الأخوه الكرام ابي خيمة سهلة التركيب والفك

[من العيون]

السلام عليكم
اعضاء منتدى مكشات الكرام ابي خيمة بمواصفات خاصةهي:
1-المقاس 4*4 أو اصغر بقليل
2-سلة التركيب والفك وسهلة الحمل
3-تكون ضد الماء
ولكم الشكر الجزيل

[alnasri-52]

عندك فيه خيمه تايوانيه عند السنيدي تركبها بـ 3 دقايق وتفكها بنفس الوقت

وفيها جوده وضد الماء بعد

حجمها 3 * 3

[بريمي]

تبي شوري وإن شاءالله تبي تدعي لي لا تفوتك خيمة البيرق من القاضي ولها ثلاث مقاسات 3 * 3 و 4 * 4 و 5 * 5 م
فعلا خيمة رائعة وسهلة التركيب وضد المطر ومعالجة ضد التعفن ويفتح أحد أجنابها على شكل مظلة وأبوابها دورين أحدهما تور ( شبك ) ضد الحشرات وأرضيتها مشمعه وبها فتحة وجار للنار..
يعني بإختصا ر راااااااااااااااائعة..
وإذا كنت في القصيم لهم فرع بعنيزة بإدارة المرباع للرحلات على طريق الملك عبدالعزيز شمال تويوتا..

[سرهيد]

http://www.mekshat.com/pix/upload/images47/mk41006_mk18350_admmam.jpg

عليك بخيمة القاضي تلبي طلبك بالضبط ومنها عادي ومبطن وفيها مساحات على كيفيك

وبامكانك زيارة معرضهم في مخرج 15 وبتلقى ما يسعدك

اخوك

ابو عبدالله

[الدهاس]

تبي النصيحه شوف الخيمه وان شاء الله تعجبك واحرص على انتاج هذه السنه

[فهد-بوعبدالله]

لاتفكر في غير خيمه البيرق غاطيين وخفيفه وسهله التركيب والفك ...... ينصبها شخص واحد

[سيف الظفير]

البيرق يا الغالي

[أبو مها]

البيرق انا استخدمتها لايعلى عليها 5 في 5 غاطين شوفها بالتوقيع

اخوك
ابومها

[oالحربيo]

البيرق وبس

[عاشق السيل]

قالوها الشباب ،،،،

البيييييييييييييييييييييييييييييييرق !!

[thamer_ksa]

اخوي انصحك بخمية القاضي البيرق غاطين 4*4 اللون الصحراوي لان الابيض مايتحمل الوسخ وانت بكرامه

[مسامرالليل]

طيب سعر خيمة البيرق بكم والمقاس كم

[عاشق السيل]

طيب سعر خيمة البيرق بكم والمقاس كم


هذي الأسعار عند زيارتي لهم العام الماضي :

3*3 غاط واحد = 850 ريال
4*4 غاط واحد = 1250 ريال
4*4 غاطين = 1550 ريال
5*5 غاط واحد = 1500 ريال

ولا أعلم إن كانت تغيرت أو لا .....

[مسامرالليل]

اخي الحبيب : عاشق السيل
شاكر لك حسن تجاوبك حول سؤالي ولاعدمناك ياالطيب
تقبل تحيات اخوك ابو ثامر

[أبو مها]

ابو ثامر تراهم رفعو الاسعار بس رح لم الموزعين تلقاها على سعرها الاول

[القاصي1]

زادو اسعارهم
وبنقاطع
دور غيرها من اي مكان او فصل.

:no2: :no2: :no2: :no2:

[الحرفي..]

خذلك خيمة عمود واحد 3*3 تبع التميمي 650 ريال وبتعجبك وميزتها حجمها نفس حجم فراش البر وضد المطر ، وخلو عنكم القاضي الي يتلاعب بالاسعار وقاطعوه والله ان ينزل اسعاره غصب عنه

[KEA2003]

تبي خفيف وسهل نصيحه لا تقرب القاضي معروف بالثقل والغلاء

[أبو مها]

هناك حملة مقاطعة على القاضي حتى لو خيامة ممتازة لابد انه يعرف ان شقردية
مكشات لهم تأثير على اسعار لوازم الرحلات وابحث عن البدائل فهي كثيرة

[قوي العزايم]

الان ما الافضل من الانواع العازلة للمطر 3*4 وكم تتراوح الاسعار

[سهاله]

خيمة الوسم للأخ أبوعبالعزيز من الرس الله يجزاه خير صدق وأمانه في التعامل
وهذا موقعهم
http://www.aboyzeed.info/wasem/

[قيس عبدالله]

خيمه الوسم من القاضي طبقتين سهله التركيب مره روعه وعندهم عرض حلو

[عااشق الدهناء]

وعليكم السلام


اخوي بناء على المواصفات اللي انت تطلب اتضح لي انك تبي خيمة للطرقي يعني عادي تطقها بمكان والعصر بمكان ولا انا غلطان !!


اخوي انا ترى والله مثلك كنت ادور على خيمة خفيفه ولا تاخذ مكان بالسيارة واهم شي اقدر انصبها بالحالي وبصراحة ما لقيت من ها الخيام غير الخيام السريعة واللي تجيك انصابها منها وفيها


مثل ها الخيام اللي بموقع مكشاتي للأخ الكريم منصور على الرابط
http://www.mikshati.com/catalog-list-خيام-217-217.html (http://www.mikshati.com/catalog-list-خيام-217-217.html)


انا والله اخذت لي وحده من خيام انستانت مقاس 3.4×2.74 يوم كان عليها عرض وبصراحة اقدر اركبها وافكها بدقيقة أو اقل بعد ... سهله بالحيل .. اما عن عمليتها فــ اتوقع ان خيام البيرق والخيام اللي تجي قماش اكيد بتكون افضل واقوى ولكن حسب الاستخدام يعني لو تحافظ على الشي اتوقع يدوم معك وانا لي تجربه مع الخيمه الشراعيه اللي سرعها 45 ريال ولا شفت منها شي


انا من النوع اللي يحب الخيام السريعة خصوصاً انا كنت في رحلة صيد ولا احب ركب مواصير لا تركب مواصير شد لا تشد وعشان كذا اخذت ها الخيمة
وانت على حسب حاجتك للخيمة اذا انت راعي تكيات ومكشات وتقول اقضب الارض البيرق مثل ما تفضلوا الاخوان تعتبر افضل من ناحية القماش والقوة


موفق خير .. والله يكتب لك الصالح



ـــ

[نصري1]

اخي العزيز خيام الوسم من اخونا ابو عبد العزيز لايعلى عليها

[مملكة الرحلات]

هذي صورتين مع مقاطع فديو للخيمة الوسم وخيمة البيرق اتمنى انك تستفيد منهم
اخوك مملكة الرحلات


http://i44.tinypic.com/mwwjh2.jpg
http://www3.zippyshare.com/v/93191244/file.html

خيمة البيرق
http://i44.tinypic.com/xkvb6o.jpg
http://www66.zippyshare.com/v/6027015/file.html