي خلق هالكون أني أحبها ......." القهوة".
وأقول :
أحب مشي غب وبل همالي * بأرض غذى نبتها السيل
وجلسة فيها أشوفك قـبالي * و دلة بهارها البن والهيل.

[مهند]

صب فنجال يالطبيب خل نشوف اقهوتك

اكيد هذي قهوة شماليه يابعدي

حنا في نجد نفوح القهوة اول في ابريق مثل اللي في الصورة اللي اهداها لك الاخ ليث

http://www.mekshat.com/pix/upload/images4/coff

ثم بعد ذلك نزلها في الدله بعد وضع الهيل وكل مازودت كمية الهيل كل ماضبط الكيف اكثر

واحب ان اقول لكم ملاحظة مهمة جدا

نار القهوة يجب ان تكون شديدة جدا نار التفويح وليس بعد ان تضع الهيل واذا كانت على حطب سمر او رمث
تكون شي واحذر من قهوة السخان الكهربائي هذي ماتنبغا ولابريال

--------------------------
عروان:D :D
والله انك صادق ياخوي الشيبان لهم عادة بعد وهي اخر الفنجال كابّه كابّه الله لايعوق بشر على الزوليه على الكنب على الجدار اهم شي ينسفه ورا وبس:D

[عاشق الصفاري]

مشكوررررررررر يالطبيب على هذا الشغل الزين ..
بصراحة انك راعي معاميل .. جزاك الله الف خير ..

[الطبيب]

السلام عليكم ورحمة الله وبركاته

وبالنسبه للتعليق على طريقة عمل القهوه فكما تعرفون لكل منطقه ولكل ناس طريقتهم الخاصه لعملها

وفي انتظار مشاركاتكم اخواني

=====================

الاخ ليث

هديتك مقبوله واعتز بها وهي ليست متواضعه

ولكن ارجو ان تقبل هديتي لك ( واللتي اهدانيها اخي العزيز راع الكحيله كتعليق على ردي في موضوعه (( الاسد )))


http://www.mekshat.com/pix/upload/images4/lionpaints%2011copy.jpg