السنيدي بالكويت

[human73]

الاخوه هذه هي احداثيات محلات السنيدي بالكويت

N 29.34062 E047.93536

العنوان في شويخ خلف معرض المعارض لبيت التمويل الكويتي

خوش محل يستاهل الزيارة و فيه كثير من الاشياء المفيده تحت سقف واحد

و يغنيك عن البحث في سوق السلاح الكبير

[بو جريس 73]

يعطيك العافيه ماقصرت:good:

[أبو براك]

اخوي هل انت متاكد من العنوان .. وشكرا

[human73]

نعم اخي بالله انا متاكد من العنوان كذالك تستطيع للسهوله ان تاخذ الاحداثيات و تضعهالا في غوغل ايرث لتتمكن من تحديد المكان بسرعه و من اين الدخول

بالتوفيق

[manfromjubail]

الله يعطيك العافيه ماقصرت

وأسعاره نفسها وإلا فيها زياده

[طعني وأفلح]

إخواني أعضاء المنتدى كيف أحوالكم
أنا رحت للسنيدي في الكويت أسعاره أنا أشوفها معقوله
لكن هناك بعض الشغلات البسيطة غير متوفره
تحياتي للجميع

[أبو براك]

للامانه زرت السنيدي اليوم من ايجابيات المحل حسن الاستقبال والتعامل من الاخوان الاثنين الموجودين وتوفرت شغلات كثيره غير موجوده بالسوق الكويتي ومنها عزب السنيدي بجميع الاشكال وتوفر دوافير كوفيا الكورية وكشفات متنوعة ومن السلبيات صعوبة الاستدلال على الموقع و الاسعار شوي مبالغ فيها

[طاش]

انا شفت المحل صغير جدا ولا يستاهل العنوة لة ولا فيه اشياء كثيرة

[rashed711]

مثل ما قالوا الربع الاسعار مبالغ فيها حبتين

[أبو براك]

وخير مثال على ارتفاع الاسعار عندهم .. محول كويو 150 واط سعره بالسنيدي فرع الكويت على 16 دينار كويتي يعني تقريبا 224 ريال سعودي .. وسعره بالسعوديه اعتقد انزل من هالسعر بكثير

[halaweenw]

محلهم صغير وما فيه كل اللي موجود بالسعوديه ولكن اجمالا افضل الموجود بالكويت يعني صعب تلقى محل فيه كل اللي تبيه وافضل من المعارض اللي يقيمونها الجمعيات بموسم البر
يعيبهم موقعهم وضيق المحل واسعارهم اغلا من السعودية

[أكحل]

محلهم عجيب وفيه كل شي ... وانا ما اشتري اغراضي ألا منه ... وخدمه الاستقبال فيه مميزه جدا وما اعتقد انه ماكو شي مافيه على رغم من صغر ... ولو نقصت فيه اغراض لاتلومونه مافي بالكويت الا اهو ... وتقبلووو مرووري

[ابوفهيدان]

انا اتسوق من برق الحيا كل مامريت الرياض
ومحل السنيدي بالكويت لاباس فيه

[DARK2]

مشكلة المحل قلة الاعلان وتعريف الناس فيه وكثير من شباب بالكويت مايعرفون مع العلم انة فاتح من 3 سنين .. وانا بالنسبة للاسعار نعم فيها ارتفاع شوي غير ملحوظ مثل تاني الماء يفرق عن السنيد 13 دينار مايقارب 170 ريال ( حق البانزين ) وهذا عيب من السنيدي نفسة لانة ماعرف يستقل وكلاء له بالخليج لترويج بضاعتة ومحلات مثل هذي شي طبيبعي عليهم قيمة البضاعة والنقل والجمارك .. ألخ يعني شلون تبون سعره نفس السنيدي صاحب البضاعه

[jaber280]

صراحة السنيدي في الكويت فك ازمة
واشكر العاملين في المحل وخصوصا اخونا ابو خليفة رجل يرحب بالجميع ويخليك تشتري وانت مرتاح

[شحبار]

هناك محل كشته وهو معروف وقديم بالفروانيه والجهراء :good:

[أبوسرحان]

ياشباب هل هو السنيدي المعروف بالمملكه ام انه نفس الاسم الرجاء الاجابه الاكيده

[( برى بحرى)]

نفس المحل وفتح فرع بالكويت

الله يرزقهم ويوفقهم صراحه معامله جدا راقيه وقمه الاحترام

ما يقصرون

[halaweenw]

هناك محل كشته وهو معروف وقديم بالفروانيه والجهراء :good:

مريت قبل سنه لمحل كشته اللي بالفروانيه واعتقد انا ما فيه من الكشته الا اسمه وكم شنطة عزبه ردية الصنع
ولا يقارن بالسنيدي