شعاع الشمس

[غيث داورد]

عز الضحى والشمس ماترسل اشعاع = كفن شعاع الشمس غيم وسحابه
هل السحاب ورافق الوبل ذعذاع = عم السهل والمرتفع من هضابه
والطير غرد وانتشى ميت القاع = واخضر ماناش الحيا من ترابه
تلونت بالعشب من كل الانواع = وراع الولع بالبر جهز زهابه
روض وغدير وليل الاحباب جماع = ياما حلى باليل صوت الربابه
وسولف تطرب لها كل الاسماع = في مجلس كيف النشاما مشى به
والا المحل مافيه للبدو مرباع = مافيه غير البين ينعق غرابه



شعر: غيث داورد

[جرير]

صح لسان اخوي غيث
وين هالزين موزيه
جميله حفظك الله والجاي احلا
لا تبعد

[غيث داورد]

هلا والله ومليون غلا بمشرفنا العزيز جرير ومبروك ها الخير الله ينفع به البلاد والعباد

هذه موزينها لوقتها الله يسلمك ويوم الله من علينا بها الخير طلعناها لك وللطيبين امثالك

ودي انشدك عن اخونا ريف النشاما كان لك تواصل معه وش اخباره عساه طيب

وتقبل تحيات اخوك غيث اللذي ازدان متصفحه بمرورك الكريم

[مقدور]

عز الضحى والشمس ماترسل اشعاع = كفن شعاع الشمس غيم وسحابه
هل السحاب ورافق الوبل ذعذاع = عم السهل والمرتفع من هضابه
والطير غرد وانتشى ميت القاع = واخضر ماناش الحيا من ترابه
تلونت بالعشب من كل الانواع = وراع الولع بالبر جهز زهابه
روض وغدير وليل الاحباب جماع = ياما حلى باليل صوت الربابه
وسولف تطرب لها كل الاسماع = في مجلس كيف النشاما مشى به
والا المحل مافيه للبدو مرباع = مافيه غير البين ينعق غرابه




شعر: غيث داورد


الله الله

صح لسانك مليون اخوي غيث داورد

ومن طول الغيبات جاب الغنايم

[غيث داورد]

هلا والله بالعزيز مقدور مرورك زادني شرفا وتستاهلون اكثر

لك تحياتي

[جرير]

حياك اخي غيث ولك من اسمك نصيب
عساك علي القوه
ريف النشاما طيب وباقي مشغول بالعمار وهذا حنا نحاول به يعود ولكن يتغلي علينا

[يوسف الخليفة1]

صح لسانك أخي العزيز غيث داورد وننتظر منك المزيد بإذن الله وحياك ربي

[غيث داورد]

اخي ابو عبدالله 1تشرف متصفحي بمرورك الكريم لك مني كل التقدير والاحترام